सात्यकिस् तु ततः क्रुद्धो राक्षसं क्रूरम् आहवे ॥
अलम्बुसं शरैर् घोरैर् विव्याध बलिनं बली ॥
राक्षसेन्द्रस् ततस् तस्य धनुश् चिच्छेद भारत ॥
अर्धचन्द्रेण समरे तं च विव्याध सायकैः ॥
मायां च राक्षसीं कृत्वा शरवर्षैर् अवाकिरत् ॥
तत्राद्भुतम् अपश्याम शैनेयस्य पराक्रमम् ॥
नासंभ्रमद् यत् समरे वध्यमानः शितैः शरैः ॥
ऐन्द्रम् अस्त्रं च वार्ष्णेयो योजयाम् आस भारत ॥
विजयाद् यद् अनुप्राप्तं माधवेन यशस्विना ॥
तद् अस्त्रं भस्मसात् कृत्वा मायां तां राक्षसीं तदा ॥
अलम्बुसं शरैर् घोरैर् अभ्याकिरत सर्वशः ॥
पर्वतं वारिधाराभिः प्रावृषीव बलाहकः ॥
तत् तथा पीडितं तेन माधवेन महात्मना ॥
प्रदुद्राव भयाद् रक्षो हित्वा सात्यकिम् आहवे ॥
तम् अजेयं राक्षसेन्द्रं संख्ये मघवता अपि ॥
शैनेयः प्राणदज् जित्वा योधानां तव पश्यताम् ॥
न्यहनत् तावकांश् चापि सात्यकिः सत्यविक्रमः ॥
निशितैर् बहुभिर् बाणैस् ते ऽद्रवन्त भयार्दिताः ॥
sātyakis tu tataḥ kruddho rākṣasaṃ krūram āhave ||
alambusaṃ śarair ghorair vivyādha balinaṃ balī ||
rākṣasendras tatas tasya dhanuś ciccheda bhārata ||
ardhacandreṇa samare taṃ ca vivyādha sāyakaiḥ ||
māyāṃ ca rākṣasīṃ kṛtvā śaravarṣair avākirat ||
tatrādbhutam apaśyāma śaineyasya parākramam ||
nāsaṃbhramad yat samare vadhyamānaḥ śitaiḥ śaraiḥ ||
aindram astraṃ ca vārṣṇeyo yojayām āsa bhārata ||
vijayād yad anuprāptaṃ mādhavena yaśasvinā ||
tad astraṃ bhasmasāt kṛtvā māyāṃ tāṃ rākṣasīṃ tadā ||
alambusaṃ śarair ghorair abhyākirata sarvaśaḥ ||
parvataṃ vāridhārābhiḥ prāvṛṣīva balāhakaḥ ||
tat tathā pīḍitaṃ tena mādhavena mahātmanā ||
pradudrāva bhayād rakṣo hitvā sātyakim āhave ||
tam ajeyaṃ rākṣasendraṃ saṃkhye maghavatā api ||
śaineyaḥ prāṇadaj jitvā yodhānāṃ tava paśyatām ||
nyahanat tāvakāṃś cāpi sātyakiḥ satyavikramaḥ ||
niśitair bahubhir bāṇais te 'dravanta bhayārditāḥ ||
Then the enraged and mighty Satyaki, in battle, pierced the cruel and powerful rakshasa Alambusha with terrible arrows. The lord of the rakshasas then cut his bow with a half-moon arrow, wounded him with more arrows, wrought a rakshasa illusion, and showered him with rains of arrows. There we beheld the astonishing valor of Shaineya: struck by sharp arrows in the battle, he did not lose his composure. Varshneya then employed the Aindra weapon, which he had received from Vijaya through the glorious Madhava. This weapon reduced the rakshasa's illusion to ashes and, from every side, showered Alambusha with terrible arrows, as a cloud in the rainy season showers a mountain with torrents of water. Thus oppressed by the great-souled Madhava, the rakshasa fled in terror, abandoning Satyaki in the battle. Shaineya, before the eyes of your warriors, defeated this lord of the rakshasas, who was unconquerable in battle even for Maghavan, and spared his life. Then Satyaki of true valor began striking down your warriors as well with many sharp arrows, and they fled, tormented by fear.
49c978fc5193 · published Jul 17, 2026, 9:38:21 PM UTC
Available inRUENPage between verses with
Satyaki does not answer illusion with illusion: he responds with the knowledge of weapons received through his bond with Arjuna and Madhava. In this episode the rakshasa's maya is dispelled not by brute force but by rightly applied strength joined to instruction and self-command.