इति ब्रुवाणं सुग्रीवं रामो धर्मभृतां वरः । बाहुभ्यां संपरिष्वज्य प्रत्युवाच कृताञ्जलिम् ॥
यद् इन्द्रो वर्षते वर्षं न तच् चित्रं भवेद् भुवि । आदित्यो वा सहस्रांशुः कुर्याद् वितिमिरं नभः ॥
चन्द्रमा रश्मिभिः कुर्यात् पृथिवीं सौम्य निर्मलाम् । त्वद्विधो वापि मित्राणां प्रतिकुर्यात् परंतप ॥
एवं त्वयि न तच् चित्रं भवेद् यत् सौम्य शोभनम् । जानाम्य् अहं त्वां सुग्रीव सततं प्रियवादिनम् ॥
त्वत्सनाथः सखे संख्ये जेतास्मि सकलान् अरीन् । त्वम् एव मे सुहृन् मित्रं साहाय्यं कर्तुम् अर्हसि ॥
जहारात्मविनाशाय वैदेहीं राक्षसाधमः । वञ्चयित्वा तु पौलोमीम् अनुह्लादो यथा शचीम् ॥
नचिरात् तं हनिष्यामि रावणं निशितैः शरैः । पौलोम्याः पितरं दृप्तं शतक्रतुर् इवारिहा ॥
iti bruvāṇaṃ sugrīvaṃ rāmo dharmabhṛtāṃ varaḥ | bāhubhyāṃ saṃpariṣvajya pratyuvāca kṛtāñjalim ||
yad indro varṣate varṣaṃ na tac citraṃ bhaved bhuvi | ādityo vā sahasrāṃśuḥ kuryād vitimiraṃ nabhaḥ ||
candramā raśmibhiḥ kuryāt pṛthivīṃ saumya nirmalām | tvadvidho vāpi mitrāṇāṃ pratikuryāt paraṃtapa ||
evaṃ tvayi na tac citraṃ bhaved yat saumya śobhanam | jānāmy ahaṃ tvāṃ sugrīva satataṃ priyavādinam ||
tvatsanāthaḥ sakhe saṃkhye jetāsmi sakalān arīn | tvam eva me suhṛn mitraṃ sāhāyyaṃ kartum arhasi ||
jahārātmavināśāya vaidehīṃ rākṣasādhamaḥ | vañcayitvā tu paulomīm anuhlādo yathā śacīm ||
nacirāt taṃ haniṣyāmi rāvaṇaṃ niśitaiḥ śaraiḥ | paulomyāḥ pitaraṃ dṛptaṃ śatakratur ivārihā ||
Рама, лучший из хранящих дхарму, обнял Сугриву обеими руками, когда тот говорил так, и ответил ему, стоявшему со сложенными ладонями: «Если Индра проливает дождь на землю, это не чудо; если тысячелучевое Солнце рассеивает тьму в небе, это не чудо; если луна своими лучами делает землю чистой и светлой, о кроткий, это не чудо; так же не чудо, о сокрушитель врагов, что такой, как ты, отвечает добром друзьям. Всё прекрасное в тебе, о кроткий, естественно. Я знаю тебя, Сугрива, как того, кто всегда говорит приятное. С тобой как защитником, друг, я одержу победу над всеми врагами в битве. Ты мой доброжелатель и друг; тебе подобает помочь мне. Низший из ракшасов похитил Вайдехи для собственной гибели, как Анухлада, обманув Пауломи, похитил Шачи. Вскоре я убью Равану острыми стрелами, как Шатакрату, убийца врагов, убил гордого отца Пауломи».
333a287b8f98 · published Jun 22, 2026, 12:00:00 AM UTC
Available inRUPage between verses with
Рама отвечает Сугриве доверием, а не подозрением. Он видит восстановленную дружбу как естественный закон, подобный дождю Индры и свету Солнца: добро, полученное от Рамы, должно стать помощью делу Ситы.