युधिष्ठिर उवाच
कथं राजा प्रजा रक्षन् नाधिबन्धेन युज्यते ॥
धर्मे च नापराध्नोति तन् मे ब्रूहि पितामह ॥
भीष्म उवाच
समासेनैव ते तात धर्मान् वक्ष्यामि निश्चितान् ॥
विस्तरेण हि धर्माणां न जात्व् अन्तम् अवाप्नुयात् ॥
धर्मनिष्ठाञ् श्रुतवतो वेदव्रतसमाहितान् ॥
अर्चितान् वासयेथास् त्वं गृहे गुणवतो द्विजान् ॥
प्रत्युत्थायोपसंगृह्य चरणाव् अभिवाद्य च ॥
अथ सर्वाणि कुर्वीथाः कार्याणि सपुरोहितः ॥
धर्मकार्याणि निर्वर्त्य मङ्गलानि प्रयुज्य च ॥
ब्राह्मणान् वाचयेथास् त्वम् अर्थसिद्धिजयाशिषः ॥
आर्जवेन च संपन्नो धृत्या बुद्ध्या च भारत ॥
अर्थार्थं परिगृह्णीयात् कामक्रोधौ च वर्जयेत् ॥
कामक्रोधौ पुरस्कृत्य यो ऽर्थं राजानुतिष्ठति ॥
न स धर्मं न चाप्य् अर्थं परिगृह्णाति बालिशः ॥
मा स्म लुब्धांश् च मूर्खांश् च कामे चार्थेषु यूयुजः ॥
अलुब्धान् बुद्धिसंपन्नान् सर्वकर्मसु योजयेत् ॥
मूर्खो ह्य् अधिकृतो ऽर्थेषु कार्याणाम् अविशारदः ॥
प्रजाः क्लिश्नात्य् अयोगेन कामद्वेषसमन्वितः ॥
yudhiṣṭhira uvāca
kathaṃ rājā prajā rakṣan nādhibandhena yujyate ||
dharme ca nāparādhnoti tan me brūhi pitāmaha ||
bhīṣma uvāca
samāsenaiva te tāta dharmān vakṣyāmi niścitān ||
vistareṇa hi dharmāṇāṃ na jātv antam avāpnuyāt ||
dharmaniṣṭhāñ śrutavato vedavratasamāhitān ||
arcitān vāsayethās tvaṃ gṛhe guṇavato dvijān ||
pratyutthāyopasaṃgṛhya caraṇāv abhivādya ca ||
atha sarvāṇi kurvīthāḥ kāryāṇi sapurohitaḥ ||
dharmakāryāṇi nirvartya maṅgalāni prayujya ca ||
brāhmaṇān vācayethās tvam arthasiddhijayāśiṣaḥ ||
ārjavena ca saṃpanno dhṛtyā buddhyā ca bhārata ||
arthārthaṃ parigṛhṇīyāt kāmakrodhau ca varjayet ||
kāmakrodhau puraskṛtya yo 'rthaṃ rājānutiṣṭhati ||
na sa dharmaṃ na cāpy arthaṃ parigṛhṇāti bāliśaḥ ||
mā sma lubdhāṃś ca mūrkhāṃś ca kāme cārtheṣu yūyujaḥ ||
alubdhān buddhisaṃpannān sarvakarmasu yojayet ||
mūrkho hy adhikṛto 'rtheṣu kāryāṇām aviśāradaḥ ||
prajāḥ kliśnāty ayogena kāmadveṣasamanvitaḥ ||
Юдхиштхира сказал: «Как царь, защищая подданных, не связывается греховной связью и не ошибается в дхарме? Скажи мне это, праотец». Бхишма сказал: «Сын, я кратко скажу тебе установленные дхармы; подробно дхармам никогда не достигнуть конца. Поселяй у себя в доме почтённых, достойных дваждырождённых, стойких в дхарме, сведущих, сосредоточенных в Веде и обетах. Встав навстречу, приветствовав их и поклонившись их стопам, затем совершай все дела вместе с пурохитой. Исполнив дела дхармы и благоприятные обряды, побуждай брахманов произносить благословения на успех дела и победу. Бхарата, будучи наделён прямотой, стойкостью и разумом, принимай средства ради пользы и избегай желания и гнева. Глупый царь, который, поставив впереди желание и гнев, занимается пользой, не получает ни дхармы, ни пользы. Никогда не назначай жадных и глупых к делам желания и пользы; во все дела нужно ставить нежадных и разумных. Глупец, поставленный над делами и неумелый в задачах, мучит подданных неправильностью, будучи соединён с желанием и ненавистью».
8c11dc5828bd · published Jun 20, 2026, 6:36:53 PM UTC
Available inRUPage between verses with
Бхишма начинает с духовной и кадровой основы правления. Царь должен держаться брахманов, пурохиты, прямоты и разумных исполнителей; желание и гнев в управлении превращают даже полезное дело в источник греха.