स तैः परिवृतो राजा नक्षत्रैर् इव चन्द्रमाः ॥
धृतराष्ट्रं पुरस्कृत्य स्वपुरं प्रविवेश ह ॥
प्रविविक्षुः स धर्मज्ञः कुन्तीपुत्रो युधिष्ठिरः ॥
अर्चयाम् आस देवांश् च ब्राह्मणांश् च सहस्रशः ॥
ततो रथं नवं शुभ्रं कम्बलाजिनसंवृतम् ॥
युक्तं षोडशभिर् गोभिः पाण्डुरैः शुभलक्षणैः ॥
मन्त्रैर् अभ्यर्चितः पुण्यैः स्तूयमानो महर्षिभिः ॥
आरुरोह यथा देवः सोमो ऽमृतमयं रथम् ॥
जग्राह रश्मीन् कौन्तेयो भीमो भीमपराक्रमः ॥
अर्जुनः पाण्डुरं छत्रं धारयाम् आस भानुमत् ॥
ध्रियमाणं तु तच् छत्रं पाण्डुरं तस्य मूर्धनि ॥
शुशुभे तारकाराजसितम् अभ्रम् इवाम्बरे ॥
चामरव्यजने चास्य वीरौ जगृहतुस् तदा ॥
चन्द्ररश्मिप्रभे शुभ्रे माद्रीपुत्राव् अलंकृते ॥
ते पञ्च रथम् आस्थाय भ्रातरः समलंकृताः ॥
भूतानीव समस्तानि राजन् ददृशिरे तदा ॥
आस्थाय तु रथं शुभ्रं युक्तम् अश्वैर् महाजवैः ॥
अन्वयात् पृष्ठतो राजन् युयुत्सुः पाण्डवाग्रजम् ॥
रथं हेममयं शुभ्रं सैन्यसुग्रीवयोजितम् ॥
सह सात्यकिना कृष्णः समास्थायान्वयात् कुरून् ॥
नरयानेन तु ज्येष्ठः पिता पार्थस्य भारत ॥
अग्रतो धर्मराजस्य गान्धारीसहितो ययौ ॥
कुरुस्त्रियश् च ताः सर्वाः कुन्ती कृष्णा च द्रौपदी ॥
यानैर् उच्चावचैर् जग्मुर् विदुरेण पुरस्कृताः ॥
sa taiḥ parivṛto rājā nakṣatrair iva candramāḥ ||
dhṛtarāṣṭraṃ puraskṛtya svapuraṃ praviveśa ha ||
pravivikṣuḥ sa dharmajñaḥ kuntīputro yudhiṣṭhiraḥ ||
arcayām āsa devāṃś ca brāhmaṇāṃś ca sahasraśaḥ ||
tato rathaṃ navaṃ śubhraṃ kambalājinasaṃvṛtam ||
yuktaṃ ṣoḍaśabhir gobhiḥ pāṇḍuraiḥ śubhalakṣaṇaiḥ ||
mantrair abhyarcitaḥ puṇyaiḥ stūyamāno maharṣibhiḥ ||
āruroha yathā devaḥ somo 'mṛtamayaṃ ratham ||
jagrāha raśmīn kaunteyo bhīmo bhīmaparākramaḥ ||
arjunaḥ pāṇḍuraṃ chatraṃ dhārayām āsa bhānumat ||
dhriyamāṇaṃ tu tac chatraṃ pāṇḍuraṃ tasya mūrdhani ||
śuśubhe tārakārājasitam abhram ivāmbare ||
cāmaravyajane cāsya vīrau jagṛhatus tadā ||
candraraśmiprabhe śubhre mādrīputrāv alaṃkṛte ||
te pañca ratham āsthāya bhrātaraḥ samalaṃkṛtāḥ ||
bhūtānīva samastāni rājan dadṛśire tadā ||
āsthāya tu rathaṃ śubhraṃ yuktam aśvair mahājavaiḥ ||
anvayāt pṛṣṭhato rājan yuyutsuḥ pāṇḍavāgrajam ||
rathaṃ hemamayaṃ śubhraṃ sainyasugrīvayojitam ||
saha sātyakinā kṛṣṇaḥ samāsthāyānvayāt kurūn ||
narayānena tu jyeṣṭhaḥ pitā pārthasya bhārata ||
agrato dharmarājasya gāndhārīsahito yayau ||
kurustriyaś ca tāḥ sarvāḥ kuntī kṛṣṇā ca draupadī ||
yānair uccāvacair jagmur vidureṇa puraskṛtāḥ ||
Окружённый ими царь, словно луна звёздами, поставив впереди Дхритараштру, вошёл в свой город. Перед входом в столицу знаток дхармы Юдхиштхира, сын Кунти, почтил богов и тысячи брахманов. Затем он взошёл на новую белую колесницу, покрытую шерстяными покрывалами и шкурами, запряжённую шестнадцатью белыми быками с благими признаками; освящённый святыми мантрами и восхваляемый великими риши, он поднялся на неё, как бог Сома на бессмертную колесницу. Бхима, Каунтея страшной доблести, взял поводья; Арджуна держал сияющий белый зонт. Этот белый зонт над его головой сиял в небе, как светлое облако, белое от царя звёзд. Два украшенных героя, сыновья Мадри, взяли белые опахала, сияющие как лунные лучи. Пятеро украшенных братьев на колеснице тогда, о царь, казались словно все существа, собранные вместе. Юютсу следовал за старшим Пандавом на светлой колеснице, запряжённой быстроногими конями. Кришна вместе с Сатьяки взошёл на светлую золотую колесницу, запряжённую Сайньей и Сугривой, и последовал за Куру. Старший отец Партхи, Дхритараштра, ехал впереди царя дхармы на носилках вместе с Гандхари. Все женщины Куру, Кунти и Драупади, ехали на разных повозках, возглавляемые Видурой.
816dd0173893 · published Jun 20, 2026, 4:51:42 PM UTC
Available inRUPage between verses with
Описание въезда возвращает разрушенному царству порядок. Каждый занимает своё место: старший Дхритараштра впереди, Юдхиштхира в центре, братья служат царским знакам, Кришна сопровождает, женщины рода защищены.