भृगुर् उवाच
घनानाम् अपि वृक्षाणाम् आकाशो ऽस्ति न संशयः ॥
तेषां पुष्पफले व्यक्तिर् नित्यं समुपलभ्यते ॥
ऊष्मतो ग्लानपर्णानां त्वक् फलं पुष्पम् एव च ॥
म्लायते चैव शीते न स्पर्शस् तेनात्र विद्यते ॥
वाय्वग्न्यशनिनिष्पेषैः फलपुष्पं विशीर्यते ॥
श्रोत्रेण गृह्यते शब्दस् तस्माच् छृण्वन्ति पादपाः ॥
वल्ली वेष्टयते वृक्षं सर्वतश् चैव गच्छति ॥
न ह्य् अदृष्टेश् च मार्गो ऽस्ति तस्मात् पश्यन्ति पादपाः ॥
पुण्यापुण्यैस् तथा गन्धैर् धूपैश् च विविधैर् अपि ॥
अरोगाः पुष्पिताः सन्ति तस्माज् जिघ्रन्ति पादपाः ॥
पादैः सलिलपानं च व्याधीनाम् अपि दर्शनम् ॥
व्याधिप्रतिक्रियत्वाच् च विद्यते रसनं द्रुमे ॥
वक्त्रेणोत्पलनालेन यथोर्ध्वं जलम् आददेत् ॥
तथा पवनसंयुक्तः पादैः पिबति पादपः ॥
ग्रहणात् सुखदुःखस्य छिन्नस्य च विरोहणात् ॥
जीवं पश्यामि वृक्षाणाम् अचैतन्यं न विद्यते ॥
तेन तज् जलम् आदत्तं जरयत्य् अग्निमारुतौ ॥
आहारपरिणामाच् च स्नेहो वृद्धिश् च जायते ॥
bhṛgur uvāca
ghanānām api vṛkṣāṇām ākāśo 'sti na saṃśayaḥ ||
teṣāṃ puṣpaphale vyaktir nityaṃ samupalabhyate ||
ūṣmato glānaparṇānāṃ tvak phalaṃ puṣpam eva ca ||
mlāyate caiva śīte na sparśas tenātra vidyate ||
vāyvagnyaśaniniṣpeṣaiḥ phalapuṣpaṃ viśīryate ||
śrotreṇa gṛhyate śabdas tasmāc chṛṇvanti pādapāḥ ||
vallī veṣṭayate vṛkṣaṃ sarvataś caiva gacchati ||
na hy adṛṣṭeś ca mārgo 'sti tasmāt paśyanti pādapāḥ ||
puṇyāpuṇyais tathā gandhair dhūpaiś ca vividhair api ||
arogāḥ puṣpitāḥ santi tasmāj jighranti pādapāḥ ||
pādaiḥ salilapānaṃ ca vyādhīnām api darśanam ||
vyādhipratikriyatvāc ca vidyate rasanaṃ drume ||
vaktreṇotpalanālena yathordhvaṃ jalam ādadet ||
tathā pavanasaṃyuktaḥ pādaiḥ pibati pādapaḥ ||
grahaṇāt sukhaduḥkhasya chinnasya ca virohaṇāt ||
jīvaṃ paśyāmi vṛkṣāṇām acaitanyaṃ na vidyate ||
tena taj jalam ādattaṃ jarayaty agnimārutau ||
āhārapariṇāmāc ca sneho vṛddhiś ca jāyate ||
Бхригу сказал: «Даже у плотных деревьев есть пространство, в этом нет сомнения: его проявление постоянно наблюдается в цветке и плоде. От жара увядают листья, кора, плод и цветок, но от холода не так; поэтому здесь есть осязание. От ветра, огня и удара молнии плоды и цветы осыпаются; звук воспринимается слухом, поэтому деревья слышат. Лиана обвивает дерево и движется вокруг него со всех сторон; без видения пути нет, поэтому деревья видят. От благих и неблагих запахов, а также от разных курений они бывают здоровыми и цветущими; поэтому деревья обоняют. Корнями они пьют воду, в них видны болезни, и они поддаются лечению; поэтому у дерева есть вкус. Как человек через стебель лотоса ртом втягивает воду вверх, так дерево, соединённое с ветром, пьёт корнями. Из-за восприятия счастья и страдания и из-за отрастания срезанного я вижу жизнь деревьев: неодушевлённости в них нет. Поэтому принятую ими воду переваривают огонь и ветер, и от превращения пищи возникают сок и рост».
b6dfcf2cde95 · published Jun 20, 2026, 11:22:18 PM UTC
Available inRUPage between verses with
Бхригу защищает живость растений через признаки ответа: увядание, рост, лечение, питание, чувствительность. Жизнь шире привычных человеческих форм проявления сознания.