कस्य चित् त्व् अथ कालस्य राजा राजगृहेश्वरः शुश्राव निहतं कंसं जरासंधः प्रतापवान् ॥
आजगाम षडङ्गेन बलेन महता वृतः जिघांसुर् हि यदून् क्रुद्धः कंसस्यापचितिं चरन् ॥
अस्तिः प्राप्तिश् च नाम्नास् तां मागधस्य सुते नृप जरासंधस्य कल्यान्यौ पीनश्रोणिपयोधरे उभे कंसस्य ते भार्ये प्रादाद् बार्हद्रथो नृपः ॥
स ताभ्यां मुमुदे राजा बध्वा पितरम् आहुकम् समाश्रित्य जरासंधम् अनादृत्य च यादवान् शूरसेनेश्वरो राजा यथा ते बहुशो श्रुतः ॥
ज्ञातिकार्यार्थसिद्ध्यर्थम् उग्रसेनहिते स्थितः वसुदेवो ऽभवन् नित्यं कंसो न ममृषे च तम् ॥
रामकृष्णौ व्यपाश्रित्य हते कंसे दुरात्मनि उग्रसेनो ऽभवद् राजा भोजवृष्ण्यन्धकैर् वृतः ॥
दुहितृभ्यां जरासंधः प्रियाभ्यां बलवान् नृपः प्रियार्थं वीरपत्नीभ्याम् उपायान् मथुरां ततः कृत्वा सर्वसमुद्योगं क्रोधाद् अभिययौ यदून् ॥
प्रतापावनता ये हि जरासंधस्य पार्थिवाः मित्राणि ज्ञातयश् चैव संयुक्ताः सुहृदस् तथा ॥
kasya cit tv atha kālasya rājā rājagṛheśvaraḥ śuśrāva nihataṃ kaṃsaṃ jarāsaṃdhaḥ pratāpavān ||
ājagāma ṣaḍaṅgena balena mahatā vṛtaḥ jighāṃsur hi yadūn kruddhaḥ kaṃsasyāpacitiṃ caran ||
astiḥ prāptiś ca nāmnās tāṃ māgadhasya sute nṛpa jarāsaṃdhasya kalyānyau pīnaśroṇipayodhare ubhe kaṃsasya te bhārye prādād bārhadratho nṛpaḥ ||
sa tābhyāṃ mumude rājā badhvā pitaram āhukam samāśritya jarāsaṃdham anādṛtya ca yādavān śūraseneśvaro rājā yathā te bahuśo śrutaḥ ||
jñātikāryārthasiddhyartham ugrasenahite sthitaḥ vasudevo 'bhavan nityaṃ kaṃso na mamṛṣe ca tam ||
rāmakṛṣṇau vyapāśritya hate kaṃse durātmani ugraseno 'bhavad rājā bhojavṛṣṇyandhakair vṛtaḥ ||
duhitṛbhyāṃ jarāsaṃdhaḥ priyābhyāṃ balavān nṛpaḥ priyārthaṃ vīrapatnībhyām upāyān mathurāṃ tataḥ kṛtvā sarvasamudyogaṃ krodhād abhiyayau yadūn ||
pratāpāvanatā ye hi jarāsaṃdhasya pārthivāḥ mitrāṇi jñātayaś caiva saṃyuktāḥ suhṛdas tathā ||
Спустя некоторое время могущественный Джарасандха, царь и владыка Раджагрихи, услышал, что Камса убит. Разгневанный и желая истребить Ядавов, он выступил с огромным шестичастным войском, добиваясь возмездия за Камсу. О царь, у Джарасандхи, государя Магадхи, были две прекрасные дочери, Асти и Прапти, полные бёдрами и грудью; царь Бархадратха отдал их обеих в жёны Камсе. Камса радовался с ними: он связал своего отца Ахуку, опирался на Джарасандху и пренебрегал Ядавами, став царём Шурасены, как ты уже много раз слышал. Васудева постоянно стоял на стороне пользы Уграсены и ради успеха дел родичей, а Камса не терпел его. Когда злодушный Камса был убит, Уграсена, опираясь на Раму и Кришну, стал царём, окружённый Бходжами, Вришни и Андхаками. Тогда могучий Джарасандха ради двух любимых дочерей, жён героя, собрал все приготовления и в гневе выступил на Ядавов, направившись к Матхуре. Все цари, склонённые его могуществом, его друзья, родичи и союзники, примкнули к нему.
8753ac35420b · published Jun 22, 2026, 4:14:50 AM UTC
Available inRUPage between verses with
После восстановления Матхуры внешний мир отвечает войной. Личная скорбь Джарасандхи по дочерям соединяется с политической силой, и из семейной связи Камсы рождается новая угроза для Ядавов.