दूतवाक्यं तु तच् छ्रुत्वा राजा परमहर्षितः । वसिष्ठं वामदेवं च मन्त्रिणो ऽन्यांश् च सो ऽब्रवीत् ॥
गुप्तः कुशिकपुत्रेण कौसल्यानन्दवर्धनः । लक्ष्मणेन सह भ्रात्रा विदेहेषु वसत्य् असौ ॥
दृष्टवीर्यस् तु काकुत्स्थो जनकेन महात्मना । संप्रदानं सुतायास् तु राघवे कर्तुम् इच्छति ॥
यदि वो रोचते वृत्तं जनकस्य महात्मनः । पुरीं गच्छामहे शीघ्रं मा भूत् कालस्य पर्ययः ॥
मन्त्रिणो बाढम् इत्य् आहुः सह सर्वैर् महर्षिभिः । सुप्रीतश् चाब्रवीद् राजा श्वो यात्रेति स मन्त्रिणः ॥
मन्त्रिणस् तु नरेन्द्रस्य रात्रिं परमसत्कृताः । ऊषुः प्रमुदिताः सर्वे गुणैः सर्वैः समन्विताः ॥
dūtavākyaṃ tu tac chrutvā rājā paramaharṣitaḥ | vasiṣṭhaṃ vāmadevaṃ ca mantriṇo 'nyāṃś ca so 'bravīt ||
guptaḥ kuśikaputreṇa kausalyānandavardhanaḥ | lakṣmaṇena saha bhrātrā videheṣu vasaty asau ||
dṛṣṭavīryas tu kākutstho janakena mahātmanā | saṃpradānaṃ sutāyās tu rāghave kartum icchati ||
yadi vo rocate vṛttaṃ janakasya mahātmanaḥ | purīṃ gacchāmahe śīghraṃ mā bhūt kālasya paryayaḥ ||
mantriṇo bāḍham ity āhuḥ saha sarvair maharṣibhiḥ | suprītaś cābravīd rājā śvo yātreti sa mantriṇaḥ ||
mantriṇas tu narendrasya rātriṃ paramasatkṛtāḥ | ūṣuḥ pramuditāḥ sarve guṇaiḥ sarvaiḥ samanvitāḥ ||
Услышав эту весть послов, царь чрезвычайно обрадовался и сказал Васиштхе, Вамадеве и другим министрам: «Радость Каушальи, защищённый сыном Кушики, вместе со своим братом Лакшманой пребывает у видехов. Великодушный Джанака увидел доблесть Какутстхи и желает выдать свою дочь Рагхаве. Если дело великодушного Джанаки кажется вам правильным, скорее отправимся в его город, чтобы не было промедления». Министры вместе со всеми махарши ответили: «Хорошо». Тогда довольный царь сказал своим советникам: «Завтра выезд». Министры владыки людей, высоко почтённые, радостные и наделённые всеми достоинствами, провели эту ночь.
ffbcddd57145 · published Jun 22, 2026, 12:00:00 AM UTC
Available inRUPage between verses with
Радость Дашаратхи соединена с советом мудрецов и министров: даже желанная новость проходит через собрание старших. Так будущий брак Рамы и Ситы продолжает оформляться как дело дхармы, рода и царского согласия.