एवं ब्रुवत्यां सीतायां रामपत्न्यां महाबलः । प्रत्युवाचोत्तरं तीव्रं रावणो राक्षसाधिपः ॥
येन वित्रासिता लोकाः सदेवासुरपन्नगाः । अहं स रावणो नाम सीते रक्षोगणेश्वरः ॥
त्वां तु काञ्चनवर्णाभां दृष्ट्वा कौशेयवासिनीम् । रतिं स्वकेषु दारेषु नाधिगच्छाम्य् अनिन्दिते ॥
बह्वीनाम् उत्तमस्त्रीणाम् आहृतानाम् इतस् ततः । सर्वासाम् एव भद्रं ते ममाग्रमहिषी भव ॥
लङ्का नाम समुद्रस्य मध्ये मम महापुरी । सागरेण परिक्षिप्ता निविष्टा गिरिमूर्धनि ॥
तत्र सीते मया सार्धं वनेषु विचरिष्यसि । न चास्यारण्यवासस्य स्पृहयिष्यसि भामिनि ॥
पञ्चदास्यः सहस्राणि सर्वाभरणभूषिताः । सीते परिचरिष्यन्ति भार्या भवसि मे यदि ॥
evaṃ bruvatyāṃ sītāyāṃ rāmapatnyāṃ mahābalaḥ | pratyuvācottaraṃ tīvraṃ rāvaṇo rākṣasādhipaḥ ||
yena vitrāsitā lokāḥ sadevāsurapannagāḥ | ahaṃ sa rāvaṇo nāma sīte rakṣogaṇeśvaraḥ ||
tvāṃ tu kāñcanavarṇābhāṃ dṛṣṭvā kauśeyavāsinīm | ratiṃ svakeṣu dāreṣu nādhigacchāmy anindite ||
bahvīnām uttamastrīṇām āhṛtānām itas tataḥ | sarvāsām eva bhadraṃ te mamāgramahiṣī bhava ||
laṅkā nāma samudrasya madhye mama mahāpurī | sāgareṇa parikṣiptā niviṣṭā girimūrdhani ||
tatra sīte mayā sārdhaṃ vaneṣu vicariṣyasi | na cāsyāraṇyavāsasya spṛhayiṣyasi bhāmini ||
pañcadāsyaḥ sahasrāṇi sarvābharaṇabhūṣitāḥ | sīte paricariṣyanti bhāryā bhavasi me yadi ||
Когда Сита, жена Рамы, сказала это, великосильный Равана, владыка ракшасов, ответил ей резкими словами: «Я тот самый Равана, владыка сонмов ракшасов, которым устрашены миры вместе с богами, асурами и змеями. Увидев тебя, безупречная, сияющую золотым цветом и одетую в шёлк, я уже не нахожу наслаждения в собственных жёнах. Из множества лучших женщин, привезённых отовсюду, стань главной царицей надо всеми, благо тебе. Посреди океана стоит мой великий город Ланка, окружённый морем и расположенный на вершине горы. Там, Сита, ты будешь гулять со мной по рощам и уже не пожелаешь этой лесной жизни, прекрасная. Пять тысяч служанок, украшенных всеми украшениями, будут служить тебе, Сита, если ты станешь моей женой».
9a88c445ad0c · published Jun 22, 2026, 12:00:00 AM UTC
Available inRUPage between verses with
Равана сбрасывает маску гостя и сразу говорит языком власти: страх, богатство, город, служанки. Но его предложение построено на ложном предположении, будто Ситу можно отделить от Рамы внешним блеском.