ये त्व् अग्रतो नरेन्द्रस्य अग्न्य् अगाराद् बहिष्कृताः । ऋत्विग्भिर् याजकैश् चैव ते ह्रियन्ते यथाविधि ॥
शिबिलायाम् अथारोप्य राजानं गतचेतनम् । बाष्पकण्ठा विमनसस् तम् ऊहुः परिचारकाः ॥
हिरण्यं च सुवर्णं च वासांसि विविधानि च । प्रकिरन्तो जना मार्गं नृपतेर् अग्रतो ययुः ॥
चन्दनागुरुनिर्यासान् सरलं पद्मकं तथा । देवदारूणि चाहृत्य चितां चक्रुस् तथापरे ॥
गन्धान् उच्चावचांश् चान्यांस् तत्र दत्त्वाथ भूमिपम् । ततः संवेशयाम् आसुश् चितामध्ये तम् ऋत्विजः ॥
तथा हुताशनं हुत्वा जेपुस् तस्य तदर्त्विजः । जगुश् च ते यथाशास्त्रं तत्र सामानि सामगाः ॥
शिबिकाभिश् च यानैश् च यथार्हं तस्य योषितः । नगरान् निर्ययुस् तत्र वृद्धैः परिवृतास् तदा ॥
प्रसव्यं चापि तं चक्रुर् ऋत्विजो ऽग्निचितं नृपम् । स्त्रियश् च शोकसंतप्ताः कौसल्या प्रमुखास् तदा ॥
क्रौञ्चीनाम् इव नारीणां निनादस् तत्र शुश्रुवे । आर्तानां करुणं काले क्रोशन्तीनां सहस्रशः ॥
ततो रुदन्त्यो विवशा विलप्य च पुनः पुनः । यानेभ्यः सरयूतीरम् अवतेरुर् वराङ्गनाः ॥
कृतोदकं ते भरतेन सार्धं; नृपाङ्गना मन्त्रिपुरोहिताश् च । पुरं प्रविश्याश्रुपरीतनेत्रा; भूमौ दशाहं व्यनयन्त दुःखम् ॥
ye tv agrato narendrasya agny agārād bahiṣkṛtāḥ | ṛtvigbhir yājakaiś caiva te hriyante yathāvidhi ||
śibilāyām athāropya rājānaṃ gatacetanam | bāṣpakaṇṭhā vimanasas tam ūhuḥ paricārakāḥ ||
hiraṇyaṃ ca suvarṇaṃ ca vāsāṃsi vividhāni ca | prakiranto janā mārgaṃ nṛpater agrato yayuḥ ||
candanāguruniryāsān saralaṃ padmakaṃ tathā | devadārūṇi cāhṛtya citāṃ cakrus tathāpare ||
gandhān uccāvacāṃś cānyāṃs tatra dattvātha bhūmipam | tataḥ saṃveśayām āsuś citāmadhye tam ṛtvijaḥ ||
tathā hutāśanaṃ hutvā jepus tasya tadartvijaḥ | jaguś ca te yathāśāstraṃ tatra sāmāni sāmagāḥ ||
śibikābhiś ca yānaiś ca yathārhaṃ tasya yoṣitaḥ | nagarān niryayus tatra vṛddhaiḥ parivṛtās tadā ||
prasavyaṃ cāpi taṃ cakrur ṛtvijo 'gnicitaṃ nṛpam | striyaś ca śokasaṃtaptāḥ kausalyā pramukhās tadā ||
krauñcīnām iva nārīṇāṃ ninādas tatra śuśruve | ārtānāṃ karuṇaṃ kāle krośantīnāṃ sahasraśaḥ ||
tato rudantyo vivaśā vilapya ca punaḥ punaḥ | yānebhyaḥ sarayūtīram avaterur varāṅganāḥ ||
kṛtodakaṃ te bharatena sārdhaṃ; nṛpāṅganā mantripurohitāś ca | puraṃ praviśyāśruparītanetrā; bhūmau daśāhaṃ vyanayanta duḥkham ||
Огни, вынесенные из огненного помещения перед царём, ритвики и совершающие жертву понесли по правилу. Затем безжизненного царя положили на носилки; слуги, сдавленные слезами и подавленные, понесли его. Люди шли впереди владыки, рассыпая по дороге золото, чистое золото и разные одежды. Другие принесли сандал, агару, смолы, саралу, падмаку и деодаровую древесину и сложили погребальный костёр. Возложив там разные благовония, ритвики положили владыку земли посреди костра. Затем, совершив возлияния в огонь, жрецы произносили для него мантры, а певцы Самы пели там саманы согласно шастре. Жёны царя, окружённые старцами, выехали из города на паланкинах и повозках, как подобало. Ритвики и женщины, измученные скорбью, с Каушальей во главе, совершили обрядовый левосторонний обход царя, возложенного на огонь. Там слышался жалобный крик тысяч страдающих женщин, вопящих словно журавлицы. Затем прекрасные женщины, беспомощные и рыдающие, снова и снова причитали и сошли с повозок на берег Сараю. Совершив водный обряд вместе с Бхаратой, царские женщины, министры и пурохиты вернулись в город со слезами в глазах и десять дней проводили горе на земле.
9d1341232623 · published Jun 22, 2026, 12:00:00 AM UTC
Available inRUPage between verses with
Обряд описан подробно: огни, дерево, мантры, саманы, обход и водное приношение. Так личная утрата Дашаратхи становится событием всего царства; правильное совершение обряда удерживает порядок даже тогда, когда сердце Айодхьи разбито.