ऋषिमध्ये स तेजस्वी प्रजापतिर् इवापरः । सृजन् दक्षिणमार्गस्थान् सप्तर्षीन् अपरान् पुनः ॥
नक्षत्रमालाम् अपराम् असृजत् क्रोधमूर्छितः । दक्षिणां दिशम् आस्थाय मुनिमध्ये महायशाः ॥
सृष्ट्वा नक्षत्रवंशं च क्रोधेन कलुषीकृतः । अन्यम् इन्द्रं करिष्यामि लोको वा स्याद् अनिन्द्रकः । दैवतान्य् अपि स क्रोधात् स्रष्टुं समुपचक्रमे ॥
ततः परमसंभ्रान्ताः सर्षिसंघाः सुरर्षभाः । विश्वामित्रं महात्मानम् ऊचुः सानुनयं वचः ॥
अयं राजा महाभाग गुरुशापपरिक्षतः । सशरीरो दिवं यातुं नार्हत्य् एव तपोधन ॥
तेषां तद्वचनं श्रुत्वा देवानां मुनिपुंगवः । अब्रवीत् सुमहद् वाक्यं कौशिकः सर्वदेवताः ॥
सशरीरस्य भद्रं वस् त्रिशङ्कोर् अस्य भूपतेः । आरोहणं प्रतिज्ञाय नानृतं कर्तुम् उत्सहे ॥
सर्गो ऽस्तु सशरीरस्य त्रिशङ्कोर् अस्य शाश्वतः । नक्षत्राणि च सर्वाणि मामकानि ध्रुवाण्य् अथ ॥
यावल् लोका धरिष्यन्ति तिष्ठन्त्व् एतानि सर्वशः । मत्कृतानि सुराः सर्वे तद् अनुज्ञातुम् अर्हथ ॥
एवम् उक्ताः सुराः सर्वे प्रत्यूचुर् मुनिपुंगवम् ॥
एवं भवतु भद्रं ते तिष्ठन्त्व् एतानि सर्वशः । गगने तान्य् अनेकानि वैश्वानरपथाद् बहिः ॥
नक्षत्राणि मुनिश्रेष्ठ तेषु ज्योतिःषु जाज्वलन् । अवाक्शिरास् त्रिशङ्कुश् च तिष्ठत्व् अमरसंनिभः ॥
विश्वामित्रस् तु धर्मात्मा सर्वदेवैर् अभिष्टुतः । ऋषिभिश् च महातेजा बाढम् इत्य् आह देवताः ॥
ततो देवा महात्मानो मुनयश् च तपोधनाः । जग्मुर् यथागतं सर्वे यज्ञस्यान्ते नरोत्तम ॥
ṛṣimadhye sa tejasvī prajāpatir ivāparaḥ | sṛjan dakṣiṇamārgasthān saptarṣīn aparān punaḥ ||
nakṣatramālām aparām asṛjat krodhamūrchitaḥ | dakṣiṇāṃ diśam āsthāya munimadhye mahāyaśāḥ ||
sṛṣṭvā nakṣatravaṃśaṃ ca krodhena kaluṣīkṛtaḥ | anyam indraṃ kariṣyāmi loko vā syād anindrakaḥ | daivatāny api sa krodhāt sraṣṭuṃ samupacakrame ||
tataḥ paramasaṃbhrāntāḥ sarṣisaṃghāḥ surarṣabhāḥ | viśvāmitraṃ mahātmānam ūcuḥ sānunayaṃ vacaḥ ||
ayaṃ rājā mahābhāga guruśāpaparikṣataḥ | saśarīro divaṃ yātuṃ nārhaty eva tapodhana ||
teṣāṃ tadvacanaṃ śrutvā devānāṃ munipuṃgavaḥ | abravīt sumahad vākyaṃ kauśikaḥ sarvadevatāḥ ||
saśarīrasya bhadraṃ vas triśaṅkor asya bhūpateḥ | ārohaṇaṃ pratijñāya nānṛtaṃ kartum utsahe ||
sargo 'stu saśarīrasya triśaṅkor asya śāśvataḥ | nakṣatrāṇi ca sarvāṇi māmakāni dhruvāṇy atha ||
yāval lokā dhariṣyanti tiṣṭhantv etāni sarvaśaḥ | matkṛtāni surāḥ sarve tad anujñātum arhatha ||
evam uktāḥ surāḥ sarve pratyūcur munipuṃgavam ||
evaṃ bhavatu bhadraṃ te tiṣṭhantv etāni sarvaśaḥ | gagane tāny anekāni vaiśvānarapathād bahiḥ ||
nakṣatrāṇi muniśreṣṭha teṣu jyotiḥṣu jājvalan | avākśirās triśaṅkuś ca tiṣṭhatv amarasaṃnibhaḥ ||
viśvāmitras tu dharmātmā sarvadevair abhiṣṭutaḥ | ṛṣibhiś ca mahātejā bāḍham ity āha devatāḥ ||
tato devā mahātmāno munayaś ca tapodhanāḥ | jagmur yathāgataṃ sarve yajñasyānte narottama ||
Среди риши могущественный Вишвамитра, словно иной Праджапати, снова стал создавать других Саптарши, расположенных на южном пути. Охваченный гневом, великославный мудрец, обратившись к южной стороне, создал другой ряд созвездий. Создав род звёзд и помрачённый гневом, он сказал: «Я создам другого Индру, или мир будет без Индры», — и в ярости начал создавать даже новых богов. Тогда лучшие из богов, крайне встревоженные и сопровождаемые сонмами риши, умоляюще сказали великодушному Вишвамитре: «О великодостойный, этот царь поражён проклятием гуру и потому не достоин телесно идти на небо, о богатый тапасом». Услышав слова богов, лучший из муни Каушика сказал всем божествам великое слово: «Благо вам. Я пообещал восхождение этого земного царя Тришанку в теле и не могу сделать это ложью. Пусть для этого телесного Тришанку будет вечное творение. Пусть все созданные мной звёзды будут неподвижны. О боги, пока существуют миры, пусть всё созданное мной пребывает; будьте добры, одобрите это». Когда он сказал так, все боги ответили лучшему из муни: «Да будет так, благо тебе. Пусть все эти многочисленные звёзды пребывают в небе за пределами пути Вайшванары. О лучший из муни, среди этих светил пусть Тришанку, сияя, пребывает головой вниз, подобный бессмертному». Праведный великосияющий Вишвамитра, восхвалённый всеми богами и риши, ответил божествам: «Хорошо». Затем, о лучший из людей, по завершении жертвы великодушные боги и богатые тапасом мудрецы все ушли обратно своим путём.
b2aa24f8f8c6 · published Jun 22, 2026, 12:00:00 AM UTC
Available inRUPage between verses with
Вишвамитра доходит до границы творческой силы: ради обещания он готов создать новых риши, новые звёзды и даже нового Индру. Компромисс с богами сохраняет и его слово, и небесный порядок: Тришанку остаётся в особом небе, но его перевёрнутое положение напоминает о напряжении между обетом, проклятием и космической дхармой.