वैशाखे विधिना स्नानद्वयं नद्यादिके बहिः । हविष्यं ब्रह्मचर्यं च भूशय्या नियमस्थितिः
व्रतं दानं जपो होमो मधुसूदनपूजनम् । अपि जन्मसहस्रोत्थं पापं दहति दारुणम्
यथैव माधवो ध्यातो विनाशयति किल्विषम् । तथैव माधवे स्नानं नियमेन विनिर्मितम्
तीर्थे चानुदिनं स्नानं तिलैश्च पितृतर्पणम् । दानं धर्मघटादीनां मधुसूदनपूजनम्
माधवे मासि कुर्वीत मधुसूदनतुष्टिदम् । तिलोदकसुवर्णान्नशर्कराम्बरभूषणम्
पादत्राणातपत्राम्बुकुम्भान्दद्याद् द्विजातिषु । त्रिसन्ध्यं पूजयेदीशं भक्तितो मधुसूदनम्
साक्षाद्विमलया लक्ष्म्या समुपेतं समाहितः । सुवर्णतिलपात्रैश्च ब्राह्मणाञ्छक्तितो बहून्
तर्पयेदुदपात्रैर्यो ब्रह्महत्यां व्यपोहति । वैशाखे मासि यः स्नात्वा प्रातर्नद्यां समाहितः
पूजयित्वा हरिं भक्त्या पुष्पैः कालोद्भवैः फलैः । पूजयेद्ब्राह्मणं शक्त्या पाखण्डालापवर्जितः
तर्पयेद्वस्त्रगोदानै रत्नाद्यैर्धनसञ्चयैः । अन्यद्वित्तं यथाशक्ति स्तोकं स्तोकं समाचरेत्
पश्चाद्विनिःस्वः पुरुषो माधवे मासि माधवम् । पुष्पार्चनविधानेन पूजयेन्मधुसूदनम्
सर्वपापविनिर्मुक्तः पितॄणां तारयेच्छतम् । स जन्मशतसाहस्रं न शोकफलभाग्भवेत्
न च व्याधिभयं तस्य न दारिद्र्यं न बन्धनम् । स विष्णुभक्तो जायेत धन्यो जन्मनि जन्मनि
यावद्युगसहस्राणि शतमष्टोत्तरं भवेत् । तावत्स्वर्गे वसेद्वीर भूपतिश्च पुनर्भवेत्
भूपते विविधान्भोगान्भुक्त्वा चैव यथासुखम् । माधवस्य प्रसादेन माधवे लीयते ततः
vaiśākhe vidhinā snānadvayaṃ nadyādike bahiḥ | haviṣyaṃ brahmacaryaṃ ca bhūśayyā niyamasthitiḥ
vrataṃ dānaṃ japo homo madhusūdanapūjanam | api janmasahasrotthaṃ pāpaṃ dahati dāruṇam
yathaiva mādhavo dhyāto vināśayati kilviṣam | tathaiva mādhave snānaṃ niyamena vinirmitam
tīrthe cānudinaṃ snānaṃ tilaiśca pitṛtarpaṇam | dānaṃ dharmaghaṭādīnāṃ madhusūdanapūjanam
mādhave māsi kurvīta madhusūdanatuṣṭidam | tilodakasuvarṇānnaśarkarāmbarabhūṣaṇam
pādatrāṇātapatrāmbukumbhāndadyād dvijātiṣu | trisandhyaṃ pūjayedīśaṃ bhaktito madhusūdanam
sākṣādvimalayā lakṣmyā samupetaṃ samāhitaḥ | suvarṇatilapātraiśca brāhmaṇāñchaktito bahūn
tarpayedudapātrairyo brahmahatyāṃ vyapohati | vaiśākhe māsi yaḥ snātvā prātarnadyāṃ samāhitaḥ
pūjayitvā hariṃ bhaktyā puṣpaiḥ kālodbhavaiḥ phalaiḥ | pūjayedbrāhmaṇaṃ śaktyā pākhaṇḍālāpavarjitaḥ
tarpayedvastragodānai ratnādyairdhanasañcayaiḥ | anyadvittaṃ yathāśakti stokaṃ stokaṃ samācaret
paścādviniḥsvaḥ puruṣo mādhave māsi mādhavam | puṣpārcanavidhānena pūjayenmadhusūdanam
sarvapāpavinirmuktaḥ pitṝṇāṃ tārayecchatam | sa janmaśatasāhasraṃ na śokaphalabhāgbhavet
na ca vyādhibhayaṃ tasya na dāridryaṃ na bandhanam | sa viṣṇubhakto jāyeta dhanyo janmani janmani
yāvadyugasahasrāṇi śatamaṣṭottaraṃ bhavet | tāvatsvarge vasedvīra bhūpatiśca punarbhavet
bhūpate vividhānbhogānbhuktvā caiva yathāsukham | mādhavasya prasādena mādhave līyate tataḥ
«„В вайшакхе по уставу двоякое омовение — в реке и прочем, вне дома; жертвенная пища и воздержание, ложе на земле, пребывание в обете; обет, дар, повторение, возлияние, поклонение Убийце Мадху — и жестокий грех, рождённый тысячею рождений, сжигает. Как именно созерцаемый Мадхава уничтожает скверну, так же и омовение в мадхаве, совершённое с обетом. Ежедневное омовение в тиртхе, возлияние предкам с кунжутом, дарение кувшинов дхармы и прочего, поклонение Убийце Мадху — в месяце мадхаве да совершает он дающее радость Убийце Мадху. Кунжут, воду, золото, пищу, сахар, одежды, украшения, обувь, зонт, воду и кувшины да подаст он дваждырождённым; в три сумерек да чтит владыку с преданностью — Убийцу Мадху, сущего воочию с чистою Лакшми, сосредоточенный. И сосудами с золотом и кунжутом многих брахманов по силе — кто насыщает сосудами с водою, тот отвращает убийство брахмана. Кто в месяце вайшакхе, омывшись поутру в реке, сосредоточенный, почтив Хари с преданностью цветами и плодами по времени года, да почтит брахмана по силе, избегая речей еретиков; да насытит дарами одежд и коров, самоцветами и грудами богатства; иное достояние по силе, понемногу, понемногу да совершает. Затем неимущий человек в месяце мадхаве да почтит Мадхаву, Убийцу Мадху, уставом поклонения цветами: свободный от всех грехов, сотню предков да переправит; он сотню тысяч рождений не станет причастен плоду скорби. И нет у него страха болезни, ни бедности, ни оков; он рождается преданным Вишну, счастливым из рождения в рождение. Сколько тысяч юг — сто и восемь да будет, столько в небе да живёт, о герой, и вновь станет владыкою земли; о владыка земли, вкусив разные наслаждения как хотелось, милостью Мадхавы затем в Мадхаве растворяется“.»
88d4a79036bf · published Sep 3, 2026, 4:13:50 AM UTC
Available inRUPage between verses with
После длинного списка даров прямо оговорено, что делать неимущему: те же цветы — и тот же плод. Оговорка «понемногу, понемногу» и вовсе снимает соревнование в щедрости, оставляя от него только меру своих сил.