तम् अब्रवीत् ततो रामः सुग्रीवं प्रियवादिनम् । आनयस्व सखे शीघ्रं किमर्थं प्रविलम्बसे ॥
एवम् उक्तस् तु सुग्रीवः शैलस्य गहनां गुहाम् । प्रविवेश ततः शीघ्रं राघवप्रियकाम्यया ॥
उत्तरीयं गृहीत्वा तु शुभान्य् आभरणानि च । इदं पश्येति रामाय दर्शयाम् आस वानरः ॥
ततो गृहीत्वा तद्वासः शुभान्य् आभरणानि च । अभवद् बाष्पसंरुद्धो नीहारेणेव चन्द्रमाः ॥
सीतास्नेहप्रवृत्तेन स तु बाष्पेण दूषितः । हा प्रियेति रुदन् धैर्यम् उत्सृज्य न्यपतत् क्षितौ ॥
हृदि कृत्वा स बहुशस् तम् अलंकारम् उत्तमम् । निशश्वास भृशं सर्पो बिलस्थ इव रोषितः ॥
अविच्छिन्नाश्रुवेगस् तु सौमित्रिं वीक्ष्य पार्श्वतः । परिदेवयितुं दीनं रामः समुपचक्रमे ॥
tam abravīt tato rāmaḥ sugrīvaṃ priyavādinam | ānayasva sakhe śīghraṃ kimarthaṃ pravilambase ||
evam uktas tu sugrīvaḥ śailasya gahanāṃ guhām | praviveśa tataḥ śīghraṃ rāghavapriyakāmyayā ||
uttarīyaṃ gṛhītvā tu śubhāny ābharaṇāni ca | idaṃ paśyeti rāmāya darśayām āsa vānaraḥ ||
tato gṛhītvā tadvāsaḥ śubhāny ābharaṇāni ca | abhavad bāṣpasaṃruddho nīhāreṇeva candramāḥ ||
sītāsnehapravṛttena sa tu bāṣpeṇa dūṣitaḥ | hā priyeti rudan dhairyam utsṛjya nyapatat kṣitau ||
hṛdi kṛtvā sa bahuśas tam alaṃkāram uttamam | niśaśvāsa bhṛśaṃ sarpo bilastha iva roṣitaḥ ||
avicchinnāśruvegas tu saumitriṃ vīkṣya pārśvataḥ | paridevayituṃ dīnaṃ rāmaḥ samupacakrame ||
Тогда Рама сказал приятно говорящему Сугриве: «Принеси скорее, друг. Зачем ты медлишь?» Услышав это, Сугрива быстро вошёл в глубокую горную пещеру, желая угодить Рагхаве. Взяв верхнюю одежду и прекрасные украшения, ванара показал их Раме со словами: «Посмотри на это». Рама взял ту одежду и украшения, и слёзы сдавили его, как туман закрывает Луну. Омрачённый слезами, возникшими из любви к Сите, он, плача: «О любимая!» — оставил стойкость и упал на землю. Много раз прижимая к сердцу это прекрасное украшение, он тяжело вздыхал, как разгневанный змей в норе. Потом, с непрерывным потоком слёз, Рама посмотрел на Саумитри, стоявшего рядом, и начал жалобно плакать.
bbf14ffbc5b9 · published Jun 22, 2026, 12:00:00 AM UTC
Available inRUPage between verses with
Украшения превращают известие о Сите в осязаемую боль. Рама не скрывает слёз: любовь к Сите сильнее царской выдержки и воинской твёрдости.