अवेक्षमाणा तं बाला कृष्ण त्वाम् अभिभाषते ॥
अयं ते पुण्डरीकाक्ष सदृशाक्षो निपातितः ॥
बले वीर्ये च सदृशस् तेजसा चैव ते ऽनघ ॥
रूपेण च तवात्यर्थं शेते भुवि निपातितः ॥
अत्यन्तसुकुमारस्य राङ्कवाजिनशायिनः ॥
कच्चिद् अद्य शरीरं ते भूमौ न परितप्यते ॥
मातङ्गभुजवर्ष्माणौ ज्याक्षेपकठिनत्वचौ ॥
काञ्चनाङ्गदिनौ शेषे निक्षिप्य विपुलौ भुजौ ॥
व्यायम्य बहुधा नूनं सुखसुप्तः श्रमाद् इव ॥
एवं विलपतीम् आर्तां न हि माम् अभिभाषसे ॥
आर्याम् आर्य सुभद्रां त्वम् इमांश् च त्रिदशोपमान् ॥
पितॄन् मां चैव दुःखार्तां विहाय क्व गमिष्यसि ॥
तस्य शोणितसंदिग्धान् केशान् उन्नाम्य पाणिना ॥
उत्सङ्गे वक्त्रम् आधाय जीवन्तम् इव पृच्छति ॥
स्वस्रीयं वासुदेवस्य पुत्रं गाण्डीवधन्वनः ॥
कथं त्वां रणमध्यस्थं जघ्नुर् एते महारथाः ॥
धिग् अस्तु क्रूरकर्तॄंस् तान् कृपकर्णजयद्रथान् ॥
द्रोणद्रौणायनी चोभौ यैर् असि व्यसनीकृतः ॥
रथर्षभाणां सर्वेषां कथम् आसीत् तदा मनः ॥
बालं त्वां परिवार्यैकं मम दुःखाय जघ्नुषाम् ॥
कथं नु पाण्डवानां च पाञ्चालानां च पश्यताम् ॥
त्वं वीर निधनं प्राप्तो नाथवान् सन्ननाथवत् ॥
avekṣamāṇā taṃ bālā kṛṣṇa tvām abhibhāṣate ||
ayaṃ te puṇḍarīkākṣa sadṛśākṣo nipātitaḥ ||
bale vīrye ca sadṛśas tejasā caiva te 'nagha ||
rūpeṇa ca tavātyarthaṃ śete bhuvi nipātitaḥ ||
atyantasukumārasya rāṅkavājinaśāyinaḥ ||
kaccid adya śarīraṃ te bhūmau na paritapyate ||
mātaṅgabhujavarṣmāṇau jyākṣepakaṭhinatvacau ||
kāñcanāṅgadinau śeṣe nikṣipya vipulau bhujau ||
vyāyamya bahudhā nūnaṃ sukhasuptaḥ śramād iva ||
evaṃ vilapatīm ārtāṃ na hi mām abhibhāṣase ||
āryām ārya subhadrāṃ tvam imāṃś ca tridaśopamān ||
pitṝn māṃ caiva duḥkhārtāṃ vihāya kva gamiṣyasi ||
tasya śoṇitasaṃdigdhān keśān unnāmya pāṇinā ||
utsaṅge vaktram ādhāya jīvantam iva pṛcchati ||
svasrīyaṃ vāsudevasya putraṃ gāṇḍīvadhanvanaḥ ||
kathaṃ tvāṃ raṇamadhyasthaṃ jaghnur ete mahārathāḥ ||
dhig astu krūrakartṝṃs tān kṛpakarṇajayadrathān ||
droṇadrauṇāyanī cobhau yair asi vyasanīkṛtaḥ ||
ratharṣabhāṇāṃ sarveṣāṃ katham āsīt tadā manaḥ ||
bālaṃ tvāṃ parivāryaikaṃ mama duḥkhāya jaghnuṣām ||
kathaṃ nu pāṇḍavānāṃ ca pāñcālānāṃ ca paśyatām ||
tvaṃ vīra nidhanaṃ prāpto nāthavān sannanāthavat ||
«Глядя на него, юная жена обращается к тебе, Кришна: “О лотосоокий, вот лежит поверженный тот, чьи глаза похожи на твои. Он равен тебе силой, мужеством, сиянием и красотой, о безупречный, и теперь простёрт на земле. Ты был таким нежным, привыкшим к мягким ложам; неужели твоё тело сегодня не страдает на земле? Твои широкие руки, подобные хоботам слонов, с кожей, огрубевшей от тетивы, с золотыми наручами, лежат простёртыми. Наверное, ты много сражался и теперь сладко спишь от усталости; но ты не отвечаешь мне, страдающей и так причитающей. Куда ты пойдёшь, оставив благородную Субхадру, этих богоподобных отцов и меня, мучимую горем?” Подняв рукой его окровавленные волосы и положив лицо себе на колени, она спрашивает его, как живого, — племянника Васудевы и сына обладателя Гандивы: “Как эти махаратхи убили тебя, стоявшего в гуще битвы? Позор жестоким Крипе, Карне, Джаядратхе, Дроне и сыну Дроны, из-за которых ты был погублен! Что было в сердце у всех этих лучших колесничих, когда они окружили тебя одного, юного, и убили на моё горе? Как же ты, герой, имея защитников, погиб словно беззащитный, на глазах Пандавов и Панчалов?”»
421d40506425 · published Jun 20, 2026, 2:13:07 PM UTC
Available inRUPage between verses with
Плач Уттары обращён к Кришне и к мёртвому Абхиманью одновременно. Её вопрос о защитниках вскрывает моральную рану этой смерти: юный воин пал не в равном бою, а окружённый многими.