सह ताराङ्गदाभ्यां तु संगम्य हनुमान् कपिः । विचिनोति स्म विन्ध्यस्य गुहाश् च गहनानि च ॥
सिंहशार्दूलजुष्टाश् च गुहाश् च परितस् तथा । विषमेषु नगेन्द्रस्य महाप्रस्रवणेषु च ॥
तेषां तत्रैव वसतां स कालो व्यत्यवर्तत ॥
स हि देशो दुरन्वेषो गुहा गहनवान् महान् । तत्र वायुसुतः सर्वं विचिनोति स्म पर्वतम् ॥
परस्परेण रहिता अन्योन्यस्याविदूरतः । गजो गवाक्षो गवयः शरभो गन्धमादनः ॥
मैन्दश् च द्विविदश् चैव हनुमाञ् जाम्बवान् अपि । अङ्गदो युवराजश् च तारश् च वनगोचरः ॥
गिरिजालावृतान् देशान् मार्गित्वा दक्षिणां दिशम् । क्षुत्पिपासा परीताश् च श्रान्ताश् च सलिलार्थिनः । अवकीर्णं लतावृक्षैर् ददृशुस् ते महाबिलम् ॥
saha tārāṅgadābhyāṃ tu saṃgamya hanumān kapiḥ | vicinoti sma vindhyasya guhāś ca gahanāni ca ||
siṃhaśārdūlajuṣṭāś ca guhāś ca paritas tathā | viṣameṣu nagendrasya mahāprasravaṇeṣu ca ||
teṣāṃ tatraiva vasatāṃ sa kālo vyatyavartata ||
sa hi deśo duranveṣo guhā gahanavān mahān | tatra vāyusutaḥ sarvaṃ vicinoti sma parvatam ||
paraspareṇa rahitā anyonyasyāvidūrataḥ | gajo gavākṣo gavayaḥ śarabho gandhamādanaḥ ||
maindaś ca dvividaś caiva hanumāñ jāmbavān api | aṅgado yuvarājaś ca tāraś ca vanagocaraḥ ||
girijālāvṛtān deśān mārgitvā dakṣiṇāṃ diśam | kṣutpipāsā parītāś ca śrāntāś ca salilārthinaḥ | avakīrṇaṃ latāvṛkṣair dadṛśus te mahābilam ||
Хануман-капи, соединившись с Тарой и Ангадой, обследовал пещеры и чащи Виндхьи, пещеры, населённые львами и тиграми, неровные места царя гор и великие потоки. Пока они жили там, время проходило. Эта большая страна с пещерами и чащами была трудна для поиска, и сын Ветра обследовал там всю гору. Гаджа, Гавакша, Гавая, Шарабха, Гандхамадана, Майнда, Двивида, Хануман, Джамбаван, юный царь Ангада и лесной скиталец Тара держались отдельно, но недалеко друг от друга. Искав южную сторону в областях, покрытых сетью гор, они были охвачены голодом и жаждой, утомлены и хотели воды. Тогда они увидели великую пещеру, покрытую лианами и деревьями.
2b94965fef44 · published Jun 22, 2026, 12:00:00 AM UTC
Available inRUPage between verses with
Время уходит, силы иссякают, но отряд не распадается: они расходятся для поиска и остаются рядом. Так сохраняется единство служения даже среди изнурения.