केकयौ सात्यकिं युद्धे शरवर्षेण भास्वता ॥
सात्यकिः केकयौ चैव छादयाम् आस भारत ॥
ताव् एनं भ्रातरौ वीरं जघ्नतुर् हृदये भृशम् ॥
विषाणाभ्यां यथा नागौ प्रतिनागं महाहवे ॥
शरसंभिन्नवर्माणौ ताव् उभौ भ्रातरौ रणे ॥
सात्यकिं सत्यकर्माणं राजन् विव्यधतुः शरैः ॥
तौ सात्यकिर् महाराज प्रहसन् सर्वतोदिशम् ॥
छादयञ् शरवर्षेण वारयाम् आस भारत ॥
वार्यमाणौ ततस् तौ तु शैनेयशरवृष्टिभिः ॥
शैनेयस्य रथं तूर्णं छादयाम् आसतुः शरैः ॥
तयोस् तु धनुषी चित्रे छित्त्वा शौरिर् महाहवे ॥
अथ तौ सायकैस् तीक्ष्णैश् छादयाम् आस दुःसहैः ॥
अथान्ये धनुषी मृष्टे प्रगृह्य च महाशरान् ॥
सात्यकिं पूरयन्तौ तौ चेरतुर् लघु सुष्ठु च ॥
ताभ्यां मुक्ता महाबाणाः कङ्कबर्हिणवाससः ॥
द्योतयन्तो दिशः सर्वाः संपेतुः स्वर्णभूषणाः ॥
बाणान्धकारम् अभवत् तयो राजन् महाहवे ॥
अन्योन्यस्य धनुश् चैव चिच्छिदुस् ते महारथाः ॥
ततः क्रुद्धो महाराज सात्वतो युद्धदुर्मदः ॥
धनुर् अन्यत् समादाय सज्यं कृत्वा च संयुगे ॥
क्षुरप्रेण सुतीक्ष्णेन अनुविन्दशिरो ऽहरत् ॥
तच्छिरो न्यपतद् भूमौ कुण्डलोत्पीडितं महत् ॥
शम्बरस्य शिरो यद्वन् निहतस्य महारणे ॥
शोषयन् केकयान् सर्वाञ् जगामाशु वसुंधराम् ॥
kekayau sātyakiṃ yuddhe śaravarṣeṇa bhāsvatā ||
sātyakiḥ kekayau caiva chādayām āsa bhārata ||
tāv enaṃ bhrātarau vīraṃ jaghnatur hṛdaye bhṛśam ||
viṣāṇābhyāṃ yathā nāgau pratināgaṃ mahāhave ||
śarasaṃbhinnavarmāṇau tāv ubhau bhrātarau raṇe ||
sātyakiṃ satyakarmāṇaṃ rājan vivyadhatuḥ śaraiḥ ||
tau sātyakir mahārāja prahasan sarvatodiśam ||
chādayañ śaravarṣeṇa vārayām āsa bhārata ||
vāryamāṇau tatas tau tu śaineyaśaravṛṣṭibhiḥ ||
śaineyasya rathaṃ tūrṇaṃ chādayām āsatuḥ śaraiḥ ||
tayos tu dhanuṣī citre chittvā śaurir mahāhave ||
atha tau sāyakais tīkṣṇaiś chādayām āsa duḥsahaiḥ ||
athānye dhanuṣī mṛṣṭe pragṛhya ca mahāśarān ||
sātyakiṃ pūrayantau tau ceratur laghu suṣṭhu ca ||
tābhyāṃ muktā mahābāṇāḥ kaṅkabarhiṇavāsasaḥ ||
dyotayanto diśaḥ sarvāḥ saṃpetuḥ svarṇabhūṣaṇāḥ ||
bāṇāndhakāram abhavat tayo rājan mahāhave ||
anyonyasya dhanuś caiva cicchidus te mahārathāḥ ||
tataḥ kruddho mahārāja sātvato yuddhadurmadaḥ ||
dhanur anyat samādāya sajyaṃ kṛtvā ca saṃyuge ||
kṣurapreṇa sutīkṣṇena anuvindaśiro 'harat ||
tacchiro nyapatad bhūmau kuṇḍalotpīḍitaṃ mahat ||
śambarasya śiro yadvan nihatasya mahāraṇe ||
śoṣayan kekayān sarvāñ jagāmāśu vasuṃdharām ||
Два кекая в битве осыпали Сатьяки сияющим дождём стрел, и Сатьяки, о Бхарата, тоже покрыл обоих кекаев стрелами. Эти два брата сильно ударили героя в сердце, словно два слона бивнями поражают встречного слона в великой битве. Оба брата, чьи доспехи были пробиты стрелами, в бою пронзили стрелами Сатьяки, истинного в делах, о царь. Сатьяки же, смеясь, о великий царь, со всех сторон покрывал их дождём стрел и сдержал их, о Бхарата. Сдерживаемые ливнями стрел Шайнеи, они быстро засыпали стрелами колесницу Шайнеи. Но Шаури в великой битве рассёк их два красивых лука и затем осыпал обоих острыми, невыносимыми стрелами. Тогда они взяли другие отполированные луки и великие стрелы и, засыпая Сатьяки, двигались быстро и ловко. Выпущенные ими большие стрелы, с перьями цапли и павлина, украшенные золотом, озаряли все стороны и мчались вперёд. В великой битве, о царь, от их стрел наступила тьма; эти махаратхи рассекали луки друг друга. Тогда разгневанный Сатвата, неукротимый в бою, взял другой лук, натянул тетиву и очень острой кшурапрой снёс голову Анувинды. Эта большая голова, украшенная серьгами, быстро упала на землю, словно голова Шамбары, убитого в великой битве, и заставила всех кекаев иссохнуть от страха».
491c9a07a2c6 · published Jun 20, 2026, 3:50:15 AM UTC
Available inRUPage between verses with
Сатьяки сначала принимает двойной натиск, затем ломает ритм противников и одним точным ударом снимает голову Анувинды. Здесь решает не грубая сила, а скорость восстановления после каждого срезанного лука.