संजय उवाच
राजन् कुरूणां प्रवरैर् बलैर् भीमम् अभिद्रुतम् ॥
मज्जन्तम् इव कौन्तेयम् उज्जिहीर्षुर् धनंजयः ॥
विमृद्य सूतपुत्रस्य सेनां भारत सायकैः ॥
प्राहिणोन् मृत्युलोकाय परवीरान् धनंजयः ॥
ततो ऽस्याम्बरम् आवृत्य शरजालानि भागशः ॥
अदृश्यन्त तथान्ये च निघ्नन्तस् तव वाहिनीम् ॥
स पक्षिसंघाचरितम् आकाशं पूरयञ् शरैः ॥
धनंजयो महाराज कुरूणाम् अन्तको ऽभवत् ॥
ततो भल्लैः क्षुरप्रैश् च नाराचैर् निर्मलैर् अपि ॥
गात्राणि प्राक्षिणोत् पार्थः शिरांसि च चकर्त ह ॥
छिन्नगात्रैर् विकवचैर् विशिरस्कैः समन्ततः ॥
पतितैश् च पतद्भिश् च योधैर् आसीत् समावृतम् ॥
धनंजयशराभ्यस्तैः स्यन्दनाश्वनरद्विपैः ॥
रणभूमिर् अभूद् राजन् महावैतरणी यथा ॥
ईषाचक्राक्षभङ्गैश् च व्यश्वैः साश्वैश् च युध्यताम् ॥
ससूतैर् हतसूतैश् च रथैः स्तीर्णाभवन् मही ॥
सुवर्णवर्मसंनाहैर् योधैः कनकभूषणैः ॥
आस्थिताः कृतवर्माणो भद्रा नित्यमदा द्विपाः ॥
क्रुद्धाः क्रुद्धैर् महामात्रैः प्रेषितार्जुनम् अभ्ययुः ॥
चतुःशताः शरवर्षैर् हताः पेतुः किरीटिना ॥
पर्यस्तानीव शृङ्गाणि ससत्त्वानि महागिरेः ॥
धनंजयशराभ्यस्तैः स्तीर्णा भूर् वरवारणैः ॥
अभिपेदे ऽर्जुनरथो घनान् भिन्दन्न् इवांशुमान् ॥
हतैर् गजमनुष्याश्वैर् भग्नैश् च बहुधा रथैः ॥
विशस्त्रपत्रकवचैर् युद्धशौण्डैर् गतासुभिः ॥
अपविद्धायुधैर् मार्गः स्तीर्णो ऽभूत् फल्गुनेन वै ॥
saṃjaya uvāca
rājan kurūṇāṃ pravarair balair bhīmam abhidrutam ||
majjantam iva kaunteyam ujjihīrṣur dhanaṃjayaḥ ||
vimṛdya sūtaputrasya senāṃ bhārata sāyakaiḥ ||
prāhiṇon mṛtyulokāya paravīrān dhanaṃjayaḥ ||
tato 'syāmbaram āvṛtya śarajālāni bhāgaśaḥ ||
adṛśyanta tathānye ca nighnantas tava vāhinīm ||
sa pakṣisaṃghācaritam ākāśaṃ pūrayañ śaraiḥ ||
dhanaṃjayo mahārāja kurūṇām antako 'bhavat ||
tato bhallaiḥ kṣurapraiś ca nārācair nirmalair api ||
gātrāṇi prākṣiṇot pārthaḥ śirāṃsi ca cakarta ha ||
chinnagātrair vikavacair viśiraskaiḥ samantataḥ ||
patitaiś ca patadbhiś ca yodhair āsīt samāvṛtam ||
dhanaṃjayaśarābhyastaiḥ syandanāśvanaradvipaiḥ ||
raṇabhūmir abhūd rājan mahāvaitaraṇī yathā ||
īṣācakrākṣabhaṅgaiś ca vyaśvaiḥ sāśvaiś ca yudhyatām ||
sasūtair hatasūtaiś ca rathaiḥ stīrṇābhavan mahī ||
suvarṇavarmasaṃnāhair yodhaiḥ kanakabhūṣaṇaiḥ ||
āsthitāḥ kṛtavarmāṇo bhadrā nityamadā dvipāḥ ||
kruddhāḥ kruddhair mahāmātraiḥ preṣitārjunam abhyayuḥ ||
catuḥśatāḥ śaravarṣair hatāḥ petuḥ kirīṭinā ||
paryastānīva śṛṅgāṇi sasattvāni mahāgireḥ ||
dhanaṃjayaśarābhyastaiḥ stīrṇā bhūr varavāraṇaiḥ ||
abhipede 'rjunaratho ghanān bhindann ivāṃśumān ||
hatair gajamanuṣyāśvair bhagnaiś ca bahudhā rathaiḥ ||
viśastrapatrakavacair yuddhaśauṇḍair gatāsubhiḥ ||
apaviddhāyudhair mārgaḥ stīrṇo 'bhūt phalgunena vai ||
Санджая сказал: «Видя, что Бхима, словно тонущий, атакован лучшими силами Куру, Дхананджая захотел вытащить Каунтею. Разгромив стрелами войско сына возницы, он отправил вражеских героев в мир смерти, Бхарата. Затем небо, частями закрытое его сетями стрел, стало видно вместе с другими стрелами, поражавшими твою армию. Наполняя стрелами небо, где обычно летают стаи птиц, Дхананджая, великий царь, стал гибелью Куру. Бхаллами, кшурапрами и блестящими нарачами Партха рассекал тела и срезал головы. Всё вокруг было покрыто воинами с отсечёнными членами, без доспехов, без голов, павшими и падающими. Поле битвы, покрытое колесницами, конями, людьми и слонами, поражёнными стрелами Дхананджаи, стало подобно великой Вайтарани, царь. Земля была устлана колесницами с обломанными дышлами, колёсами и осями, с конями и без коней, с живыми и убитыми возницами. Благородные боевые слоны, оседланные воинами в золотых доспехах и украшениях, разъярённые и направленные разъярёнными погонщиками, пошли на Арджуну. Четыреста таких слонов, сражённые дождями стрел Киритина, пали, словно обрушенные вершины великой горы вместе с живыми существами. Земля была устлана лучшими слонами, поражёнными стрелами Дхананджаи, а колесница Арджуны пошла вперёд, словно солнце, разбивающее тучи. Путь был устлан убитыми слонами, людьми и конями, многократно разбитыми колесницами, мёртвыми мастерами боя без оружия и доспехов, с отброшенным оружием; так Пхалгуна проложил дорогу».
2f56d1dd4b1a · published Jun 20, 2026, 7:58:11 AM UTC
Available inRUPage between verses with
Арджуна идёт к Бхиме как спаситель на поле, которое уже стало Вайтарани. Его путь к брату проходит через смерть, но мотивом остаётся защита своего, а не слепое истребление.