तस्य भार्यां जनस्थानात् सीतां सुरसुतोपमाम् । आनयिष्यामि विक्रम्य सहायस् तत्र मे भव ॥
त्वया ह्य् अहं सहायेन पार्श्वस्थेन महाबल । भ्रातृभिश् च सुरान् युद्धे समग्रान् नाभिचिन्तये ॥
तत् सहायो भव त्वं मे समर्थो ह्य् असि राक्षस । वीर्ये युद्धे च दर्पे च न ह्य् अस्ति सदृशस् तव ॥
एतदर्थम् अहं प्राप्तस् त्वत्समीपं निशाचर । शृणु तत् कर्म साहाय्ये यत् कार्यं वचनान् मम ॥
सौवर्णस् त्वं मृगो भूत्वा चित्रो रजतबिन्दुभिः । आश्रमे तस्य रामस्य सीतायाः प्रमुखे चर ॥
त्वां तु निःसंशयं सीता दृष्ट्वा तु मृगरूपिणम् । गृह्यताम् इति भर्तारं लक्ष्मणं चाभिधास्यति ॥
ततस् तयोर् अपाये तु शून्ये सीतां यथासुखम् । निराबाधो हरिष्यामि राहुश् चन्द्रप्रभाम् इव ॥
ततः पश्चात् सुखं रामे भार्याहरणकर्शिते । विस्रब्धं प्रहरिष्यामि कृतार्थेनान्तरात्मना ॥
tasya bhāryāṃ janasthānāt sītāṃ surasutopamām | ānayiṣyāmi vikramya sahāyas tatra me bhava ||
tvayā hy ahaṃ sahāyena pārśvasthena mahābala | bhrātṛbhiś ca surān yuddhe samagrān nābhicintaye ||
tat sahāyo bhava tvaṃ me samartho hy asi rākṣasa | vīrye yuddhe ca darpe ca na hy asti sadṛśas tava ||
etadartham ahaṃ prāptas tvatsamīpaṃ niśācara | śṛṇu tat karma sāhāyye yat kāryaṃ vacanān mama ||
sauvarṇas tvaṃ mṛgo bhūtvā citro rajatabindubhiḥ | āśrame tasya rāmasya sītāyāḥ pramukhe cara ||
tvāṃ tu niḥsaṃśayaṃ sītā dṛṣṭvā tu mṛgarūpiṇam | gṛhyatām iti bhartāraṃ lakṣmaṇaṃ cābhidhāsyati ||
tatas tayor apāye tu śūnye sītāṃ yathāsukham | nirābādho hariṣyāmi rāhuś candraprabhām iva ||
tataḥ paścāt sukhaṃ rāme bhāryāharaṇakarśite | visrabdhaṃ prahariṣyāmi kṛtārthenāntarātmanā ||
«Я силой уведу из Джанастханы его жену Ситу, подобную дочери богов; будь мне помощником в этом. О великосильный, когда ты стоишь рядом как мой помощник, я не считаю опасными даже всех богов вместе с моими братьями в битве. Поэтому будь моим помощником, ракшас: ты способен, и в силе, битве и дерзости нет тебе равного. Ради этого я пришёл к тебе, ночной странник. Слушай дело, которое по моему слову должно быть сделано для помощи. Стань золотым оленем, пёстрым от серебряных пятен, и броди в ашраме Рамы перед Ситой. Без сомнения, увидев тебя в образе оленя, Сита скажет мужу и Лакшмане: “Пусть его поймают”. Тогда, когда они оба уйдут и место опустеет, я без препятствий унесу Ситу, как Раху уносит сияние луны. А потом, когда Рама будет измучен похищением жены, я, внутренне достигнув цели, спокойно нанесу ему удар».
556b236ace32 · published Jun 22, 2026, 12:00:00 AM UTC
Available inRUPage between verses with
План Раваны строится на иллюзии: ложная красота должна вывести Раму и Лакшману из ашрама, чтобы Сита осталась без защиты. Так соблазн становится оружием адхармы: он не побеждает силу прямо, а пытается разорвать доверие, внимание и семейную связь.