नारद उवाच
विनीय दुःखम् अबला सा त्व् अतीवायतेक्षणा ॥
उवाच प्राञ्जलिर् भूत्वा लतेवावर्जिता तदा ॥
त्वया सृष्टा कथं नारी मादृशी वदतां वर ॥
रौद्रकर्माभिजायेत सर्वप्राणिभयंकरी ॥
बिभेम्य् अहम् अधर्मस्य धर्म्यम् आदिश कर्म मे ॥
त्वं मां भीताम् अवेक्षस्व शिवेनेश्वर चक्षुषा ॥
बालान् वृद्धान् वयःस्थांश् च न हरेयम् अनागसः ॥
प्राणिनः प्राणिनाम् ईश नमस् ते ऽभिप्रसीद मे ॥
प्रियान् पुत्रान् वयस्यांश् च भ्रातॄन् मातॄः पितॄन् अपि ॥
अपध्यास्यन्ति यद् देव मृतांस् तेषां बिभेम्य् अहम् ॥
कृपणाश्रुपरिक्लेदो दहेन् मां शाश्वतीः समाः ॥
तेभ्यो ऽहं बलवद् भीता शरणं त्वाम् उपागता ॥
यमस्य भवने देव यात्य् अन्ते पापकर्मिणः ॥
प्रसादये त्वा वरद प्रसादं कुरु मे प्रभो ॥
एतम् इच्छाम्य् अहं कामं त्वत्तो लोकपितामह ॥
इच्छेयं त्वत्प्रसादाच् च तपस् तप्तुं सुरेश्वर ॥
nārada uvāca
vinīya duḥkham abalā sā tv atīvāyatekṣaṇā ||
uvāca prāñjalir bhūtvā latevāvarjitā tadā ||
tvayā sṛṣṭā kathaṃ nārī mādṛśī vadatāṃ vara ||
raudrakarmābhijāyeta sarvaprāṇibhayaṃkarī ||
bibhemy aham adharmasya dharmyam ādiśa karma me ||
tvaṃ māṃ bhītām avekṣasva śiveneśvara cakṣuṣā ||
bālān vṛddhān vayaḥsthāṃś ca na hareyam anāgasaḥ ||
prāṇinaḥ prāṇinām īśa namas te 'bhiprasīda me ||
priyān putrān vayasyāṃś ca bhrātṝn mātṝḥ pitṝn api ||
apadhyāsyanti yad deva mṛtāṃs teṣāṃ bibhemy aham ||
kṛpaṇāśruparikledo dahen māṃ śāśvatīḥ samāḥ ||
tebhyo 'haṃ balavad bhītā śaraṇaṃ tvām upāgatā ||
yamasya bhavane deva yāty ante pāpakarmiṇaḥ ||
prasādaye tvā varada prasādaṃ kuru me prabho ||
etam icchāmy ahaṃ kāmaṃ tvatto lokapitāmaha ||
iccheyaṃ tvatprasādāc ca tapas taptuṃ sureśvara ||
Нарада сказал: «Усмирив скорбь, та слабая, широкоокая дева, сложив ладони и склонившись, словно лиана, сказала: “Как могла женщина, созданная тобой, подобная мне, о лучший из говорящих, родиться для такого страшного дела, вселяющего страх во всех живых? Я боюсь беззакония; укажи мне праведное дело. Взгляни на меня, испуганную, благим оком, владыка. Я не хочу отнимать жизнь у безвинных детей, стариков, зрелых людей и других существ, о владыка живых. Поклон тебе, будь милостив ко мне. Люди будут проклинать меня из-за умерших дорогих сыновей, друзей, братьев, матерей и отцов; этого я боюсь. Потоки жалких слёз жгли бы меня вечные годы. Сильно страшась их, я пришла к тебе как к прибежищу. В обитель Ямы в конце идут грешники; я же умоляю тебя, дарующий дары: окажи мне милость, владыка. Вот какого дара я желаю от тебя, праотец мира: по твоей милости я хотела бы совершать аскезу, владыка богов”».
6e95e1d487d8 · published Jun 21, 2026, 5:51:52 AM UTC
Available inRUPage between verses with
Смерть отвергает роль бездумного насилия и просит о праведном пути. В её страхе перед слезами родных подчёркнуто, что космический закон смерти не должен пониматься как жестокость: он требует божественного разрешения и нравственного основания.