स तां पुष्करिणीं गत्वा पद्मोत्पलझषाकुलाम् । रामः सौमित्रिसहितो विललापाकुलेन्द्रियः ॥
तस्य दृष्ट्वैव तां हर्षाद् इन्द्रियाणि चकम्पिरे । स कामवशम् आपन्नः सौमित्रिम् इदम् अब्रवीत् ॥
सौमित्रे पश्य पम्पायाः काननं शुभदर्शनम् । यत्र राजन्ति शैलाभा द्रुमाः सशिखरा इव ॥
मां तु शोकाभिसंतप्तम् आधयः पीडयन्ति वै । भरतस्य च दुःखेन वैदेह्या हरणेन च ॥
अधिकं प्रविभात्य् एतन् नीलपीतं तु शाद्वलम् । द्रुमाणां विविधैः पुष्पैः परिस्तोमैर् इवार्पितम् ॥
सुखानिलो ऽयं सौमित्रे कालः प्रचुरमन्मथः । गन्धवान् सुरभिर् मासो जातपुष्पफलद्रुमः ॥
पश्य रूपाणि सौमित्रे वनानां पुष्पशालिनाम् । सृजतां पुष्पवर्षाणि वर्षं तोयमुचाम् इव ॥
प्रस्तरेषु च रम्येषु विविधाः काननद्रुमाः । वायुवेगप्रचलिताः पुष्पैर् अवकिरन्ति गाम् ॥
मारुतः सुखं संस्पर्शे वाति चन्दनशीतलः । षट्पदैर् अनुकूजद्भिर् वनेषु मधुगन्धिषु ॥
गिरिप्रस्थेषु रम्येषु पुष्पवद्भिर् मनोरमैः । संसक्तशिखरा शैला विराजन्ति महाद्रुमैः ॥
पुष्पिताग्रांश् च पश्येमान् कर्णिकारान् समन्ततः । हाटकप्रतिसंछन्नान् नरान् पीताम्बरान् इव ॥
अयं वसन्तः सौमित्रे नानाविहगनादितः । सीतया विप्रहीणस्य शोकसंदीपनो मम ॥
sa tāṃ puṣkariṇīṃ gatvā padmotpalajhaṣākulām | rāmaḥ saumitrisahito vilalāpākulendriyaḥ ||
tasya dṛṣṭvaiva tāṃ harṣād indriyāṇi cakampire | sa kāmavaśam āpannaḥ saumitrim idam abravīt ||
saumitre paśya pampāyāḥ kānanaṃ śubhadarśanam | yatra rājanti śailābhā drumāḥ saśikharā iva ||
māṃ tu śokābhisaṃtaptam ādhayaḥ pīḍayanti vai | bharatasya ca duḥkhena vaidehyā haraṇena ca ||
adhikaṃ pravibhāty etan nīlapītaṃ tu śādvalam | drumāṇāṃ vividhaiḥ puṣpaiḥ paristomair ivārpitam ||
sukhānilo 'yaṃ saumitre kālaḥ pracuramanmathaḥ | gandhavān surabhir māso jātapuṣpaphaladrumaḥ ||
paśya rūpāṇi saumitre vanānāṃ puṣpaśālinām | sṛjatāṃ puṣpavarṣāṇi varṣaṃ toyamucām iva ||
prastareṣu ca ramyeṣu vividhāḥ kānanadrumāḥ | vāyuvegapracalitāḥ puṣpair avakiranti gām ||
mārutaḥ sukhaṃ saṃsparśe vāti candanaśītalaḥ | ṣaṭpadair anukūjadbhir vaneṣu madhugandhiṣu ||
giriprastheṣu ramyeṣu puṣpavadbhir manoramaiḥ | saṃsaktaśikharā śailā virājanti mahādrumaiḥ ||
puṣpitāgrāṃś ca paśyemān karṇikārān samantataḥ | hāṭakapratisaṃchannān narān pītāmbarān iva ||
ayaṃ vasantaḥ saumitre nānāvihaganāditaḥ | sītayā viprahīṇasya śokasaṃdīpano mama ||
Придя к этому озеру, полному лотосов, утпал и рыб, Рама вместе с Саумитри зарыдал, и чувства его пришли в смятение. Едва увидев Пампу, он задрожал всем существом от волнения и, оказавшись во власти любви, сказал Саумитри: «Саумитри, посмотри на прекрасный лес Пампы, где гороподобные деревья сияют, словно вершины гор. Меня, обожжённого скорбью, терзают душевные муки: и горе Бхараты, и похищение Вайдехи. Это сине-жёлтое травяное место сияет особенно ярко, словно украшенное покрывалами из разных цветов деревьев. Этот месяц благоуханен, ветер приятен, пора полна любовного волнения, и деревья уже дали цветы и плоды. Посмотри, Саумитри, как прекрасны эти цветущие леса: они изливают цветочные дожди, как облака изливают воду. На прекрасных склонах разные лесные деревья, раскачанные порывами ветра, осыпают землю цветами. В медово-благоуханных лесах веет ветер, приятный на ощупь и прохладный, как сандал, а пчёлы жужжат вокруг. На прекрасных горных склонах горы сияют великими цветущими деревьями, вершины которых будто соприкасаются. Посмотри на эти карникары с цветущими верхушками: они повсюду словно покрыты золотом, как люди в жёлтых одеждах. Эта весна, оглашённая разными птицами, только разжигает мою скорбь, потому что я лишён Ситы».
a40b87a7ead3 · published Jun 22, 2026, 12:00:00 AM UTC
Available inRUPage between verses with
Красота Пампы не утешает Раму сразу: она делает отсутствие Ситы ещё острее. Весна, которая обычно пробуждает радость, для него становится языком разлуки.