यथाक्रमेण शपसि वरं मम ददासि च । तच् छृण्वन्तु त्रयस्त्रिंशद् देवाः सेन्द्रपुरोगमाः ॥
चन्द्रादित्यौ नभश् चैव ग्रहा रात्र्यहनी दिशः । जगच् च पृथिवी चैव सगन्धर्वा सराक्षसा ॥
निशाचराणि भूतानि गृहेषु गृहदेवताः । यानि चान्यानि भूतानि जानीयुर् भाषितं तव ॥
सत्यसंधो महातेजा धर्मज्ञः सुसमाहितः । वरं मम ददात्य् एष तन् मे शृण्वन्तु देवताः ॥
इति देवी महेष्वासं परिगृह्याभिशस्य च । ततः परम् उवाचेदं वरदं काममोहितम् ॥
वरौ यौ मे त्वया देव तदा दत्तौ महीपते । तौ तावद् अहम् अद्यैव वक्ष्यामि शृणु मे वचः ॥
अभिषेक समारम्भो राघवस्योपकल्पितः । अनेनैवाभिषेकेण भरतो मे ऽभिषिच्यताम् ॥
नव पञ्च च वर्षाणि दण्डकारण्यम् आश्रितः । चीराजिनजटाधारी रामो भवतु तापसः ॥
भरतो भजताम् अद्य यौवराज्यम् अकण्टकम् । अद्य चैव हि पश्येयं प्रयान्तं राघवं वने ॥
yathākrameṇa śapasi varaṃ mama dadāsi ca | tac chṛṇvantu trayastriṃśad devāḥ sendrapurogamāḥ ||
candrādityau nabhaś caiva grahā rātryahanī diśaḥ | jagac ca pṛthivī caiva sagandharvā sarākṣasā ||
niśācarāṇi bhūtāni gṛheṣu gṛhadevatāḥ | yāni cānyāni bhūtāni jānīyur bhāṣitaṃ tava ||
satyasaṃdho mahātejā dharmajñaḥ susamāhitaḥ | varaṃ mama dadāty eṣa tan me śṛṇvantu devatāḥ ||
iti devī maheṣvāsaṃ parigṛhyābhiśasya ca | tataḥ param uvācedaṃ varadaṃ kāmamohitam ||
varau yau me tvayā deva tadā dattau mahīpate | tau tāvad aham adyaiva vakṣyāmi śṛṇu me vacaḥ ||
abhiṣeka samārambho rāghavasyopakalpitaḥ | anenaivābhiṣekeṇa bharato me 'bhiṣicyatām ||
nava pañca ca varṣāṇi daṇḍakāraṇyam āśritaḥ | cīrājinajaṭādhārī rāmo bhavatu tāpasaḥ ||
bharato bhajatām adya yauvarājyam akaṇṭakam | adya caiva hi paśyeyaṃ prayāntaṃ rāghavaṃ vane ||
Кайкейи сказала: «Ты клянёшься надлежащим образом и даруешь мне дар; пусть это услышат тридцать три бога с Индрой во главе. Пусть услышат луна и солнце, небо, планеты, ночь и день, стороны света, мир и земля вместе с гандхарвами и ракшасами; пусть ночные существа, домашние божества и все другие существа знают твоё слово. Этот верный истине, великосияющий, знающий дхарму и собранный царь даёт мне дар: пусть это услышат божества». Так царица связала великого лучника клятвой и затем сказала дарителю, омрачённому любовью: «О владыка земли, те два дара, которые ты тогда дал мне, я назову именно сегодня. Слушай моё слово. Подготовлен обряд помазания Рагхавы; этим же помазанием пусть будет помазан мой Бхарата. Пусть Рама на девять и пять лет уйдёт в лес Дандака и станет аскетом, носящим луб, шкуру и спутанные волосы. Пусть Бхарата сегодня получит наследную власть без препятствий, а я сегодня же увижу Рагхаву, отправляющегося в лес».
8bdac2b3fa03 · published Jun 22, 2026, 12:00:00 AM UTC
Available inRUPage between verses with
Кайкейи превращает личное обещание в публично засвидетельствованную клятву, призывая весь космос как свидетеля. Её просьба точна и беспощадна: то же помазание, что готовилось для Рамы, должно перейти к Бхарате, а Рама должен уйти немедленно.