संजय उवाच
दृष्ट्वा तु पाण्डवानीकं व्यूढं दुर्योधनस् तदा ॥
आचार्यम् उपसंगम्य राजा वचनम् अब्रवीत् ॥
पश्यैतां पाण्डुपुत्राणाम् आचार्य महतीं चमूम् ॥
व्यूढां द्रुपदपुत्रेण तव शिष्येण धीमता ॥
अत्र शूरा महेष्वासा भीमार्जुनसमा युधि ॥
युयुधानो विराटश् च द्रुपदश् च महारथः ॥
धृष्टकेतुश् चेकितानः काशिराजश् च वीर्यवान् ॥
पुरुजित् कुन्तिभोजश् च शैब्यश् च नरपुंगवः ॥
युधामन्युश् च विक्रान्त उत्तमौजाश् च वीर्यवान् ॥
सौभद्रो द्रौपदेयाश् च सर्व एव महारथाः ॥
अस्माकं तु विशिष्टा ये तान् निबोध द्विजोत्तम ॥
नायका मम सैन्यस्य संज्ञार्थं तान् ब्रवीमि ते ॥
भवान् भीष्मश् च कर्णश् च कृपश् च समितिंजयः ॥
अश्वत्थामा विकर्णश् च सौमदत्तिस् तथैव च ॥
अन्ये च बहवः शूरा मदर्थे त्यक्तजीविताः ॥
नानाशस्त्रप्रहरणाः सर्वे युद्धविशारदाः ॥
अपर्याप्तं तद् अस्माकं बलं भीष्माभिरक्षितम् ॥
पर्याप्तं त्व् इदम् एतेषां बलं भीमाभिरक्षितम् ॥
अयनेषु च सर्वेषु यथाभागम् अवस्थिताः ॥
भीष्मम् एवाभिरक्षन्तु भवन्तः सर्व एव हि ॥
saṃjaya uvāca
dṛṣṭvā tu pāṇḍavānīkaṃ vyūḍhaṃ duryodhanas tadā ||
ācāryam upasaṃgamya rājā vacanam abravīt ||
paśyaitāṃ pāṇḍuputrāṇām ācārya mahatīṃ camūm ||
vyūḍhāṃ drupadaputreṇa tava śiṣyeṇa dhīmatā ||
atra śūrā maheṣvāsā bhīmārjunasamā yudhi ||
yuyudhāno virāṭaś ca drupadaś ca mahārathaḥ ||
dhṛṣṭaketuś cekitānaḥ kāśirājaś ca vīryavān ||
purujit kuntibhojaś ca śaibyaś ca narapuṃgavaḥ ||
yudhāmanyuś ca vikrānta uttamaujāś ca vīryavān ||
saubhadro draupadeyāś ca sarva eva mahārathāḥ ||
asmākaṃ tu viśiṣṭā ye tān nibodha dvijottama ||
nāyakā mama sainyasya saṃjñārthaṃ tān bravīmi te ||
bhavān bhīṣmaś ca karṇaś ca kṛpaś ca samitiṃjayaḥ ||
aśvatthāmā vikarṇaś ca saumadattis tathaiva ca ||
anye ca bahavaḥ śūrā madarthe tyaktajīvitāḥ ||
nānāśastrapraharaṇāḥ sarve yuddhaviśāradāḥ ||
aparyāptaṃ tad asmākaṃ balaṃ bhīṣmābhirakṣitam ||
paryāptaṃ tv idam eteṣāṃ balaṃ bhīmābhirakṣitam ||
ayaneṣu ca sarveṣu yathābhāgam avasthitāḥ ||
bhīṣmam evābhirakṣantu bhavantaḥ sarva eva hi ||
Sanjaya said: "Having seen the army of the Pandavas arrayed, King Duryodhana approached his teacher and said: 'O teacher, behold this great army of the sons of Pandu, arrayed by your wise disciple, the son of Drupada. Here are heroes, great archers, equal in battle to Bhima and Arjuna: Yuyudhana, Virata, the great chariot-warrior Drupada, Dhrishtaketu, Chekitana, the valiant king of Kashi, Purujit, Kuntibhoja, Shaibya, best of men, the brave Yudhamanyu, the mighty Uttamaujas, Saubhadra and the sons of Draupadi — all of them great chariot-warriors. But know also our own distinguished leaders, O best of the twice-born; I shall name to you the commanders of my army for your information. These are you yourself, Bhishma, Karna, Kripa, victorious in battle, Ashvatthama, Vikarna, and the son of Somadatta, as well as many other heroes ready to give up their lives for my sake, armed with various weapons and skilled in war. Our force, protected by Bhishma, is unlimited, while their force, protected by Bhima, is limited. Therefore let all of you, stationed at every point according to your assignment, guard Bhishma alone.'"
306fce7c6951 · published Jul 17, 2026, 8:55:05 PM UTC
Available inRUENPage between verses with
Duryodhana's speech sounds outwardly like a military review, but anxiety shows through it: he is the first to notice the strength of the Pandavas and reminds Drona that their formation was built by his own pupil. His order to guard Bhishma reveals that the confidence of the Kauravas rests on a single pillar.