रामभक्तं न मां कश्चिज्जयतीन्द्रपदे स्थितः । इत्थं भाषितमाकर्ण्य पुष्कलस्य नृपाग्रणीः
जहास बालं संवीक्ष्य कोपं च व्यदधात्पुनः । तं वै कुपितमालक्ष्य भरतात्मज उन्मदः । जघान शरविंशत्या राजानं हृदि तीक्ष्णया
राजा तानागतान्दृष्ट्वा बाणांस्तेन विमोचितान्
चिच्छेद परमक्रुद्धः शरैस्तीक्ष्णैरनेकधा । तद्बाणच्छेदनं दृष्ट्वा भारतिः परवीरहा
चुकोप हृदयेऽत्यन्तं राजानं च त्रिभिः शरैः । विव्याध भाले भूपालपुत्रः पुष्कलसंज्ञकः
तत्र लग्ना विरेजुस्ते त्रिकूटशिखराणि किम् । तैर्बाणैर्व्यथितो राजा जघान नवभिः शरैः
हृदये पुष्कलं वीरं महाकोपसमन्वितः । तैर्वत्सदन्तैर्बहुशः पीडितो भरतात्मजः
सर्पा आशीविषा यद्वत्क्रुद्धास्तद्वपुषि स्थिताः । परमं कोपमापन्नः पुष्कलो भूमिपं पुनः
बाणानां शतकेनाशु विभेद शितपर्वणाम् । तैर्बाणैः कवचं भिन्नं किरीटः सशिरस्त्रकः
रथो धनुर्महत्सज्यं छिन्नं कोपपरिप्लुतः । क्षतजेन परिप्लुतो बाणभिन्नकलेवरः
अन्यस्यन्दनमारुह्य जगाम भरतात्मजम् । धन्योऽसि वीर रामस्य चरणाब्जमधुव्रत
महत्कृतं कर्म तेऽद्य यदहं विरथीकृतः । प्राणान्रक्षस्व भो वीर साम्प्रतं मयि युध्यति
सुलभा न तव प्राणाः कालरूपे मयि स्थिते । इत्युक्त्वा व्यहनद्बाणैरसङ्ख्यैः शस्त्रकोविदः
भूमौ दिशि च तद्बाणानन्यन्न दृश्यते तत्र ह । अनेके गजसाहस्रा भिन्ना अश्वाः समन्ततः
रथा रथियुतास्तेन च्छिन्ना भिन्ना द्विधाकृताः । शोणितौघाः सरितश्च प्रसुस्राव रणाङ्गणे
rāmabhaktaṃ na māṃ kaścijjayatīndrapade sthitaḥ | itthaṃ bhāṣitamākarṇya puṣkalasya nṛpāgraṇīḥ
jahāsa bālaṃ saṃvīkṣya kopaṃ ca vyadadhātpunaḥ | taṃ vai kupitamālakṣya bharatātmaja unmadaḥ | jaghāna śaraviṃśatyā rājānaṃ hṛdi tīkṣṇayā
rājā tānāgatāndṛṣṭvā bāṇāṃstena vimocitān
ciccheda paramakruddhaḥ śaraistīkṣṇairanekadhā | tadbāṇacchedanaṃ dṛṣṭvā bhāratiḥ paravīrahā
cukopa hṛdaye'tyantaṃ rājānaṃ ca tribhiḥ śaraiḥ | vivyādha bhāle bhūpālaputraḥ puṣkalasaṃjñakaḥ
tatra lagnā virejuste trikūṭaśikharāṇi kim | tairbāṇairvyathito rājā jaghāna navabhiḥ śaraiḥ
hṛdaye puṣkalaṃ vīraṃ mahākopasamanvitaḥ | tairvatsadantairbahuśaḥ pīḍito bharatātmajaḥ
sarpā āśīviṣā yadvatkruddhāstadvapuṣi sthitāḥ | paramaṃ kopamāpannaḥ puṣkalo bhūmipaṃ punaḥ
bāṇānāṃ śatakenāśu vibheda śitaparvaṇām | tairbāṇaiḥ kavacaṃ bhinnaṃ kirīṭaḥ saśirastrakaḥ
ratho dhanurmahatsajyaṃ chinnaṃ kopapariplutaḥ | kṣatajena paripluto bāṇabhinnakalevaraḥ
anyasyandanamāruhya jagāma bharatātmajam | dhanyo'si vīra rāmasya caraṇābjamadhuvrata
mahatkṛtaṃ karma te'dya yadahaṃ virathīkṛtaḥ | prāṇānrakṣasva bho vīra sāmprataṃ mayi yudhyati
sulabhā na tava prāṇāḥ kālarūpe mayi sthite | ityuktvā vyahanadbāṇairasaṅkhyaiḥ śastrakovidaḥ
bhūmau diśi ca tadbāṇānanyanna dṛśyate tatra ha | aneke gajasāhasrā bhinnā aśvāḥ samantataḥ
rathā rathiyutāstena cchinnā bhinnā dvidhākṛtāḥ | śoṇitaughāḥ saritaśca prasusrāva raṇāṅgaṇe
«„Меня, преданного Раме, не побеждает никто, [даже] стоящий на месте Индры“. Услышав так сказанное Пушкалой, первейший из царей засмеялся, оглядев отрока, и затем явил гнев. Приметив его разгневанным, неистовый сын Бхараты поразил царя двадцатью острыми стрелами в грудь. Царь, увидев те летящие стрелы, им выпущенные, весьма разгневанный, рассёк их острыми стрелами на много частей. Увидев то рассечение стрел, сын Бхараты, губитель вражеских героев, чрезвычайно разгневался в сердце и тремя стрелами пронзил царя в чело — сын царя, именуемый Пушкалой. Вонзившиеся там, они сияли — не вершины ли то Трикуты? Измученный теми стрелами, царь, исполненный великого гнева, поразил девятью стрелами героя Пушкалу в сердце. Теми телячьими зубьями во множестве измучен сын Бхараты; словно разгневанные ядовитые змеи, стояли они в его теле. Обретший высший гнев, Пушкала снова быстро пронзил царя сотней острых стрел. Теми стрелами рассечён доспех, венец вместе со шлемом, колесница и великий лук с тетивою. Охваченный гневом, залитый кровью, с телом, пронзённым стрелами, взойдя на другую колесницу, пошёл он к сыну Бхараты: „Блажен ты, о герой, о шмель у лотосных стоп Рамы; великое дело совершено тобою ныне — что я лишён колесницы. Береги жизнь, о герой, ныне, когда я сражаюсь; не легко достижимы твои жизни, когда я стою [здесь] в облике Времени“. Сказав так, искусный в оружии разил он бесчисленными стрелами. На земле и в сторонах света ничего, кроме его стрел, не было видно там; многие тысячи слонов пронзены, кони — со всех сторон. Колесницы с колесничими рассечены, разбиты надвое; потоки крови текли реками на поле битвы.»
9e5b0e1c5be9 · published Sep 3, 2026, 4:13:47 AM UTC
Available inRUPage between verses with
Царь смеётся над мальчиком и тут же получает двадцать стрел в грудь. А проиграв колесницу, он не бранится — называет противника блаженным и шмелём у стоп Рамы. Похвала врагу здесь идёт впереди угрозы, и обе сказаны всерьёз.