सृञ्जय उवाच
प्रीतौ भवन्तौ यदि मे कृतम् एतावता मम ॥
एष एव परो लाभो निर्वृत्तो मे महाफलः ॥
नारद उवाच
तम् एवंवादिनं भूयः पर्वतः प्रत्यभाषत ॥
वृणीष्व राजन् संकल्पो यस् ते हृदि चिरं स्थितः ॥
सृञ्जय उवाच
अभीप्सामि सुतं वीरं वीर्यवन्तं दृढव्रतम् ॥
आयुष्मन्तं महाभागं देवराजसमद्युतिम् ॥
पर्वत उवाच
भविष्यत्य् एष ते कामो न त्व् आयुष्मान् भविष्यति ॥
देवराजाभिभूत्यर्थं संकल्पो ह्य् एष ते हृदि ॥
सुवर्णष्ठीवनाच् चैव स्वर्णष्ठीवी भविष्यति ॥
रक्ष्यश् च देवराजात् स देवराजसमद्युतिः ॥
नारद उवाच
तच् छ्रुत्वा सृञ्जयो वाक्यं पर्वतस्य महात्मनः ॥
प्रसादयाम् आस तदा नैतद् एवं भवेद् इति ॥
आयुष्मान् मे भवेत् पुत्रो भवतस् तपसा मुने ॥
न च तं पर्वतः किं चिद् उवाचेन्द्रव्यपेक्षया ॥
तम् अहं नृपतिं दीनम् अब्रुवं पुनर् एव तु ॥
स्मर्तव्यो ऽहं महाराज दर्शयिष्यामि ते स्मृतः ॥
अहं ते दयितं पुत्रं प्रेतराजवशं गतम् ॥
पुनर् दास्यामि तद् रूपं मा शुचः पृथिवीपते ॥
एवम् उक्त्वा तु नृपतिं प्रयातौ स्वो यथेप्सितम् ॥
सृञ्जयश् च यथाकामं प्रविवेश स्वमन्दिरम् ॥
sṛñjaya uvāca
prītau bhavantau yadi me kṛtam etāvatā mama ||
eṣa eva paro lābho nirvṛtto me mahāphalaḥ ||
nārada uvāca
tam evaṃvādinaṃ bhūyaḥ parvataḥ pratyabhāṣata ||
vṛṇīṣva rājan saṃkalpo yas te hṛdi ciraṃ sthitaḥ ||
sṛñjaya uvāca
abhīpsāmi sutaṃ vīraṃ vīryavantaṃ dṛḍhavratam ||
āyuṣmantaṃ mahābhāgaṃ devarājasamadyutim ||
parvata uvāca
bhaviṣyaty eṣa te kāmo na tv āyuṣmān bhaviṣyati ||
devarājābhibhūtyarthaṃ saṃkalpo hy eṣa te hṛdi ||
suvarṇaṣṭhīvanāc caiva svarṇaṣṭhīvī bhaviṣyati ||
rakṣyaś ca devarājāt sa devarājasamadyutiḥ ||
nārada uvāca
tac chrutvā sṛñjayo vākyaṃ parvatasya mahātmanaḥ ||
prasādayām āsa tadā naitad evaṃ bhaved iti ||
āyuṣmān me bhavet putro bhavatas tapasā mune ||
na ca taṃ parvataḥ kiṃ cid uvācendravyapekṣayā ||
tam ahaṃ nṛpatiṃ dīnam abruvaṃ punar eva tu ||
smartavyo 'haṃ mahārāja darśayiṣyāmi te smṛtaḥ ||
ahaṃ te dayitaṃ putraṃ pretarājavaśaṃ gatam ||
punar dāsyāmi tad rūpaṃ mā śucaḥ pṛthivīpate ||
evam uktvā tu nṛpatiṃ prayātau svo yathepsitam ||
sṛñjayaś ca yathākāmaṃ praviveśa svamandiram ||
Шринджая сказал: «Если вы оба довольны мной, этого мне достаточно. Это и есть высшее обретение; великий плод для меня уже получен». Нарада сказал: «Когда он так ответил, Парвата снова сказал: “Выбирай, царь. Проси тот замысел, который давно стоит в твоём сердце”. Шринджая сказал: “Я хочу сына — героя, сильного, твёрдого в обете, долгоживущего, великосчастливого, сияющего как царь богов”. Парвата сказал: “Это твоё желание исполнится, но долгоживущим он не будет. В твоём сердце замысел — превзойти царя богов; из-за извержения золота он станет златоплюющим. Он будет сиять как Индра, и его надо будет защищать от царя богов”. Нарада сказал: “Услышав слова великодушного Парваты, Шринджая стал умолять: ‘Пусть так не будет. Пусть мой сын твоим тапасом будет долгоживущим, о муни’. Но Парвата ничего ему не ответил, оглядываясь на Индру. Тогда я снова сказал этому унылому царю: ‘Вспомни меня, великий царь. Когда ты вспомнишь, я явлюсь тебе. Я снова верну тебе любимого сына, ушедшего во власть царя мёртвых, в том же облике. Не скорби, владыка земли’. Сказав это царю, мы ушли, куда пожелали, а Шринджая вернулся в свой дворец”».
02a3693f9664 · published Jun 20, 2026, 4:25:24 PM UTC
Available inRUPage between verses with
Шринджая просит сына, но его желание несёт скрытое соперничество с Индрой. Поэтому дар сразу получает трещину: сын будет чудесным и сияющим, но не долгоживущим, если не вмешается Нарада.