अत्राब्रवीज्जयां नन्दी त्वमेनं परिपालय । मणिभद्रो वीरभद्रः पुष्पदन्तश्च वीर्यवान्
दम्भनो धूमतिमिरः कूष्माण्डाद्या रणे हताः । चण्डी भृङ्गी किरीटी च महाकालश्च शृङ्खली
चण्डीशो गुप्तनेत्रश्च कालाद्याश्च हता रणे । विनायकस्य स्कन्दस्य शिरसी भ्रमता मया
दृष्टे महारणे देवि इत्युक्त्वाथ पुरोऽक्षिपत् । तच्छ्रुत्वा नन्दिनो वाक्यं शिरसी गृह्य पुत्रयोः
पार्वती विललापोच्चैः पुत्र पुत्रेति जल्पती । तारकारे कथं युद्धे हतस्त्वं सिन्धुसूनुना
त्वं हि त्रिवासरो देवैः सैनापत्येऽभिषेचितः । तदा त्वया कथं वीर तारकाख्यो निपातितः
नीलकण्ठेन किं त्यक्तो यतस्त्वं पतितो भुवि । स्नुषामुखं न दृष्टं च मया पुत्रावभाग्यया
न भोगा वत्स ते भुक्ताः संसारस्यापि येऽभवन् । तात हेरम्ब विघ्नेश लम्बोदर गजानन
रणाङ्गणे केन पुत्र सिद्धैः पूज्यो निपातितः । वाहनोऽसौ कुतो वत्स मूषकः केन हिंसितः
एवं विलपती गौरी शिवं प्राह सुदुःखितम् । साक्षाद्रुद्रोऽसि देवेश हरस्त्वं मा भयं कुरु
वृषभः क्व गतो देव हतो जालन्धरेण वै । शरजर्जरदेहस्य किं करोमि प्रियं तव
ततः श्रुत्वा वचो देव्या निःश्वस्योवाच शङ्करः । दीर्घं विनिहतौ पुत्रौ वृथा शोचसि किं प्रिये
atrābravījjayāṃ nandī tvamenaṃ paripālaya | maṇibhadro vīrabhadraḥ puṣpadantaśca vīryavān
dambhano dhūmatimiraḥ kūṣmāṇḍādyā raṇe hatāḥ | caṇḍī bhṛṅgī kirīṭī ca mahākālaśca śṛṅkhalī
caṇḍīśo guptanetraśca kālādyāśca hatā raṇe | vināyakasya skandasya śirasī bhramatā mayā
dṛṣṭe mahāraṇe devi ityuktvātha puro'kṣipat | tacchrutvā nandino vākyaṃ śirasī gṛhya putrayoḥ
pārvatī vilalāpoccaiḥ putra putreti jalpatī | tārakāre kathaṃ yuddhe hatastvaṃ sindhusūnunā
tvaṃ hi trivāsaro devaiḥ saināpatye'bhiṣecitaḥ | tadā tvayā kathaṃ vīra tārakākhyo nipātitaḥ
nīlakaṇṭhena kiṃ tyakto yatastvaṃ patito bhuvi | snuṣāmukhaṃ na dṛṣṭaṃ ca mayā putrāvabhāgyayā
na bhogā vatsa te bhuktāḥ saṃsārasyāpi ye'bhavan | tāta heramba vighneśa lambodara gajānana
raṇāṅgaṇe kena putra siddhaiḥ pūjyo nipātitaḥ | vāhano'sau kuto vatsa mūṣakaḥ kena hiṃsitaḥ
evaṃ vilapatī gaurī śivaṃ prāha suduḥkhitam | sākṣādrudro'si deveśa harastvaṃ mā bhayaṃ kuru
vṛṣabhaḥ kva gato deva hato jālandhareṇa vai | śarajarjaradehasya kiṃ karomi priyaṃ tava
tataḥ śrutvā vaco devyā niḥśvasyovāca śaṅkaraḥ | dīrghaṃ vinihatau putrau vṛthā śocasi kiṃ priye
Тут сказал Джае Нанди: «Ты береги её». — «Манибхадра, Вирабхадра и доблестный Пушпаданта, Дамбхана, Дхумитимира, Кушманда и прочие убиты в бою; Чанди, Бхринги, Кирити, Махакала, Шринкхали, Чандиша, Гуптанетра, Кала и прочие убиты в бою. А головы Винаяки и Сканды увидены мною, блуждавшим по великой битве, о богиня». Сказав так, он бросил их впереди. Услышав ту речь Нанди и взяв головы сыновей, Парвати громко зарыдала, твердя: «Сын! сын! О враг Тараки, как убит ты в битве сыном океана? Ведь трёхдневным ты был помазан богами на полководство, и тогда тобою повержен был именуемый Таракой, о витязь. Разве покинут ты был Синешеим, отчего упал на землю? Не видено мною, несчастной, и лица невестки, о два сына моих. Не вкушены тобою, дитя, и те наслаждения, что бывают в мирской жизни. О родной! Херамба! владыка препятствий! Ламбодара! Слоноликий! Кем повержен ты на поле битвы, о сын, чтимый сиддхами? Где тот твой перевоз, мышь, — кем умерщвлена она?» Так рыдающая Гаури сказала весьма опечаленному Шиве: «Ты воочию Рудра, о владыка богов, ты Хара — не страшись. Куда ушёл бык, о бог? Убит Джаландхарой? Что мне сделать приятное тебе, у кого тело истерзано стрелами?» Затем, услышав слово богини, Шанкара, долго вздохнув, сказал: «Что ты напрасно скорбишь об убитых, о милая?»
f4c2c8abe063 · published Sep 3, 2026, 4:13:52 AM UTC
Available inRUPage between verses with
Плач матери перечисляет несбывшееся, а не утраченное: не видела лица невестки, не успел он вкусить и обычных мирских радостей. И в самом конце она спрашивает про мышку — ту же, о которой плакал сам Ганеша. Скорбь её точна и вся в мелочах, потому и подлинна. А тот, кто устроил это горе, стоит рядом и вздыхает.