अनार्यस् त्वं कृतघ्नश् च मिथ्यावादी च वानर । पूर्वं कृतार्थो रामस्य न तत् प्रतिकरोषि यत् ॥
ननु नाम कृतार्थेन त्वया रामस्य वानर । सीताया मार्गणे यत्नः कर्तव्यः कृतम् इच्छता ॥
स त्वं ग्राम्येषु भोगेषु सक्तो मिथ्या प्रतिश्रवः । न त्वां रामो विजानीते सर्पं मण्डूकराविणम् ॥
महाभागेन रामेण पापः करुणवेदिना । हरीणां प्रापितो राज्यं त्वं दुरात्मा महात्मना ॥
कृतं चेन् नाभिजानीषे रामस्याक्लिष्टकर्मणः । सद्यस् त्वं निशितैर् बाणैर् हतो द्रक्ष्यसि वालिनम् ॥
न च संकुचितः पन्था येन वाली हतो गतः । समये तिष्ठ सुग्रीव मा वालिपथम् अन्वगाः ॥
न नूनम् इक्ष्वाकुवरस्य कार्मुकाच्; च्युताञ् शरान् पश्यसि वज्रसंनिभान् । ततः सुखं नाम निषेवसे सुखी; न रामकार्यं मनसाप्य् अवेक्षसे ॥
anāryas tvaṃ kṛtaghnaś ca mithyāvādī ca vānara | pūrvaṃ kṛtārtho rāmasya na tat pratikaroṣi yat ||
nanu nāma kṛtārthena tvayā rāmasya vānara | sītāyā mārgaṇe yatnaḥ kartavyaḥ kṛtam icchatā ||
sa tvaṃ grāmyeṣu bhogeṣu sakto mithyā pratiśravaḥ | na tvāṃ rāmo vijānīte sarpaṃ maṇḍūkarāviṇam ||
mahābhāgena rāmeṇa pāpaḥ karuṇavedinā | harīṇāṃ prāpito rājyaṃ tvaṃ durātmā mahātmanā ||
kṛtaṃ cen nābhijānīṣe rāmasyākliṣṭakarmaṇaḥ | sadyas tvaṃ niśitair bāṇair hato drakṣyasi vālinam ||
na ca saṃkucitaḥ panthā yena vālī hato gataḥ | samaye tiṣṭha sugrīva mā vālipatham anvagāḥ ||
na nūnam ikṣvākuvarasya kārmukāc; cyutāñ śarān paśyasi vajrasaṃnibhān | tataḥ sukhaṃ nāma niṣevase sukhī; na rāmakāryaṃ manasāpy avekṣase ||
«Ты неблагороден, неблагодарен и говоришь ложь, о обезьяна, потому что прежде получил от Рамы желанную цель, но теперь не воздаёшь ему. Разве ты, получивший своё, не должен был, желая ответить на добро, приложить усилие к поиску Ситы для Рамы? Ты привязался к грубым наслаждениям и нарушил обещание. Рама не распознал тебя: ты как змея, которую выдали крики лягушек. Грешный и дурнодушный, ты был приведён к царству обезьян великодушным Рамой, знающим сострадание. Если ты не признаёшь сделанное для тебя Рамой, чьи дела не знают усталости, то сейчас же, поражённый острыми стрелами, увидишь Вали. Путь, по которому ушёл убитый Вали, не узок. Стой в договоре, Сугрива, не иди путём Вали. Видимо, ты ещё не видел стрел, подобным молнии, выпущенных из лука лучшего из Икшваку; потому ты, называя это счастьем, наслаждаешься и даже умом не обращаешься к делу Рамы».
f2fd13359484 · published Jun 22, 2026, 12:00:00 AM UTC
Available inRUPage between verses with
Обличение достигает предела: Лакшмана называет Сугриву не по титулу, а по сути поступка. Дело Рамы и поиск Ситы — это проверка благодарности, и отказ от неё ведёт тем же путём, которым ушёл Вали.