तच् छ्रुत्वा वासुदेवस्य भोजवृष्ण्यन्धका वचः जहृषुर् हृष्टलोमानः पूजयन्तो जनार्दनम् ॥
ऊचुश् चैनं नृवीरास् ते कृताञ्जलिपुटास् ततः नैतच् चित्रं महाबाहो त्वयि देवकिनन्दन ॥
यत् कृत्वा दुष्करं कर्म देवैर् अपि सुदुष्करम् लालयेः स्वजनं भोगै रत्नैश् च स्वयम् अर्जितैः ॥
ततः सर्वदशार्हाणाम् आहुकस्य च याः स्त्रियः प्रीयमाणाः सभां जग्मुर् वासुदेवदिदृक्षया ॥
देवकीसप्तमा देव्यो रोहिणी च शुभानना ददृशुः कृष्णम् आसीनं रामं चैव महाभुजम् ॥
तौ तु पूर्वम् अतिक्रम्य रोहिणीम् अभिवाद्य च अभ्यवादयतां देवौ देवकीं रामकेशवौ ॥
सा ताभ्याम् ऋषभाक्षाभ्यां पुत्राभ्यां शुशुभे ऽधिकम् अदितिर् देवमातेव मित्रेण वरुणेन च ॥
ततः प्राप्तौ नराग्र्यौ तु तस्या दुहितरं तदा एकानंशेति याम् आहुर् नरा वै कामरूपिणीम् ॥
तथा क्षणमुहूर्ताभ्यां यया जज्ञे सहेश्वरः यत्कृते सगणं कंसं जघान पुरुषोत्तमः ॥
सा कन्या ववृधे तत्र वृष्णिसद्मनि पूजिता पुत्रवत् पाल्यमाना वै वासुदेवाज्ञया तदा ॥
ताम् एकाम् आहुर् उत्पन्नाम् एकानंशेति मानवाः योगकन्यां दुराधर्षां रक्षार्थं केशवस्य च ॥
तां वै सर्वे सुमनसः पूजयन्ति स्म यादवाः देववद् दिव्यवपुषा क्र्ष्णः संरक्षितो यया ॥
तां च तत्रोपसंगम्य प्रियाम् इव सखीं सखा दक्षिणेन कराग्रेण परिजग्राह माधवः ॥
तथैव सामो ऽतिबलस् तां परिष्वज्य भाविनीम् मूर्ध्न्य् उपाघ्राय सव्येन परिजग्राह पाणिना ॥
ददृशुस् तां प्रियां मध्ये भगिनीं रामकृष्णयोः रुक्मपद्मकरव्यग्रां श्रियं पद्मालयाम् इव ॥
अथाक्षतमहावृष्ट्या पुष्पैश् च विविधैः शुभैः अवकीर्य च लाजैस् तां स्त्रियो जग्मुर् यथागतम् ॥
ततस् ते यादवाः सर्वे पूजयन्तो जनार्दनम् उपोपविविशुः प्रीताः प्रशंसन्तो ऽद्भुतं कृतम् ॥
पूज्यमानो महाबाहुः पौराणां रतिवर्धनः विजहार महाकीर्तिर् देवैर् इव स तैः सह ॥
समासीनेषु सर्वेषु यादवेषु जनार्दनम् नियोगात् त्रिदशेन्द्रस्य नारदो ऽभ्यागमत् सभाम् ॥
सो ऽथ संपूजितः पूज्यः शूरैस् तैर् यदुपुंगवैः करे संस्पृश्य गोविन्दं विवेश महद् आसनम् ॥
tac chrutvā vāsudevasya bhojavṛṣṇyandhakā vacaḥ jahṛṣur hṛṣṭalomānaḥ pūjayanto janārdanam ||
ūcuś cainaṃ nṛvīrās te kṛtāñjalipuṭās tataḥ naitac citraṃ mahābāho tvayi devakinandana ||
yat kṛtvā duṣkaraṃ karma devair api suduṣkaram lālayeḥ svajanaṃ bhogai ratnaiś ca svayam arjitaiḥ ||
tataḥ sarvadaśārhāṇām āhukasya ca yāḥ striyaḥ prīyamāṇāḥ sabhāṃ jagmur vāsudevadidṛkṣayā ||
devakīsaptamā devyo rohiṇī ca śubhānanā dadṛśuḥ kṛṣṇam āsīnaṃ rāmaṃ caiva mahābhujam ||
tau tu pūrvam atikramya rohiṇīm abhivādya ca abhyavādayatāṃ devau devakīṃ rāmakeśavau ||
sā tābhyām ṛṣabhākṣābhyāṃ putrābhyāṃ śuśubhe 'dhikam aditir devamāteva mitreṇa varuṇena ca ||
tataḥ prāptau narāgryau tu tasyā duhitaraṃ tadā ekānaṃśeti yām āhur narā vai kāmarūpiṇīm ||
tathā kṣaṇamuhūrtābhyāṃ yayā jajñe saheśvaraḥ yatkṛte sagaṇaṃ kaṃsaṃ jaghāna puruṣottamaḥ ||
sā kanyā vavṛdhe tatra vṛṣṇisadmani pūjitā putravat pālyamānā vai vāsudevājñayā tadā ||
tām ekām āhur utpannām ekānaṃśeti mānavāḥ yogakanyāṃ durādharṣāṃ rakṣārthaṃ keśavasya ca ||
tāṃ vai sarve sumanasaḥ pūjayanti sma yādavāḥ devavad divyavapuṣā krṣṇaḥ saṃrakṣito yayā ||
tāṃ ca tatropasaṃgamya priyām iva sakhīṃ sakhā dakṣiṇena karāgreṇa parijagrāha mādhavaḥ ||
