गच्छन्पाञ्चालदेशांश्च कुरूंश्चैवोत्तरान्कुरून् । दशार्णान्विशालांश्च सर्वशोभासमन्वितः
तत्र तत्रोपशृण्वानो रघुवीरयशोऽखिलम् । रावणासुरघातेन भक्तरक्षाविधायकम्
पुनश्च हयमेधादि कार्यमारभ्य पावनम् । यशो वितन्वन्भुवने लोकान्रामोऽविता भयात्
तेभ्यस्तुष्टो ददौ हारान्रत्नानि विविधानि च । महाधनानि वासांसि शत्रुघ्नः प्रवरो महान्
सुमतिर्नाम तेजस्वी सर्वविद्याविशारदः । रघुनाथस्य सचिवः शत्रुघ्नानुचरो वरः
ययौ तेन महावीरो ग्रामाञ्जनपदान्बहून् । रघुनाथप्रतापेन न कोऽपि हृतवान्हयम्
देशाधिपा ये बहवो महाबलपराक्रमाः । हस्त्यश्वरथपादातचतुरङ्गसमन्विताः
सम्पदो बहुशो नीत्वा मुक्तामाणिक्यसंयुताः । शत्रुघ्नं हयरक्षार्थमागतं प्रणता मुहुः
इदं राज्यं धनं सर्वं सपुत्रपशुबान्धवम् । रामचन्द्रस्य सर्वं हि न मदीयं रघूद्वह
एवं तदुक्तमाकर्ण्य शत्रुघ्नः परवीरहा । आज्ञां स्वां तत्र संज्ञाप्य ययौ तैः सहितः पथि
एवं क्रमेण सम्प्राप्तः शत्रुघ्नो हयसंयुतः । अहिच्छत्रं पुरीं ब्रह्मन्नानाजनसमाकुलाम्
ब्रह्मद्विजसमाकीर्णां नानारत्नविभूषिताम् । सौवर्णैः स्फाटिकैर्हर्म्यैर्गोपुरैः समलङ्कृताम्
यत्र रम्भातिरस्कारकारिण्यः कमलाननाः । दृश्यन्ते सर्वहर्म्येषु ललना लीलयान्विताः
यत्र स्वाचारललिताः सर्वभोगैकभोगिनः । धनदानुचरा यद्वत्तथा लीलासमन्विताः
यत्र वीरा धनुर्हस्ताः शरसन्धानकोविदाः । कुर्वन्ति तत्र राजानं सुदृष्टं सुमदाभिधम्
एवंविधं ददर्शासौ नगरं दूरतः प्रभुः । पार्श्वे तस्य सुरश्रेष्ठमुद्यानं शोभयान्वितम्
पुन्नागैर्नागचम्पैश्च तिलकैर्देवदारुभिः । अशोकैः पाटलैश्चूतैर्मन्दारैः कोविदारकैः
आम्रजम्बुकदम्बैश्च प्रियालपनसैस्तथा । शालैस्तालैस्तमालैश्च मल्लिकाजातियूथिभिः
नीपैः कदम्बैर्वकुलैश्चम्पकैर्मदनादिभिः । शोभितं स ददर्शाथ शत्रुघ्नः परवीरहा
gacchanpāñcāladeśāṃśca kurūṃścaivottarānkurūn | daśārṇānviśālāṃśca sarvaśobhāsamanvitaḥ
tatra tatropaśṛṇvāno raghuvīrayaśo'khilam | rāvaṇāsuraghātena bhaktarakṣāvidhāyakam
punaśca hayamedhādi kāryamārabhya pāvanam | yaśo vitanvanbhuvane lokānrāmo'vitā bhayāt
tebhyastuṣṭo dadau hārānratnāni vividhāni ca | mahādhanāni vāsāṃsi śatrughnaḥ pravaro mahān
sumatirnāma tejasvī sarvavidyāviśāradaḥ | raghunāthasya sacivaḥ śatrughnānucaro varaḥ
yayau tena mahāvīro grāmāñjanapadānbahūn | raghunāthapratāpena na ko'pi hṛtavānhayam
deśādhipā ye bahavo mahābalaparākramāḥ | hastyaśvarathapādātacaturaṅgasamanvitāḥ
sampado bahuśo nītvā muktāmāṇikyasaṃyutāḥ | śatrughnaṃ hayarakṣārthamāgataṃ praṇatā muhuḥ
idaṃ rājyaṃ dhanaṃ sarvaṃ saputrapaśubāndhavam | rāmacandrasya sarvaṃ hi na madīyaṃ raghūdvaha
evaṃ taduktamākarṇya śatrughnaḥ paravīrahā | ājñāṃ svāṃ tatra saṃjñāpya yayau taiḥ sahitaḥ pathi
evaṃ krameṇa samprāptaḥ śatrughno hayasaṃyutaḥ | ahicchatraṃ purīṃ brahmannānājanasamākulām
brahmadvijasamākīrṇāṃ nānāratnavibhūṣitām | sauvarṇaiḥ sphāṭikairharmyairgopuraiḥ samalaṅkṛtām
yatra rambhātiraskārakāriṇyaḥ kamalānanāḥ | dṛśyante sarvaharmyeṣu lalanā līlayānvitāḥ
yatra svācāralalitāḥ sarvabhogaikabhoginaḥ | dhanadānucarā yadvattathā līlāsamanvitāḥ
yatra vīrā dhanurhastāḥ śarasandhānakovidāḥ | kurvanti tatra rājānaṃ sudṛṣṭaṃ sumadābhidham
