अथोवाच पुनर् वाक्यं विराधः पूरयन् वनम् । आत्मानं पृच्छते ब्रूतं कौ युवां क्व गमिष्यथः ॥
तम् उवाच ततो रामो राक्षसं ज्वलिताननम् । पृच्छन्तं सुमहातेजा इक्ष्वाकुकुलम् आत्मनः ॥
क्षत्रियो वृत्तसंपन्नौ विद्धि नौ वनगोचरौ । त्वां तु वेदितुम् इच्छावः कस् त्वं चरसि दण्डकान् ॥
तम् उवाच विराधस् तु रामं सत्यपराक्रमम् । हन्त वक्ष्यामि ते राजन् निबोध मम राघव ॥
पुत्रः किल जयस्याहं माता मम शतह्रदा । विराध इति माम् आहुः पृथिव्यां सर्वराक्षसाः ॥
तपसा चापि मे प्राप्ता ब्रह्मणो हि प्रसादजा । शस्त्रेणावध्यता लोके ऽच्छेद्याभेद्यत्वम् एव च ॥
उत्सृज्य प्रमदाम् एनाम् अनपेक्षौ यथागतम् । त्वरमाणौ पालयेथां न वां जीवितम् आददे ॥
athovāca punar vākyaṃ virādhaḥ pūrayan vanam | ātmānaṃ pṛcchate brūtaṃ kau yuvāṃ kva gamiṣyathaḥ ||
tam uvāca tato rāmo rākṣasaṃ jvalitānanam | pṛcchantaṃ sumahātejā ikṣvākukulam ātmanaḥ ||
kṣatriyo vṛttasaṃpannau viddhi nau vanagocarau | tvāṃ tu veditum icchāvaḥ kas tvaṃ carasi daṇḍakān ||
tam uvāca virādhas tu rāmaṃ satyaparākramam | hanta vakṣyāmi te rājan nibodha mama rāghava ||
putraḥ kila jayasyāhaṃ mātā mama śatahradā | virādha iti mām āhuḥ pṛthivyāṃ sarvarākṣasāḥ ||
tapasā cāpi me prāptā brahmaṇo hi prasādajā | śastreṇāvadhyatā loke 'cchedyābhedyatvam eva ca ||
utsṛjya pramadām enām anapekṣau yathāgatam | tvaramāṇau pālayethāṃ na vāṃ jīvitam ādade ||
Затем Вирадха снова произнёс речь, оглашая лес: «Вы спрашиваете обо мне; скажите, кто вы двое и куда направляетесь». Тогда великосияющий Рама ответил огнелицему ракшасу, спрашивавшему о его роде Икшваку: «Знай, что мы два кшатрия, наделённые достойным поведением, странствующие по лесу. А тебя мы хотим узнать: кто ты, бродящий по Дандаке?» Вирадха сказал Раме, истинно доблестному: «Итак, о царь, я расскажу тебе; выслушай обо мне, о Рагхава. Я, как говорят, сын Джаи; моя мать — Шатахрада. Все ракшасы на земле называют меня Вирадхой. Подвижничеством я обрёл милость Брахмы: в мире меня нельзя убить оружием, нельзя рассечь и пробить. Отпустите эту женщину и без оглядки бегите обратно своим путём; иначе я отниму вашу жизнь».
c5e949432fb5 · published Jun 22, 2026, 12:00:00 AM UTC
Available inRUPage between verses with
Вирадха полагается на дар неуязвимости и потому говорит как хозяин леса. Но его защита от оружия не является защитой от дхармы: сила, полученная аскезой, стала у него прикрытием насилия.