ततो महति पर्यङ्के मणिकाञ्चनभूषिते ॥
ददर्श कृष्णम् आसीनं नीलं मेराव् इवाम्बुदम् ॥
जाज्वल्यमानं वपुषा दिव्याभरणभूषितम् ॥
पीतकौशेयसंवीतं हेम्नीवोपहितं मणिम् ॥
कौस्तुभेन उरःस्थेन मणिनाभिविराजितम् ॥
उद्यतेवोदयं शैलं सूर्येणाप्तकिरीटिनम् ॥
नौपम्यं विद्यते यस्य त्रिषु लोकेषु किं चन ॥
सो ऽभिगम्य महात्मानं विष्णुं पुरुषविग्रहम् ॥
उवाच मधुराभाषः स्मितपूर्वम् इदं तदा ॥
सुखेन ते निशा कच्चिद् व्युष्टा बुद्धिमतां वर ॥
कच्चिज् ज्ञानानि सर्वाणि प्रसन्नानि तवाच्युत ॥
तव ह्य् आश्रित्य तां देवीं बुद्धिं बुद्धिमतां वर ॥
वयं राज्यम् अनुप्राप्ताः पृथिवी च वशे स्थिता ॥
भवत्प्रसादाद् भगवंस् त्रिलोकगतिविक्रम ॥
जयः प्राप्तो यशश् चाग्र्यं न च धर्माच् च्युता वयम् ॥
तं तथा भाषमाणं तु धर्मराजं युधिष्ठिरम् ॥
नोवाच भगवान् किं चिद् ध्यानम् एवान्वपद्यत ॥
tato mahati paryaṅke maṇikāñcanabhūṣite ||
dadarśa kṛṣṇam āsīnaṃ nīlaṃ merāv ivāmbudam ||
jājvalyamānaṃ vapuṣā divyābharaṇabhūṣitam ||
pītakauśeyasaṃvītaṃ hemnīvopahitaṃ maṇim ||
kaustubhena uraḥsthena maṇinābhivirājitam ||
udyatevodayaṃ śailaṃ sūryeṇāptakirīṭinam ||
naupamyaṃ vidyate yasya triṣu lokeṣu kiṃ cana ||
so 'bhigamya mahātmānaṃ viṣṇuṃ puruṣavigraham ||
uvāca madhurābhāṣaḥ smitapūrvam idaṃ tadā ||
sukhena te niśā kaccid vyuṣṭā buddhimatāṃ vara ||
kaccij jñānāni sarvāṇi prasannāni tavācyuta ||
tava hy āśritya tāṃ devīṃ buddhiṃ buddhimatāṃ vara ||
vayaṃ rājyam anuprāptāḥ pṛthivī ca vaśe sthitā ||
bhavatprasādād bhagavaṃs trilokagativikrama ||
jayaḥ prāpto yaśaś cāgryaṃ na ca dharmāc cyutā vayam ||
taṃ tathā bhāṣamāṇaṃ tu dharmarājaṃ yudhiṣṭhiram ||
novāca bhagavān kiṃ cid dhyānam evānvapadyata ||
Тогда Юдхиштхира увидел Кришну, сидящего на большом ложе, украшенном самоцветами и золотом, тёмного, как облако на Меру. Его тело сияло; он был украшен божественными украшениями, облачён в жёлтый шёлк и казался самоцветом в золотой оправе. Каустубха на его груди ярко озарял его, как восходящее солнце венчает восточную гору; в трёх мирах не было ничего, с чем можно было бы его сравнить. Приблизившись к великодушному Вишну в человеческом облике, сладкоречивый Юдхиштхира с улыбкой сказал: «Хорошо ли прошла твоя ночь, лучший из мудрых? Ясны ли все твои знания, Ачьюта? Ведь, опираясь на твою божественную мудрость, лучший из мудрых, мы обрели царство, и земля стоит в нашей власти. Твоей милостью, Господь, герой, чьё движение охватывает три мира, мы обрели победу и высшую славу и не отпали от дхармы». Но когда царь дхармы Юдхиштхира так говорил, благословенный ничего не сказал и лишь погрузился в медитацию.
9536f71a9a8a · published Jun 20, 2026, 5:07:58 PM UTC
Available inRUPage between verses with
Видение Кришны описано как даршан: Он сидит в человеческой форме, но сияет как Вишну, превосходящий всякое сравнение. Молчание Кришны подготавливает следующий поворот: Его внимание обращено к более глубокому предмету.