अथाङ्गदवचः श्रुत्वा तेनैव च समागतौ । मन्त्रिणो वानरेन्द्रस्य संमतोदारदर्शिनौ ॥
प्लक्षश् चैव प्रभावश् च मन्त्रिणाव् अर्थधर्मयोः । वक्तुम् उच्चावचं प्राप्तं लक्ष्मणं तौ शशंसतुः ॥
प्रसादयित्वा सुग्रीवं वचनैः सामनिश्चितैः । आसीनं पर्युपासीनौ यथा शक्रं मरुत्पतिम् ॥
सत्यसंधौ महाभागौ भ्रातरौ रामलक्ष्मणौ । वयस्य भावं संप्राप्तौ राज्यार्हौ राज्यदायिनौ ॥
तयोर् एको धनुष्पाणिर् द्वारि तिष्ठति लक्ष्मणः । यस्य भीताः प्रवेपन्ते नादान् मुञ्चन्ति वानराः ॥
स एष राघवभ्राता लक्ष्मणो वाक्यसारथिः । व्यवसाय रथः प्राप्तस् तस्य रामस्य शासनात् ॥
तस्य मूर्ध्ना प्रणम्य त्वं सपुत्रः सह बन्धुभिः । राजंस् तिष्ठ स्वसमये भव सत्यप्रतिश्रवः ॥
athāṅgadavacaḥ śrutvā tenaiva ca samāgatau | mantriṇo vānarendrasya saṃmatodāradarśinau ||
plakṣaś caiva prabhāvaś ca mantriṇāv arthadharmayoḥ | vaktum uccāvacaṃ prāptaṃ lakṣmaṇaṃ tau śaśaṃsatuḥ ||
prasādayitvā sugrīvaṃ vacanaiḥ sāmaniścitaiḥ | āsīnaṃ paryupāsīnau yathā śakraṃ marutpatim ||
satyasaṃdhau mahābhāgau bhrātarau rāmalakṣmaṇau | vayasya bhāvaṃ saṃprāptau rājyārhau rājyadāyinau ||
tayor eko dhanuṣpāṇir dvāri tiṣṭhati lakṣmaṇaḥ | yasya bhītāḥ pravepante nādān muñcanti vānarāḥ ||
sa eṣa rāghavabhrātā lakṣmaṇo vākyasārathiḥ | vyavasāya rathaḥ prāptas tasya rāmasya śāsanāt ||
tasya mūrdhnā praṇamya tvaṃ saputraḥ saha bandhubhiḥ | rājaṃs tiṣṭha svasamaye bhava satyapratiśravaḥ ||
После слов Ангады вместе с ним пришли советники царя обезьян — уважаемые и благородно мыслящие Плакша и Прабхава, сведущие в пользе и дхарме и способные говорить о высоком и низком. Они сообщили о Лакшмане. Сев рядом с Сугривой, словно рядом с Шакрой, владыкой марутов, они сначала умиротворили его примирительными словами, а затем сказали: «Рама и Лакшмана — братья великой доли, верные договору. Они стали твоими друзьями; они достойны царства и дали царство тебе. Один из них, Лакшмана, стоит у двери с луком в руке: от страха перед ним обезьяны дрожат и издают крики. Этот брат Рагхавы, Лакшмана, управляющий словом, прибыл по приказу Рамы, его колесница — решимость. Поклонись ему головой, ты сам, с сыном и родичами. О царь, стой в своём договоре и будь верен обещанию».
04d86b2ab58a · published Jun 22, 2026, 12:00:00 AM UTC
Available inRUPage between verses with
Советники произносят главное слово сарги: сила Сугривы должна вернуться к истине обещания. Поклон Лакшмане здесь не унижение, а признание долга перед Рамой, который дал Сугриве царство.