तत्र नाहं तथा मन्ये यथायम् इतरो जनः ॥
पुरे जनपदे वापि यत्र राजा युधिष्ठिरः ॥
नासूयको न चापीर्षुर् नातिवादी न मत्सरी ॥
भविष्यति जनस् तत्र स्वं स्वं धर्मम् अनुव्रतः ॥
ब्रह्मघोषाश् च भूयांसः पूर्णाहुत्यस् तथैव च ॥
क्रतवश् च भविष्यन्ति भूयांसो भूरिदक्षिणाः ॥
सदा च तत्र पर्जन्यः सम्यग् वर्षी न संशयः ॥
संपन्नसस्या च मही निरीतीका भविष्यति ॥
रसवन्ति च धान्यानि गुणवन्ति फलानि च ॥
गन्धवन्ति च माल्यानि शुभशब्दा च भारती ॥
वायुश् च सुखसंस्पर्शो निष्प्रतीपं च दर्शनम् ॥
भयं नाभ्याविशेत् तत्र यत्र राजा युधिष्ठिरः ॥
गावश् च बहुलास् तत्र न कृशा न च दुर्दुहाः ॥
पयांसि दधिसर्पींषि रसवन्ति हितानि च ॥
गुणवन्ति च पानानि भोज्यानि रसवन्ति च ॥
तत्र देशे भविष्यन्ति यत्र राजा युधिष्ठिरः ॥
रसाः स्पर्शाश् च गन्धाश् च शब्दाश् चापि गुणान्विताः ॥
दृश्यानि च प्रसन्नानि यत्र राजा युधिष्ठिरः ॥
स्वैः स्वैर् गुणैः सुसंयुक्तास् तस्मिन् वर्षे त्रयोदशे ॥
देशे तस्मिन् भविष्यन्ति तात पाण्डवसंयुते ॥
संप्रीतिमाञ् जनस् तत्र संतुष्टः शुचिर् अव्ययः ॥
देवतातिथिपूजासु सर्वभूतानुरागवान् ॥
इष्टदानो महोत्साहः शश्वद् धर्मपरायणः ॥
अशुभद्विट् शुभप्रेप्सुर् नित्ययज्ञः शुभव्रतः ॥
भविष्यति जनस् तत्र यत्र राजा युधिष्ठिरः ॥
त्यक्तवाक्यानृतस् तात शुभकल्याणमङ्गलः ॥
शुभार्थेप्सुः शुभमतिर् यत्र राजा युधिष्ठिरः ॥
भविष्यति जनस् तत्र नित्यं चेष्टप्रियव्रतः ॥
tatra nāhaṃ tathā manye yathāyam itaro janaḥ ||
pure janapade vāpi yatra rājā yudhiṣṭhiraḥ ||
nāsūyako na cāpīrṣur nātivādī na matsarī ||
bhaviṣyati janas tatra svaṃ svaṃ dharmam anuvrataḥ ||
brahmaghoṣāś ca bhūyāṃsaḥ pūrṇāhutyas tathaiva ca ||
kratavaś ca bhaviṣyanti bhūyāṃso bhūridakṣiṇāḥ ||
sadā ca tatra parjanyaḥ samyag varṣī na saṃśayaḥ ||
saṃpannasasyā ca mahī nirītīkā bhaviṣyati ||
rasavanti ca dhānyāni guṇavanti phalāni ca ||
gandhavanti ca mālyāni śubhaśabdā ca bhāratī ||
vāyuś ca sukhasaṃsparśo niṣpratīpaṃ ca darśanam ||
bhayaṃ nābhyāviśet tatra yatra rājā yudhiṣṭhiraḥ ||
gāvaś ca bahulās tatra na kṛśā na ca durduhāḥ ||
payāṃsi dadhisarpīṃṣi rasavanti hitāni ca ||
guṇavanti ca pānāni bhojyāni rasavanti ca ||
tatra deśe bhaviṣyanti yatra rājā yudhiṣṭhiraḥ ||
rasāḥ sparśāś ca gandhāś ca śabdāś cāpi guṇānvitāḥ ||
dṛśyāni ca prasannāni yatra rājā yudhiṣṭhiraḥ ||
svaiḥ svair guṇaiḥ susaṃyuktās tasmin varṣe trayodaśe ||
deśe tasmin bhaviṣyanti tāta pāṇḍavasaṃyute ||
saṃprītimāñ janas tatra saṃtuṣṭaḥ śucir avyayaḥ ||
devatātithipūjāsu sarvabhūtānurāgavān ||
iṣṭadāno mahotsāhaḥ śaśvad dharmaparāyaṇaḥ ||
aśubhadviṭ śubhaprepsur nityayajñaḥ śubhavrataḥ ||
bhaviṣyati janas tatra yatra rājā yudhiṣṭhiraḥ ||
tyaktavākyānṛtas tāta śubhakalyāṇamaṅgalaḥ ||
śubhārthepsuḥ śubhamatir yatra rājā yudhiṣṭhiraḥ ||
bhaviṣyati janas tatra nityaṃ ceṣṭapriyavrataḥ ||
'I do not think as other people do: in whatever city or country King Yudhishthira dwells, the people there will not be envious, jealous, given to excessive speech, or miserly; each will follow his own dharma. There the sounds of the Vedas will abound, full of libations and sacrifices with rich sacrificial gifts. There, without doubt, the rain will always fall as it should, and the earth will be full of crops and free of calamities. The grains will be full of flavor, the fruits excellent in quality, the garlands fragrant, and speech pleasing to the ear. The wind will be pleasant to the touch, the view unobstructed, and fear will not enter where King Yudhishthira is. The cows there will be numerous, neither thin nor hard to milk; milk, curds, and ghee will be savory and wholesome. Drink and food in that land, where King Yudhishthira is, will be of fine quality and savory. Tastes, touches, smells, sounds, and sights will all be endowed with excellence where King Yudhishthira is. In this thirteenth year, dear one, in the land joined with the Pandavas, everything will be joined with its own good qualities. The people there will be affectionate, content, pure, steadfast, devoted to the worship of gods and guests, and full of love for all beings. They will be generous, filled with great zeal, ever devoted to dharma, hating what is unwholesome and seeking what is good, constantly offering sacrifice, of virtuous vow. Having abandoned false speech, dear one, auspicious, joyful and blessed, seeking a good end, of good mind, the people there, where King Yudhishthira is, will always be dear to what is good and desired.'
32c7a787243b · published Jul 16, 2026, 6:17:35 PM UTC
Available inRUENPage between verses with
Bhishma describes Yudhishthira through the fruit of his presence. A righteous ruler is known not only by his throne, but by how, in his presence, the earth, speech, and character of the people come alive.