वैशंपायन उवाच
ततः कृष्णस्य तद् वाक्यं धर्मार्थसहितं हितम् ॥
श्रुत्वा शांतनवो भीष्मः प्रत्युवाच कृताञ्जलिः ॥
लोकनाथ महाबाहो शिव नारायणाच्युत ॥
तव वाक्यम् अभिश्रुत्य हर्षेणास्मि परिप्लुतः ॥
किं चाहम् अभिधास्यामि वाक्पते तव संनिधौ ॥
यदा वाचोगतं सर्वं तव वाचि समाहितम् ॥
यद् धि किं चित् कृतं लोके कर्तव्यं क्रियते च यत् ॥
त्वत्तस् तन् निःसृतं देव लोका बुद्धिमया हि ते ॥
कथयेद् देवलोकं यो देवराजसमीपतः ॥
धर्मकामार्थशास्त्राणां सो ऽर्थान् ब्रूयात् तवाग्रतः ॥
शराभिघाताद् व्यथितं मनो मे मधुसूदन ॥
गात्राणि चावसीदन्ति न च बुद्धिः प्रसीदति ॥
न च मे प्रतिभा का चिद् अस्ति किं चित् प्रभाषितुम् ॥
पीड्यमानस्य गोविन्द विषानलसमैः शरैः ॥
बलं मेधाः प्रजरति प्राणाः संत्वरयन्ति च ॥
मर्माणि परितप्यन्ते भ्रान्तं चेतस् तथैव च ॥
दौर्बल्यात् सज्जते वाङ् मे स कथं वक्तुम् उत्सहे ॥
साधु मे त्वं प्रसीदस्व दाशार्हकुलनन्दन ॥
तत् क्षमस्व महाबाहो न ब्रूयां किं चिद् अच्युत ॥
त्वत्संनिधौ च सीदेत वाचस्पतिर् अपि ब्रुवन् ॥
न दिशः संप्रजानामि नाकाशं न च मेदिनीम् ॥
केवलं तव वीर्येण तिष्ठामि मधुसूदन ॥
स्वयम् एव प्रभो तस्माद् धर्मराजस्य यद् धितम् ॥
तद् ब्रवीह्य् आशु सर्वेषाम् आगमानां त्वम् आगमः ॥
कथं त्वयि स्थिते लोके शाश्वते लोककर्तरि ॥
प्रब्रूयान् मद्विधः कश् चिद् गुरौ शिष्य इव स्थिते ॥
vaiśaṃpāyana uvāca
tataḥ kṛṣṇasya tad vākyaṃ dharmārthasahitaṃ hitam ||
śrutvā śāṃtanavo bhīṣmaḥ pratyuvāca kṛtāñjaliḥ ||
lokanātha mahābāho śiva nārāyaṇācyuta ||
tava vākyam abhiśrutya harṣeṇāsmi pariplutaḥ ||
kiṃ cāham abhidhāsyāmi vākpate tava saṃnidhau ||
yadā vācogataṃ sarvaṃ tava vāci samāhitam ||
yad dhi kiṃ cit kṛtaṃ loke kartavyaṃ kriyate ca yat ||
tvattas tan niḥsṛtaṃ deva lokā buddhimayā hi te ||
kathayed devalokaṃ yo devarājasamīpataḥ ||
dharmakāmārthaśāstrāṇāṃ so 'rthān brūyāt tavāgrataḥ ||
śarābhighātād vyathitaṃ mano me madhusūdana ||
gātrāṇi cāvasīdanti na ca buddhiḥ prasīdati ||
na ca me pratibhā kā cid asti kiṃ cit prabhāṣitum ||
pīḍyamānasya govinda viṣānalasamaiḥ śaraiḥ ||
balaṃ medhāḥ prajarati prāṇāḥ saṃtvarayanti ca ||
marmāṇi paritapyante bhrāntaṃ cetas tathaiva ca ||
daurbalyāt sajjate vāṅ me sa kathaṃ vaktum utsahe ||
sādhu me tvaṃ prasīdasva dāśārhakulanandana ||
tat kṣamasva mahābāho na brūyāṃ kiṃ cid acyuta ||
tvatsaṃnidhau ca sīdeta vācaspatir api bruvan ||
na diśaḥ saṃprajānāmi nākāśaṃ na ca medinīm ||
kevalaṃ tava vīryeṇa tiṣṭhāmi madhusūdana ||
svayam eva prabho tasmād dharmarājasya yad dhitam ||
tad bravīhy āśu sarveṣām āgamānāṃ tvam āgamaḥ ||
kathaṃ tvayi sthite loke śāśvate lokakartari ||
prabrūyān madvidhaḥ kaś cid gurau śiṣya iva sthite ||
Вайшампаяна сказал: услышав это благое слово Кришны, соединённое с дхармой и артхой, Шантанава Бхишма сложил ладони и ответил: «О владыка мира, сильнорукий, благой Нараяна, Ачьюта, выслушав Твою речь, я переполнен радостью. Что же я могу сказать в Твоём присутствии, Владыка речи, когда всё, что входит в речь, сосредоточено в Твоём слове? Что бы ни было сделано в мире, что должно быть сделано и что совершается, всё это исходит из Тебя, о Бог; ведь миры пронизаны Твоим разумом. Тот, кто стал бы рассказывать о мире богов рядом с царём богов, так же стал бы перед Тобой объяснять смыслы шастр о дхарме, каме и артхе. Мадхусудана, мой ум измучен ударами стрел, члены тела слабеют, и разум не проясняется. У меня нет никакой способности произнести хоть что-то, Говинда, когда я мучим стрелами, равными яду и огню. Сила и разум иссякают, жизненные силы спешат, жизненные точки горят, и сознание смущено. От слабости моя речь запинается: как же я решусь говорить? Будь милостив ко мне, радость рода Дашархов. Прости, сильнорукий Ачьюта: я не могу ничего сказать. В Твоём присутствии растерялся бы даже Вачаспати, если бы стал говорить. Я не различаю ни сторон света, ни неба, ни земли; только Твоей силой, Мадхусудана, я держусь. Поэтому, владыка, сам быстро скажи всем то, что полезно Дхармарадже, ибо Ты — источник всех преданий. Как кто-либо вроде меня стал бы говорить, когда в мире пребываешь Ты, вечный творец миров, словно ученик перед учителем?»
0c6d9d3d3f99 · published Jun 20, 2026, 5:35:58 PM UTC
Available inRUPage between verses with
Бхишма не отказывается от долга из лености: он честно описывает боль и признаёт верховенство Кришны как источника речи и знания. Это смирение становится условием того, что последующее наставление будет не самонадеянным мнением, а служением воле Господа.