मुखतो ऽसृजद् ब्राह्मणान् बाहुभ्यां क्षत्रियांस् तथा ॥
वैश्यांश् चाप्य् ऊरुतो राजञ् शूद्रान् पद्भ्यां तथैव च ॥
तपसा नियतो देवो निधानं सर्वदेहिनाम् ॥
ब्रह्मभूतम् अमावास्यां पौर्णमास्यां तथैव च ॥
योगभूतं परिचरन् केशवं महद् आप्नुयात् ॥
केशवः परमं तेजः सर्वलोकपितामहः ॥
एवम् आहुर् हृषीकेशं मुनयो वै नराधिप ॥
एवम् एनं विजानीहि आचार्यं पितरं गुरुम् ॥
कृष्णो यस्य प्रसीदेत लोकास् तेनाक्षया जिताः ॥
यश् चैवैनं भयस्थाने केशवं शरणं व्रजेत् ॥
सदा नरः पठंश् चेदं स्वस्तिमान् स सुखी भवेत् ॥
ये च कृष्णं प्रपद्यन्ते ते न मुह्यन्ति मानवाः ॥
भये महति ये मग्नाः पाति नित्यं जनार्दनः ॥
एतद् युधिष्ठिरो ज्ञात्वा याथातथ्येन भारत ॥
सर्वात्मना महात्मानं केशवं जगदीश्वरम् ॥
प्रपन्नः शरणं राजन् योगानाम् ईश्वरं प्रभुम् ॥
mukhato 'sṛjad brāhmaṇān bāhubhyāṃ kṣatriyāṃs tathā ||
vaiśyāṃś cāpy ūruto rājañ śūdrān padbhyāṃ tathaiva ca ||
tapasā niyato devo nidhānaṃ sarvadehinām ||
brahmabhūtam amāvāsyāṃ paurṇamāsyāṃ tathaiva ca ||
yogabhūtaṃ paricaran keśavaṃ mahad āpnuyāt ||
keśavaḥ paramaṃ tejaḥ sarvalokapitāmahaḥ ||
evam āhur hṛṣīkeśaṃ munayo vai narādhipa ||
evam enaṃ vijānīhi ācāryaṃ pitaraṃ gurum ||
kṛṣṇo yasya prasīdeta lokās tenākṣayā jitāḥ ||
yaś caivainaṃ bhayasthāne keśavaṃ śaraṇaṃ vrajet ||
sadā naraḥ paṭhaṃś cedaṃ svastimān sa sukhī bhavet ||
ye ca kṛṣṇaṃ prapadyante te na muhyanti mānavāḥ ||
bhaye mahati ye magnāḥ pāti nityaṃ janārdanaḥ ||
etad yudhiṣṭhiro jñātvā yāthātathyena bhārata ||
sarvātmanā mahātmānaṃ keśavaṃ jagadīśvaram ||
prapannaḥ śaraṇaṃ rājan yogānām īśvaraṃ prabhum ||
"From His mouth He created the brahmins, from His arms the kshatriyas, from His thighs, O king, the vaishyas, and from His feet the shudras. The God made steadfast by austerity is the abode of all embodied beings. Whoever, on the new moon and the full moon, serves Keshava as Brahman and as the essence of yoga attains what is great. Keshava is the supreme radiance and the forefather of all worlds; thus the sages call Hrishikesha, O lord of men. Know Him thus: as acharya, father, and guru. He to whom Krishna is gracious has thereby won imperishable worlds. Whoever, in a place of fear, goes to Keshava for refuge and ever recites this becomes prosperous and happy. Those who take refuge in Krishna are not deluded; Janardana ever protects those sunk in great fear. Having known this in accordance with the truth, O Bharata, Yudhishthira with his whole being took refuge in the great-souled Keshava, the Lord of the world, O king, the Master and Ruler of all yogas."
25ccbb58ada7 · published Jul 17, 2026, 9:35:52 PM UTC
Available inRUENPage between verses with
The chapter closes with a practical conclusion: knowledge of Keshava's greatness leads to refuge. Yudhishthira's strength lies not in self-confidence but in having taken the Lord of the world as his shelter with his whole being.