प्रतिलभ्य ततः संज्ञां योधास् ते कुरुसत्तम ॥
अर्जुनं सिषिचुर् बाणैः पर्वतं जलदा इव ॥
परिवव्रुस् तदा सर्वे पाण्डवस्य महारथम् ॥
ते हयान् रथचक्रे च रथेषाश् चापि भारत ॥
निगृह्य बलवत् तूर्णं सिंहनादम् अथानदन् ॥
अपरे जगृहुश् चैव केशवस्य महाभुजौ ॥
पार्थम् अन्ये महाराज रथस्थं जगृहुर् मुदा ॥
केशवस् तु तदा बाहू विधुन्वन् रणमूर्धनि ॥
पातयाम् आस तान् सर्वान् दुष्टहस्तीव हस्तिनः ॥
ततः क्रुद्धो रणे पार्थः संवृतस् तैर् महारथैः ॥
निगृहीतं रथं दृष्ट्वा केशवं चाप्य् अभिद्रुतम् ॥
रथारूढांश् च सुबहून् पदातींश् चाप्य् अपातयत् ॥
आसन्नांश् च ततो योधाञ् शरैर् आसन्नयोधिभिः ॥
च्यावयाम् आस समरे केशवं चेदम् अब्रवीत् ॥
पश्य कृष्ण महाबाहो संशप्तकगणान् मया ॥
कुर्वाणान् दारुणं कर्म वध्यमानान् सहस्रशः ॥
रथबन्धम् इमं घोरं पृथिव्यां नास्ति कश् चन ॥
यः सहेत पुमांल् लोके मद् अन्यो यदुपुंगव ॥
इत्य् एवम् उक्त्वा बीभत्सुर् देवदत्तम् अथाधमत् ॥
पाञ्चजन्यं च कृष्णो ऽपि पूरयन्न् इव रोदसी ॥
pratilabhya tataḥ saṃjñāṃ yodhās te kurusattama ||
arjunaṃ siṣicur bāṇaiḥ parvataṃ jaladā iva ||
parivavrus tadā sarve pāṇḍavasya mahāratham ||
te hayān rathacakre ca ratheṣāś cāpi bhārata ||
nigṛhya balavat tūrṇaṃ siṃhanādam athānadan ||
apare jagṛhuś caiva keśavasya mahābhujau ||
pārtham anye mahārāja rathasthaṃ jagṛhur mudā ||
keśavas tu tadā bāhū vidhunvan raṇamūrdhani ||
pātayām āsa tān sarvān duṣṭahastīva hastinaḥ ||
tataḥ kruddho raṇe pārthaḥ saṃvṛtas tair mahārathaiḥ ||
nigṛhītaṃ rathaṃ dṛṣṭvā keśavaṃ cāpy abhidrutam ||
rathārūḍhāṃś ca subahūn padātīṃś cāpy apātayat ||
āsannāṃś ca tato yodhāñ śarair āsannayodhibhiḥ ||
cyāvayām āsa samare keśavaṃ cedam abravīt ||
paśya kṛṣṇa mahābāho saṃśaptakagaṇān mayā ||
kurvāṇān dāruṇaṃ karma vadhyamānān sahasraśaḥ ||
rathabandham imaṃ ghoraṃ pṛthivyāṃ nāsti kaś cana ||
yaḥ saheta pumāṃl loke mad anyo yadupuṃgava ||
ity evam uktvā bībhatsur devadattam athādhamat ||
pāñcajanyaṃ ca kṛṣṇo 'pi pūrayann iva rodasī ||
Придя в себя, твои воины, лучший из Куру, оросили Арджуну стрелами, как облака орошают гору, и все окружили великую колесницу Пандавы. Они быстро и крепко схватили коней, колёса и дышла колесницы, а затем издали львиный клич. Одни схватили великие руки Кешавы, другие с радостью схватили Партху, стоявшего на колеснице. Но Кешава, стряхнув руки на вершине боя, сбросил их всех, как злой слон сбрасывает слонов. Тогда разгневанный Партха, окружённый этими махаратхами, увидев, что колесница удержана и Кешава атакован, повалил многих колесничих и пехотинцев. Близко подошедших воинов он отбросил в бою стрелами ближнего боя и сказал Кешаве: «Смотри, могучий Кришна, как сонмы самшаптаков, творящие страшное дело, тысячами гибнут от меня. На земле нет человека, кроме меня, о бык рода Яду, кто выдержал бы эту страшную блокаду колесницы». Сказав так, Бибхатсу затрубил в Девадатту, а Кришна — в Панчаджанью, словно наполняя оба мира».
8262a8bf639c · published Jun 20, 2026, 8:45:29 AM UTC
Available inRUPage between verses with
Когда враги хватают саму колесницу и руки Кришны, Арджуна отвечает не отчаянием, а полной уверенностью. Его слова звучат гордо, но здесь гордость основана на реальной способности защитить Кришну и ратху.