व्यास उवाच
अस्त्रं ब्रह्मशिरस् तात विद्वान् पार्थो धनंजयः ॥
उत्सृष्टवान् न रोषेण न वधाय तवाहवे ॥
अस्त्रम् अस्त्रेण तु रणे तव संशमयिष्यता ॥
विसृष्टम् अर्जुनेनेदं पुनश् च प्रतिसंहृतम् ॥
ब्रह्मास्त्रम् अप्य् अवाप्यैतद् उपदेशात् पितुस् तव ॥
क्षत्रधर्मान् महाबाहुर् नाकम्पत धनंजयः ॥
एवं धृतिमतः साधोः सर्वास्त्रविदुषः सतः ॥
सभ्रातृबन्धोः कस्मात् त्वं वधम् अस्य चिकीर्षसि ॥
अस्त्रं ब्रह्मशिरो यत्र परमास्त्रेण वध्यते ॥
समा द्वादश पर्जन्यस् तद् राष्ट्रं नाभिवर्षति ॥
एतदर्थं महाबाहुः शक्तिमान् अपि पाण्डवः ॥
न विहन्त्य् एतद् अस्त्रं ते प्रजाहितचिकीर्षया ॥
पाण्डवास् त्वं च राष्ट्रं च सदा संरक्ष्यम् एव नः ॥
तस्मात् संहर दिव्यं त्वम् अस्त्रम् एतन् महाभुज ॥
अरोषस् तव चैवास्तु पार्थाः सन्तु निरामयाः ॥
न ह्य् अधर्मेण राजर्षिः पाण्डवो जेतुम् इच्छति ॥
मणिं चैतं प्रयच्छैभ्यो यस् ते शिरसि तिष्ठति ॥
एतद् आदाय ते प्राणान् प्रतिदास्यन्ति पाण्डवाः ॥
vyāsa uvāca
astraṃ brahmaśiras tāta vidvān pārtho dhanaṃjayaḥ ||
utsṛṣṭavān na roṣeṇa na vadhāya tavāhave ||
astram astreṇa tu raṇe tava saṃśamayiṣyatā ||
visṛṣṭam arjunenedaṃ punaś ca pratisaṃhṛtam ||
brahmāstram apy avāpyaitad upadeśāt pitus tava ||
kṣatradharmān mahābāhur nākampata dhanaṃjayaḥ ||
evaṃ dhṛtimataḥ sādhoḥ sarvāstraviduṣaḥ sataḥ ||
sabhrātṛbandhoḥ kasmāt tvaṃ vadham asya cikīrṣasi ||
astraṃ brahmaśiro yatra paramāstreṇa vadhyate ||
samā dvādaśa parjanyas tad rāṣṭraṃ nābhivarṣati ||
etadarthaṃ mahābāhuḥ śaktimān api pāṇḍavaḥ ||
na vihanty etad astraṃ te prajāhitacikīrṣayā ||
pāṇḍavās tvaṃ ca rāṣṭraṃ ca sadā saṃrakṣyam eva naḥ ||
tasmāt saṃhara divyaṃ tvam astram etan mahābhuja ||
aroṣas tava caivāstu pārthāḥ santu nirāmayāḥ ||
na hy adharmeṇa rājarṣiḥ pāṇḍavo jetum icchati ||
maṇiṃ caitaṃ prayacchaibhyo yas te śirasi tiṣṭhati ||
etad ādāya te prāṇān pratidāsyanti pāṇḍavāḥ ||
Вьяса сказал: «Сын мой, знающий Партха Дхананджая выпустил Брахмаширас не из гнева и не для того, чтобы убить тебя в бою. Арджуна выпустил эту астру лишь для того, чтобы оружием усмирить твоё оружие, и снова отозвал её. Даже получив это брахмаоружие по наставлению твоего отца, мощнорукий Дхананджая не поколебался в кшатрийской дхарме. Почему ты хочешь убить такого стойкого праведника, истинного знатока всех астр, вместе с его братьями и родными? Там, где Брахмаширас поражается высшей астрой, Парджанья двенадцать лет не орошает дождём эту страну. Поэтому мощнорукий Пандава, хотя и способен, не уничтожает твою астру: он желает блага существ. Пандавы, ты и царство всегда должны быть сохранены нами. Поэтому отзови это божественное оружие, о мощнорукий. Пусть у тебя не будет гнева, а Партхи пусть будут невредимы. Праведный Пандава не желает побеждать адхармой. Отдай им также этот драгоценный камень, который находится на твоей голове; взяв его, Пандавы сохранят тебе жизнь».
f4d49dfd5ce4 · published Jun 20, 2026, 12:45:07 PM UTC
Available inRUPage between verses with
Вьяса защищает не одну сторону, а саму возможность дхармы после войны. Даже виновный Ашваттхаман не должен быть уничтожен ценой гибели земли.