भरद्वाज उवाच
गगनस्य दिशां चैव भूतलस्यानिलस्य च ॥
कान्य् अत्र परिमाणानि संशयं छिन्धि मे ऽर्थतः ॥
भृगुर् उवाच
अनन्तम् एतद् आकाशं सिद्धचारणसेवितम् ॥
रम्यं नानाश्रयाकीर्णं यस्यान्तो नाधिगम्यते ॥
ऊर्ध्वं गतेर् अधस्तात् तु चन्द्रादित्यौ न दृश्यतः ॥
तत्र देवाः स्वयं दीप्ता भास्वराश् चाग्निवर्चसः ॥
ते चाप्य् अन्तं न पश्यन्ति नभसः प्रथितौजसः ॥
दुर्गमत्वाद् अनन्तत्वाद् इति मे विद्धि मानद ॥
उपरिष्टोपरिष्टात् तु प्रज्वलद्भिः स्वयंप्रभैः ॥
निरुद्धम् एतद् आकाशम् अप्रमेयं सुरैर् अपि ॥
पृथिव्यन्ते समुद्रास् तु समुद्रान्ते तमः स्मृतम् ॥
तमसो ऽन्ते जलं प्राहुर् जलस्यान्ते ऽग्निर् एव च ॥
रसातलान्ते सलिलं जलान्ते पन्नगाधिपः ॥
तदन्ते पुनर् आकाशम् आकाशान्ते पुनर् जलम् ॥
एवम् अन्तं भगवतः प्रमाणं सलिलस्य च ॥
अग्निमारुततोयेभ्यो दुर्ज्ञेयं दैवतैर् अपि ॥
अग्निमारुततोयानां वर्णाः क्षितितलस्य च ॥
आकाशसदृशा ह्य् एते भिद्यन्ते तत्त्वदर्शनात् ॥
पठन्ति चैव मुनयः शास्त्रेषु विविधेषु च ॥
त्रैलोक्ये सागरे चैव प्रमाणं विहितं यथा ॥
अदृश्याय त्व् अगम्याय कः प्रमाणम् उदाहरेत् ॥
सिद्धानां देवतानां च यदा परिमिता गतिः ॥
तदा गौणम् अनन्तस्य नामानन्तेति विश्रुतम् ॥
नामधेयानुरूपस्य मानसस्य महात्मनः ॥
यदा तु दिव्यं तद्रूपं ह्रसते वर्धते पुनः ॥
को ऽन्यस् तद् वेदितुं शक्तो यो ऽपि स्यात् तद्विधो ऽपरः ॥
ततः पुष्करतः सृष्टः सर्वज्ञो मूर्तिमान् प्रभुः ॥
ब्रह्मा धर्ममयः पूर्वः प्रजापतिर् अनुत्तमः ॥
bharadvāja uvāca
gaganasya diśāṃ caiva bhūtalasyānilasya ca ||
kāny atra parimāṇāni saṃśayaṃ chindhi me 'rthataḥ ||
bhṛgur uvāca
anantam etad ākāśaṃ siddhacāraṇasevitam ||
ramyaṃ nānāśrayākīrṇaṃ yasyānto nādhigamyate ||
ūrdhvaṃ gater adhastāt tu candrādityau na dṛśyataḥ ||
tatra devāḥ svayaṃ dīptā bhāsvarāś cāgnivarcasaḥ ||
te cāpy antaṃ na paśyanti nabhasaḥ prathitaujasaḥ ||
durgamatvād anantatvād iti me viddhi mānada ||
upariṣṭopariṣṭāt tu prajvaladbhiḥ svayaṃprabhaiḥ ||
niruddham etad ākāśam aprameyaṃ surair api ||
pṛthivyante samudrās tu samudrānte tamaḥ smṛtam ||
tamaso 'nte jalaṃ prāhur jalasyānte 'gnir eva ca ||
rasātalānte salilaṃ jalānte pannagādhipaḥ ||
tadante punar ākāśam ākāśānte punar jalam ||
evam antaṃ bhagavataḥ pramāṇaṃ salilasya ca ||
agnimārutatoyebhyo durjñeyaṃ daivatair api ||
agnimārutatoyānāṃ varṇāḥ kṣititalasya ca ||
ākāśasadṛśā hy ete bhidyante tattvadarśanāt ||
paṭhanti caiva munayaḥ śāstreṣu vividheṣu ca ||
trailokye sāgare caiva pramāṇaṃ vihitaṃ yathā ||
adṛśyāya tv agamyāya kaḥ pramāṇam udāharet ||
siddhānāṃ devatānāṃ ca yadā parimitā gatiḥ ||
tadā gauṇam anantasya nāmānanteti viśrutam ||
nāmadheyānurūpasya mānasasya mahātmanaḥ ||
yadā tu divyaṃ tadrūpaṃ hrasate vardhate punaḥ ||
ko 'nyas tad vedituṃ śakto yo 'pi syāt tadvidho 'paraḥ ||
tataḥ puṣkarataḥ sṛṣṭaḥ sarvajño mūrtimān prabhuḥ ||
brahmā dharmamayaḥ pūrvaḥ prajāpatir anuttamaḥ ||
Бхарадваджа спросил: «Каковы меры неба, сторон света, поверхности земли и ветра? Рассеки моё сомнение по существу». Бхригу ответил: «Это пространство бесконечно, посещается сиддхами и чаранами, прекрасно и наполнено разными обителями; его конец не достигается. Выше и ниже пути луны и солнца они уже не видны. Там пребывают самосияющие боги, блистающие как огонь, но даже они не видят конца могучего неба из-за его труднодоступности и бесконечности; так знай от меня, почтенный. Выше и выше это неизмеримое даже для богов пространство ограждено пылающими самосветящимися существами. На краю земли находятся океаны, на краю океанов — тьма, на краю тьмы называют воду, на краю воды — огонь. На краю Расаталы вода, на краю воды — владыка змей, за ним снова пространство, а за пространством снова вода. Так предел Блаженного, мера воды, огня и ветра труднопознаваемы даже для божеств. Свойства огня, ветра, вод и поверхности земли подобны пространству; они различаются только через видение сущности. Муни в разных писаниях излагают установленные меры трёх миров и океана, но кто назовёт меру невидимого и недостижимого? Когда даже путь сиддхов и богов ограничен, имя “Ананта”, Бесконечный, у великой души Манасы соответствует своему значению лишь условно для нашего понимания. Когда его божественный образ уменьшается и снова возрастает, кто другой способен знать это, даже если был бы подобен ему? Затем из лотоса был создан всезнающий воплощённый владыка Брахма, первый Праджапати, состоящий из дхармы и непревзойдённый».
c27548730595 · published Jun 20, 2026, 11:14:21 PM UTC
Available inRUPage between verses with
Бхригу подчёркивает предел измерения: даже космические уровни можно описывать лишь до некоторой границы. Бесконечное не вмещается в схему, и имя Ананта указывает на превосходство Бога над измеримой вселенной.