tathaiva sāmo 'tibalas tāṃ pariṣvajya bhāvinīm mūrdhny upāghrāya savyena parijagrāha pāṇinā ||
dadṛśus tāṃ priyāṃ madhye bhaginīṃ rāmakṛṣṇayoḥ rukmapadmakaravyagrāṃ śriyaṃ padmālayām iva ||
athākṣatamahāvṛṣṭyā puṣpaiś ca vividhaiḥ śubhaiḥ avakīrya ca lājais tāṃ striyo jagmur yathāgatam ||
tatas te yādavāḥ sarve pūjayanto janārdanam upopaviviśuḥ prītāḥ praśaṃsanto 'dbhutaṃ kṛtam ||
pūjyamāno mahābāhuḥ paurāṇāṃ rativardhanaḥ vijahāra mahākīrtir devair iva sa taiḥ saha ||
samāsīneṣu sarveṣu yādaveṣu janārdanam niyogāt tridaśendrasya nārado 'bhyāgamat sabhām ||
so 'tha saṃpūjitaḥ pūjyaḥ śūrais tair yadupuṃgavaiḥ kare saṃspṛśya govindaṃ viveśa mahad āsanam ||
Услышав слова Васудевы, Бходжи, Вришни и Андхаки возрадовались; волосы у них поднялись от восторга, и они почитали Джанардану. Сложив ладони, эти герои сказали: «О могучерукий сын Деваки, это не диво для тебя: совершив труднейшее дело, трудное даже для богов, ты радуешь своих родных благами и добытыми тобой драгоценностями». Затем женщины всех Дашархов и женщины Ахуки, желая увидеть Васудеву, радостно пошли в зал собрания. Богини, среди которых Деваки была седьмой, и прекраснолицая Рохини увидели сидящего Кришну и могучерукого Раму. Рама и Кешава сначала поклонились Рохини, а затем оба божественных брата приветствовали Деваки. С двумя быкоглазыми сыновьями она засияла ещё больше, словно Адити, мать богов, с Митрой и Варуной. Затем два лучших мужа подошли к её дочери, которую люди называют Эканамшей, способной принимать желанный образ. Она родилась вместе с Господом, а ради неё высший пуруша убил Камсу со всем его окружением. Эта девушка, почитаемая в доме Вришни, выросла там и по повелению Васудевы воспитывалась как сын. Люди называют её Эканамшей, единственно рождённой, йога-девой, неприступной и явленной ради защиты Кешавы. Все добросердечные Ядавы почитали её как божественную, ибо ею был защищён Кришна. Мадхава подошёл к ней там как друг к дорогой подруге и взял её правой рукой. Так же могучий Сама обнял эту благую, поцеловал её в голову и взял левой рукой. Все увидели дорогую сестру Рамы и Кришны посреди собрания: с золотыми лотосами в руках, подобную Шри, обитающей в лотосе. Тогда женщины осыпали её акшатой, разными прекрасными цветами и лажами и ушли обратно. После этого все Ядавы, почитая Джанардану и восхваляя совершённое чудо, радостно расселись рядом. Почитаемый могучерукий, умножающий радость горожан, великославный Кришна пребывал с ними, словно с богами. Когда все Ядавы сидели, по поручению Индры в собрание к Джанардане прибыл Нарада. Достойный почитания, он был почтён героями, лучшими из Яду, коснулся руки Говинды и занял великое сиденье.
3ef8c9d275b7 · published Jun 22, 2026, 5:23:56 AM UTC
Available inRUPage between verses with
Сцена возвращает внимание с военных подвигов к семейному и сакральному порядку. Эканамша появляется как йогическая защитница Кришны, а приход Нарады переводит радость рода в публичное признание космического значения деяний Кришны.