ऋषय ऊचुः
तच्छ्रुत्वा देवदेवस्य भाषितं ब्रह्मणः सुताः । अनादिनिधनं देवं स्तोतुं तत्र प्रचक्रमुः
नमो भूतात्मभूताय आत्मने परमात्मने । अच्युताय नमो नित्यमनन्ताय नमोनमः
दामोदराय कवये यज्ञेशाय नमोनमः
एवं स्तुतस्तु ऋषिभिस्तुतोष भगवान्हरिः । प्रत्युवाच महर्षींस्तानभीष्टं किं ददामि वः
यदि तुष्टोऽसि भगवन्नस्माकं हितकाम्यया । व्रतं किंचित्समाख्याहि स्वर्गमोक्षफलप्रदम्
धनधान्यप्रदं पुण्यमात्मनस्तुष्टिकारकम् । अल्पायासं बहुफलं व्रतानामुत्तमं व्रतम् ॥ कृतेन येन देवेश विष्णुलोके महीयते
फाल्गुने शुक्लपक्षे तु पुष्येण द्वादशी यदि । भवेत्सा च महापुण्या महापातकनाशिनी
विशेषस्तत्र कर्त्तव्यः शृणुध्वं द्विजसत्तमाः । आमलकी च संप्राप्य जागरं तत्र कारयेत्
सर्वपापविनिर्मुक्तो गोसहस्रफलं लभेत् । एतद्वः कथितं विप्रा व्रतानां व्रतमुत्तमम् ॥ अर्चयित्वाच्युतं तस्यां विष्णुलोकान्न मुच्यते
व्रतस्यास्य विधिं ब्रूहि परिपूर्णं कथं भवेत् । कथं दानं कथं स्नानं कश्च पूजाविधिः स्मृतः ॥ अर्घ्यार्चनस्य मन्त्रं तु कथयस्व यथातथम्
श्रूयतां यो विधिः सम्यग्व्रतस्यास्य द्विजर्षभाः । एकादश्यां निराहारः स्थित्वा चैव परेऽहनि
भोक्ष्येऽहं पुण्डरीकाक्ष शरणं मे भवाच्युत । इति कृत्वा तु नियमं दन्तधावनपूर्वकम्
tacchrutvā devadevasya bhāṣitaṃ brahmaṇaḥ sutāḥ | anādinidhanaṃ devaṃ stotuṃ tatra pracakramuḥ
namo bhūtātmabhūtāya ātmane paramātmane | acyutāya namo nityamanantāya namonamaḥ
dāmodarāya kavaye yajñeśāya namonamaḥ
evaṃ stutastu ṛṣibhistutoṣa bhagavānhariḥ | pratyuvāca maharṣīṃstānabhīṣṭaṃ kiṃ dadāmi vaḥ
yadi tuṣṭo'si bhagavannasmākaṃ hitakāmyayā | vrataṃ kiṃcitsamākhyāhi svargamokṣaphalapradam
dhanadhānyapradaṃ puṇyamātmanastuṣṭikārakam | alpāyāsaṃ bahuphalaṃ vratānāmuttamaṃ vratam || kṛtena yena deveśa viṣṇuloke mahīyate
phālgune śuklapakṣe tu puṣyeṇa dvādaśī yadi | bhavetsā ca mahāpuṇyā mahāpātakanāśinī
viśeṣastatra karttavyaḥ śṛṇudhvaṃ dvijasattamāḥ | āmalakī ca saṃprāpya jāgaraṃ tatra kārayet
sarvapāpavinirmukto gosahasraphalaṃ labhet | etadvaḥ kathitaṃ viprā vratānāṃ vratamuttamam || arcayitvācyutaṃ tasyāṃ viṣṇulokānna mucyate
vratasyāsya vidhiṃ brūhi paripūrṇaṃ kathaṃ bhavet | kathaṃ dānaṃ kathaṃ snānaṃ kaśca pūjāvidhiḥ smṛtaḥ || arghyārcanasya mantraṃ tu kathayasva yathātatham
śrūyatāṃ yo vidhiḥ samyagvratasyāsya dvijarṣabhāḥ | ekādaśyāṃ nirāhāraḥ sthitvā caiva pare'hani
bhokṣye'haṃ puṇḍarīkākṣa śaraṇaṃ me bhavācyuta | iti kṛtvā tu niyamaṃ dantadhāvanapūrvakam
Услышав то сказанное богом богов, сыновья Брахмы принялись восхвалять там безначального и бесконечного бога: «Поклон Ставшему душою существ, Душе, Высшему Духу; поклон вечно Ачьюте, поклон, поклон Бесконечному; Дамодаре, Провидцу, Владыке жертвы поклон, поклон». Так восхваляемый мудрецами, Владыка Хари был доволен и ответил тем великим мудрецам: «Что желанного дам вам?» — «Если ты доволен, о владыка, ради нашего блага поведай какой-нибудь обет, дающий плодом небо и освобождение, дающий богатство и зерно, благой, дающий удовлетворение душе, малотрудный и многоплодный, наилучший из обетов, — совершив который, о владыка богов, человек величается в мире Вишну». — «Если в пхальгуну, в светлую половину, двенадцатый день придётся с накшатрой Пушья, то он весьма благ и уничтожает великие грехи. Особое надлежит совершить там; слушайте, о лучшие из дваждырождённых: найдя амалаки, пусть устроит там бдение — и, свободный от всех грехов, обретёт плод тысячи коров. Это рассказано вам, о брахманы, — наилучший из обетов; почтив в него Ачьюту, человек не уходит из мира Вишну». — «Скажи устав этого обета: как станет он полным? Каково даяние, каково омовение и каков устав почитания? Скажи как есть и мантру почитания аргхьей». — «Да будет услышан надлежащий устав этого обета, о быки среди дваждырождённых. В одиннадцатый день, пробыв без пищи, на следующий день — со словами: „Вкушу я, о Лотосоокий; будь мне прибежищем, о Ачьюта“, — совершив так обетное правило, предваряемое чисткою зубов…»
1c6ca951cf75 · published Sep 3, 2026, 4:13:54 AM UTC
Available inRUPage between verses with
Мудрецы просят обет, где сказано вслух то, что обычно подразумевают: «малотрудный и многоплодный». Просьба не о подвиге, а о посильном, и Господь не поправляет их. Ответом становится день, привязанный к дереву, которое и так растёт рядом. И слова, которыми принимается обет, обращены не к заслуге, а к завтрашнему дню: «вкушу я — будь мне прибежищем».