एवम् उक्त्वा महाराज तं रथं हेमभूषितम् ॥
दन्तवर्णैर् हयैर् युक्तं कालवालैर् महारथः ॥
आस्थाय पुरुषव्याघ्रः स्वबलेनाभिसंवृतः ॥
कृष्णार्जुनाभ्यां वीराभ्याम् अनुमन्य ततः प्रियम् ॥
आगतो बहुवृत्तान्तं द्रष्टुम् आयोधनं तदा ॥
आभाषमाणस् तौ वीराव् उभौ माधवफल्गुनौ ॥
स ददर्श रणे कर्णं शयानं पुरुषर्षभम् ॥
गाण्डीवमुक्तैर् विशिखैः सर्वतः शकलीकृतम् ॥
सपुत्रं निहतं दृष्ट्वा कर्णं राजा युधिष्ठिरः ॥
प्रशशंस नरव्याघ्राव् उभौ माधवपाण्डवौ ॥
अद्य राजास्मि गोविन्द पृथिव्यां भ्रातृभिः सह ॥
त्वया नाथेन वीरेण विदुषा परिपालितः ॥
हतं दृष्ट्वा नरव्याघ्रं राधेयम् अभिमानिनम् ॥
निराशो ऽद्य दुरात्मासौ धार्तराष्ट्रो भविष्यति ॥
जीविताच् चापि राज्याच् च हते कर्णे महारथे ॥
त्वत्प्रसादाद् वयं चैव कृतार्थाः पुरुषर्षभ ॥
त्वं च गाण्डीवधन्वा च विजयी यदुनन्दन ॥
दिष्ट्या जयसि गोविन्द दिष्ट्या कर्णो निपातितः ॥
एवं स बहुशो हृष्टः प्रशशंस जनार्दनम् ॥
अर्जुनं चापि राजेन्द्र धर्मराजो युधिष्ठिरः ॥
evam uktvā mahārāja taṃ rathaṃ hemabhūṣitam ||
dantavarṇair hayair yuktaṃ kālavālair mahārathaḥ ||
āsthāya puruṣavyāghraḥ svabalenābhisaṃvṛtaḥ ||
kṛṣṇārjunābhyāṃ vīrābhyām anumanya tataḥ priyam ||
āgato bahuvṛttāntaṃ draṣṭum āyodhanaṃ tadā ||
ābhāṣamāṇas tau vīrāv ubhau mādhavaphalgunau ||
sa dadarśa raṇe karṇaṃ śayānaṃ puruṣarṣabham ||
gāṇḍīvamuktair viśikhaiḥ sarvataḥ śakalīkṛtam ||
saputraṃ nihataṃ dṛṣṭvā karṇaṃ rājā yudhiṣṭhiraḥ ||
praśaśaṃsa naravyāghrāv ubhau mādhavapāṇḍavau ||
adya rājāsmi govinda pṛthivyāṃ bhrātṛbhiḥ saha ||
tvayā nāthena vīreṇa viduṣā paripālitaḥ ||
hataṃ dṛṣṭvā naravyāghraṃ rādheyam abhimāninam ||
nirāśo 'dya durātmāsau dhārtarāṣṭro bhaviṣyati ||
jīvitāc cāpi rājyāc ca hate karṇe mahārathe ||
tvatprasādād vayaṃ caiva kṛtārthāḥ puruṣarṣabha ||
tvaṃ ca gāṇḍīvadhanvā ca vijayī yadunandana ||
diṣṭyā jayasi govinda diṣṭyā karṇo nipātitaḥ ||
evaṃ sa bahuśo hṛṣṭaḥ praśaśaṃsa janārdanam ||
arjunaṃ cāpi rājendra dharmarājo yudhiṣṭhiraḥ ||
Сказав это, великий воин, тигр среди людей, взошёл на златоукрашенную колесницу, запряжённую конями цвета слоновой кости с чёрными хвостами. Окружённый своим войском, попрощавшись с двумя героями, Кришной и Арджуной, он отправился осмотреть поле битвы, где произошло многое, беседуя с обоими героями, Мадхавой и Пхалгуной. Там он увидел в бою Карну, быка среди людей, лежащего, со всех сторон рассечённого стрелами, выпущенными из Гандивы. Увидев Карну, убитого вместе с сыном, царь Юдхиштхира восхвалил двух тигров среди людей, Мадхаву и Пандаву: “Сегодня, Говинда, я царь на земле вместе с братьями, потому что меня охраняешь ты — защитник, герой и мудрец. Видя сражённого гордого Радхею, тигра среди людей, я знаю: теперь этот злодушный Дхритараштрид, после гибели Карны-махаратхи, потеряет надежду и на жизнь, и на царство. Твоей милостью, лучший муж, мы достигли цели; ты и владелец Гандивы победоносны, радость Яду. К счастью, ты побеждаешь, Говинда; к счастью, Карна повержен”. Так радостный Дхармараджа Юдхиштхира много раз восхвалял Джанардану и Арджуну, о царь царей».
24fa9ff6b482 · published Jun 20, 2026, 8:25:09 AM UTC
Available inRUPage between verses with
Юдхиштхира называет своё царство возможным только под защитой Кришны. В этом признании победа перестаёт быть личной добычей и становится даром, который нужно принять ответственно.