वैशंपायन उवाच
तद् आज्ञाय हृषीकेशो विसृष्टं पापकर्मणा ॥
हृष्यमाण इदं वाक्यं द्रौणिं प्रत्यब्रवीत् तदा ॥
विराटस्य सुतां पूर्वं स्नुषां गाण्डीवधन्वनः ॥
उपप्लव्यगतां दृष्ट्वा व्रतवान् ब्राह्मणो ऽब्रवीत् ॥
परिक्षीणेषु कुरुषु पुत्रस् तव जनिष्यति ॥
एतद् अस्य परिक्षित्त्वं गर्भस्थस्य भविष्यति ॥
तस्य तद् वचनं साधोः सत्यम् एव भविष्यति ॥
परिक्षिद् भविता ह्य् एषां पुनर् वंशकरः सुतः ॥
एवं ब्रुवाणं गोविन्दं सात्वतप्रवरं तदा ॥
द्रौणिः परमसंरब्धः प्रत्युवाचेदम् उत्तरम् ॥
नैतद् एवं यथात्थ त्वं पक्षपातेन केशव ॥
वचनं पुण्डरीकाक्ष न च मद्वाक्यम् अन्यथा ॥
पतिष्यत्य् एतद् अस्त्रं हि गर्भे तस्या मयोद्यतम् ॥
विराटदुहितुः कृष्ण यां त्वं रक्षितुम् इच्छसि ॥
vaiśaṃpāyana uvāca
tad ājñāya hṛṣīkeśo visṛṣṭaṃ pāpakarmaṇā ||
hṛṣyamāṇa idaṃ vākyaṃ drauṇiṃ pratyabravīt tadā ||
virāṭasya sutāṃ pūrvaṃ snuṣāṃ gāṇḍīvadhanvanaḥ ||
upaplavyagatāṃ dṛṣṭvā vratavān brāhmaṇo 'bravīt ||
parikṣīṇeṣu kuruṣu putras tava janiṣyati ||
etad asya parikṣittvaṃ garbhasthasya bhaviṣyati ||
tasya tad vacanaṃ sādhoḥ satyam eva bhaviṣyati ||
parikṣid bhavitā hy eṣāṃ punar vaṃśakaraḥ sutaḥ ||
evaṃ bruvāṇaṃ govindaṃ sātvatapravaraṃ tadā ||
drauṇiḥ paramasaṃrabdhaḥ pratyuvācedam uttaram ||
naitad evaṃ yathāttha tvaṃ pakṣapātena keśava ||
vacanaṃ puṇḍarīkākṣa na ca madvākyam anyathā ||
patiṣyaty etad astraṃ hi garbhe tasyā mayodyatam ||
virāṭaduhituḥ kṛṣṇa yāṃ tvaṃ rakṣitum icchasi ||
Вайшампаяна сказал: «Узнав, что злодей выпустил оружие, Хришикеша с радостью обратился к Драуни: “Прежде один строгий брахман, увидев в Упаплавье дочь Вираты, невестку владельца Гандивы, сказал: ‘Когда Куру будут почти уничтожены, у тебя родится сын; для ребёнка, находящегося в чреве, это станет именем Парикшит’. Слово того праведника непременно исполнится: сын, который снова продолжит их род, будет Парикшитом”. Когда Говинда, лучший из Сатватов, говорил так, Драуни, крайне разъярённый, ответил: “О Кешава, это не так, как ты говоришь: ты говоришь по пристрастию, о лотосоокий. Моё слово не станет ложным. О Кришна, поднятая мной астра падёт в чрево дочери Вираты, которую ты хочешь защитить”».
3f84dc8eed44 · published Jun 20, 2026, 12:47:55 PM UTC
Available inRUPage between verses with
Ашваттхаман противопоставляет своё разрушительное слово слову праведного брахмана и воле Кришны. Но судьба Парикшита уже связана с защитой Господа.