तेषु वेश्मसु युक्तेषु यादवेषु महात्मसु पुर्याः क्षिप्रं निवेषार्थं चिन्तयाम् आस माधवः ॥
तस्य दैवी स्थिता बुद्धिश् चपला क्षिप्रकारिणी पुरी सा वै प्रियकरी यदूनाम् अभिवर्धनी ॥
शिल्पिमुख्यो ऽस्ति देवानां प्रजापतिसुतः प्रभुः विश्वकर्मा स्वमत्या वै पुरीं संस्थापयिश्यति ॥
मनसा तम् अनुध्याय तस्यागमनकारणम् त्रिदषाभिमुखः कृष्णो विविक्ते समपद्यत ॥
तस्मिन्न् एव ततः काले शिल्पाचार्यो महामतिः विश्वकर्मा सुरश्रेष्ठः कृष्णस्य प्रमुखे स्थितः ॥
दैवेन मनसा क्शिप्रं तव विष्णो धृतव्रत किंकरः समनुप्राप्तः शाधि मां किं करोमि ते ॥
यथा स्याद् देवदेवेशस् त्र्यम्बकश् च यथाव्ययः तथा त्वं देव मान्यो ऽसि विशेषो नास्ति मे प्रभो ॥
त्रैलोक्यज्ञापिकां वाचम् उत्सृजस्व महाभुज एषो ऽस्मि परिदृष्टार्थः किं करोमि प्रशाधि माम् ॥
श्रुत्वा विनीतवचनं केशवो विश्वकर्मणः प्रत्युवाच यदुश्रेष्ठः कंसारिर् अतुलं वचः ॥
श्रुतार्थो देवगुह्यस्य भवान्य् अत्र वयं स्थिताः अवश्यं त्व् इह कर्तव्यं सदनं मे सुरोत्तम ॥
तद् इयं भूः प्रकाशार्थं निवेश्या मयि सुव्रत मत्प्रभावानुरूपैश् च गृहैश् चेयं समन्ततः ॥
उत्तमा च पृथिव्यां वै यथा स्वर्गे ऽमरावती तथेयं हि त्वया कार्या शक्तो ह्य् असि महामते ॥
मम स्थानम् इदं कार्यं यथा वै त्रिदिवे तथा मर्त्याः पश्यन्तु मे लक्ष्मीं पुर्या यदुकुलस्य च ॥
teṣu veśmasu yukteṣu yādaveṣu mahātmasu puryāḥ kṣipraṃ niveṣārthaṃ cintayām āsa mādhavaḥ ||
tasya daivī sthitā buddhiś capalā kṣiprakāriṇī purī sā vai priyakarī yadūnām abhivardhanī ||
śilpimukhyo 'sti devānāṃ prajāpatisutaḥ prabhuḥ viśvakarmā svamatyā vai purīṃ saṃsthāpayiśyati ||
manasā tam anudhyāya tasyāgamanakāraṇam tridaṣābhimukhaḥ kṛṣṇo vivikte samapadyata ||
tasminn eva tataḥ kāle śilpācāryo mahāmatiḥ viśvakarmā suraśreṣṭhaḥ kṛṣṇasya pramukhe sthitaḥ ||
daivena manasā kśipraṃ tava viṣṇo dhṛtavrata kiṃkaraḥ samanuprāptaḥ śādhi māṃ kiṃ karomi te ||
yathā syād devadeveśas tryambakaś ca yathāvyayaḥ tathā tvaṃ deva mānyo 'si viśeṣo nāsti me prabho ||
trailokyajñāpikāṃ vācam utsṛjasva mahābhuja eṣo 'smi paridṛṣṭārthaḥ kiṃ karomi praśādhi mām ||
śrutvā vinītavacanaṃ keśavo viśvakarmaṇaḥ pratyuvāca yaduśreṣṭhaḥ kaṃsārir atulaṃ vacaḥ ||
śrutārtho devaguhyasya bhavāny atra vayaṃ sthitāḥ avaśyaṃ tv iha kartavyaṃ sadanaṃ me surottama ||
tad iyaṃ bhūḥ prakāśārthaṃ niveśyā mayi suvrata matprabhāvānurūpaiś ca gṛhaiś ceyaṃ samantataḥ ||
uttamā ca pṛthivyāṃ vai yathā svarge 'marāvatī tatheyaṃ hi tvayā kāryā śakto hy asi mahāmate ||
mama sthānam idaṃ kāryaṃ yathā vai tridive tathā martyāḥ paśyantu me lakṣmīṃ puryā yadukulasya ca ||
Когда жилища для великодушных Ядавов были устроены, Мадхава задумался о быстром заселении города. У него возникла божественная, быстрая и деятельная мысль: эта столица должна радовать Ядавов и увеличивать их. «У богов есть главный мастер, могущественный сын Праджапати Вишвакарман; он своим замыслом устроит город». Мысленно созерцая его и желая его прихода, Кришна, обращённый к богам, уединился. В тот же миг великомудрый учитель ремёсел Вишвакарман, лучший среди богов, предстал перед Кришной и сказал: «О Вишну, твой слуга, твёрдый в обете, быстро пришёл божественным умом. Прикажи мне: что сделать для тебя? Как почитаем владыка богов и как почитаем неизменный Трьямбака, так и ты, о дева, достоин почитания; для меня нет различия, владыка. Произнеси слово, известное трём мирам, могучерукий. Я здесь и понимаю цель: что мне сделать? Наставь меня». Услышав смиренные слова Вишвакармана, Кешава, лучший из Яду, враг Камсы, ответил несравненной речью: «Ты знаешь смысл тайны богов; ты здесь, и мы здесь. О лучший бог, непременно должно быть создано здесь моё жилище. Эта земля должна быть устроена ради моего сияния и со всех сторон застроена домами, соответствующими моей мощи. Сделай её лучшей на земле, как Амаравати на небе; ты способен, великомудрый. Пусть это место будет моим, как в небесном мире; пусть смертные увидят великолепие моей столицы и рода Яду».
c5dcabd6fe3a · published Jun 22, 2026, 4:42:18 AM UTC
Available inRUPage between verses with
Кришна призывает не обычного строителя, а Вишвакармана. Дваравати должна явить на земле небесный порядок, соответствующий присутствию самого Вишну.