evaṃvidhaṃ dadarśāsau nagaraṃ dūrataḥ prabhuḥ | pārśve tasya suraśreṣṭhamudyānaṃ śobhayānvitam
punnāgairnāgacampaiśca tilakairdevadārubhiḥ | aśokaiḥ pāṭalaiścūtairmandāraiḥ kovidārakaiḥ
āmrajambukadambaiśca priyālapanasaistathā | śālaistālaistamālaiśca mallikājātiyūthibhiḥ
nīpaiḥ kadambairvakulaiścampakairmadanādibhiḥ | śobhitaṃ sa dadarśātha śatrughnaḥ paravīrahā
«Идя в страны панчалов, к куру и к северным куру, к дашарнам и вишалам, исполненный всякой красы, он там и здесь слушал всю славу героя из рода Рагху — устрояющую защиту преданных убиением асура Раваны; и [слышал], что Рама, снова начав очищающее дело — жертву коня и прочее, — распространяя славу в мире, есть хранитель миров от страха. Довольный, великий и превосходный Шатругхна дал им ожерелья, разные самоцветы, многоценные одежды. Сумати по имени, сияющий, искушённый во всех науках, советник Рагхунатхи, был лучшим спутником Шатругхны. С ним великий герой прошёл многие деревни и области, и мощью Рагхунатхи никто не увёл коня. Многие владыки стран, великой силы и доблести, с четырьмя родами войск — слонами, конями, колесницами и пехотой, — принеся во множестве богатства с жемчугом и рубинами, снова и снова склонялись перед Шатругхной, пришедшим ради охраны коня: „Это царство, всё богатство с детьми, скотом и родичами — всё это Рамачандры, а не моё, о потомок Рагху“. Услышав так сказанное ими, губитель вражеских героев, объявив там своё веление, пошёл в путь вместе с ними. Так постепенно Шатругхна вместе с конём достиг города Ахиччхатры, о брахман, — полного разного народа, изобилующего брахманами, украшенного разными самоцветами, убранного золотыми и хрустальными дворцами и вратными башнями. Там во всех дворцах видны красавицы с лотосными лицами, затмевающие Рамбху, исполненные игры; там [мужи], милые своим благонравием, вкушающие все наслаждения, словно спутники Подателя богатств, так же исполнены игры. Там герои с луками в руках, искусные в наложении стрелы, делают царём весьма прозорливого — по имени Сумада. Такой город увидел владыка издали, а рядом с ним — превосходнейший сад, исполненный красы: украшенный пуннагами, нага-чампаками, тилаками, деодарами, ашоками, паталами, манговыми, мандарами, ковидарами, манго, джамбу и кадамбами, приялами и джекфрутами, салами, пальмами, тамалами, жасминами разных родов, нипами, кадамбами, бакулами, чампаками, маданами и прочими, — [этот сад] увидел затем губитель вражеских героев Шатругхна.»
19c3b98d2f82 · published Sep 3, 2026, 4:13:45 AM UTC
Available inRUPage between verses with
Ни одно царство не сопротивляется: цари сами выходят навстречу и объявляют, что всё их достояние принадлежит Раме. Вызов, написанный на лбу коня, остаётся без ответа не от страха перед войском, а от славы, идущей впереди него. Долгий перечень деревьев в саду не украшение: рассказ замедляется перед тем, как в него войдёт новая история.