वैशंपायन उवाच
अथ दुर्योधनः कर्णो दुःशासनविविंशती ॥
द्रोणश् च सह पुत्रेण कृपश् चातिरथो रणे ॥
पुनर् ईयुः सुसंरब्धा धनंजयजिघांसया ॥
विस्फारयन्तश् चापानि बलवन्ति दृढानि च ॥
तान् प्रकीर्णपताकेन रथेनादित्यवर्चसा ॥
प्रत्युद्ययौ महाराज समस्तान् वानरध्वजः ॥
ततः कृपश् च कर्णश् च द्रोणश् च रथिनां वरः ॥
तं महास्त्रैर् महावीर्यं परिवार्य धनंजयम् ॥
शरौघान् सम्यग् अस्यन्तो जीमूता इव वार्षिकाः ॥
ववर्षुः शरवर्षाणि प्रपतन्तं किरीटिनम् ॥
इषुभिर् बहुभिस् तूर्णं समरे लोमवाहिभिः ॥
अदूरात् पर्यवस्थाय पूरयाम् आसुर् आदृताः ॥
तथावकीर्णस्य हि तैर् दिव्यैर् अस्त्रैः समन्ततः ॥
न तस्य द्व्यङ्गुलम् अपि विवृतं समदृश्यत ॥
vaiśaṃpāyana uvāca
atha duryodhanaḥ karṇo duḥśāsanaviviṃśatī ||
droṇaś ca saha putreṇa kṛpaś cātiratho raṇe ||
punar īyuḥ susaṃrabdhā dhanaṃjayajighāṃsayā ||
visphārayantaś cāpāni balavanti dṛḍhāni ca ||
tān prakīrṇapatākena rathenādityavarcasā ||
pratyudyayau mahārāja samastān vānaradhvajaḥ ||
tataḥ kṛpaś ca karṇaś ca droṇaś ca rathināṃ varaḥ ||
taṃ mahāstrair mahāvīryaṃ parivārya dhanaṃjayam ||
śaraughān samyag asyanto jīmūtā iva vārṣikāḥ ||
vavarṣuḥ śaravarṣāṇi prapatantaṃ kirīṭinam ||
iṣubhir bahubhis tūrṇaṃ samare lomavāhibhiḥ ||
adūrāt paryavasthāya pūrayām āsur ādṛtāḥ ||
tathāvakīrṇasya hi tair divyair astraiḥ samantataḥ ||
na tasya dvyaṅgulam api vivṛtaṃ samadṛśyata ||
Vaishampayana said: 'Then Duryodhana, Karna, Duhshasana, Vivimshati, Drona with his son, and the great charioteer Kripa advanced upon him once more, seized with fierce rage and bent on killing Dhananjaya, drawing their mighty, sturdy bows. Arjuna, under his monkey banner, rode out on his chariot with its fluttering flags and the radiance of the sun to meet them all at once. Kripa, Karna, and Drona, the finest of charioteers, surrounded the mighty Dhananjaya and began loosing streams of arrows in good order, like rain clouds in the monsoon season. Drawing close, they swiftly filled all the space around him with a multitude of arrows that made the hair stand on end. Covered on every side by these divine weapons, he was enclosed so completely that not even two fingers' breadth of open space could be seen around him.'
5a122f76f4f0 · published Jul 16, 2026, 6:42:56 PM UTC
Available inRUENPage between verses with
The Kurus try to win through sheer numbers and density of attack. But against Arjuna, being surrounded from outside only makes room for a higher weapon.