नूनं न ते जनः कश् चिद् असिन् निःश्रेयसे स्थितः । निवारयति यो न त्वां कर्मणो ऽस्माद् विगर्हितात् ॥
मां हि धर्मात्मनः पत्नीं शचीम् इव शचीपतेः । त्वदन्यस् त्रिषु लोकेषु प्रार्थयेन् मनसापि कः ॥
राक्षसाधम रामस्य भार्याम् अमिततेजसः । उक्तवान् असि यत् पापं क्व गतस् तस्य मोक्ष्यसे ॥
यथा दृप्तश् च मातङ्गः शशश् च सहितौ वने । तथा द्विरदवद् रामस् त्वं नीच शशवत् स्मृतः ॥
स त्वम् इक्ष्वाकुनाथं वै क्षिपन्न् इह न लज्जसे । चक्षुषो विषयं तस्य न तावद् उपगच्छसि ॥
इमे ते नयने क्रूरे विरूपे कृष्णपिङ्गले । क्षितौ न पतिते कस्मान् माम् अनार्यनिरीक्षितः ॥
तस्य धर्मात्मनः पत्नीं स्नुषां दशरथस्य च । कथं व्याहरतो मां ते न जिह्वा पाप शीर्यते ॥
असंदेशात् तु रामस्य तपसश् चानुपालनात् । न त्वां कुर्मि दशग्रीव भस्म भस्मार्हतेजसा ॥
नापहर्तुम् अहं शक्या तस्य रामस्य धीमतः । विधिस् तव वधार्थाय विहितो नात्र संशयः ॥
शूरेण धनदभ्राता बलैः समुदितेन च । अपोह्य रामं कस्माद् धि दारचाउर्यं त्वया कृतम् ॥
nūnaṃ na te janaḥ kaś cid asin niḥśreyase sthitaḥ | nivārayati yo na tvāṃ karmaṇo 'smād vigarhitāt ||
māṃ hi dharmātmanaḥ patnīṃ śacīm iva śacīpateḥ | tvadanyas triṣu lokeṣu prārthayen manasāpi kaḥ ||
rākṣasādhama rāmasya bhāryām amitatejasaḥ | uktavān asi yat pāpaṃ kva gatas tasya mokṣyase ||
yathā dṛptaś ca mātaṅgaḥ śaśaś ca sahitau vane | tathā dviradavad rāmas tvaṃ nīca śaśavat smṛtaḥ ||
sa tvam ikṣvākunāthaṃ vai kṣipann iha na lajjase | cakṣuṣo viṣayaṃ tasya na tāvad upagacchasi ||
ime te nayane krūre virūpe kṛṣṇapiṅgale | kṣitau na patite kasmān mām anāryanirīkṣitaḥ ||
tasya dharmātmanaḥ patnīṃ snuṣāṃ daśarathasya ca | kathaṃ vyāharato māṃ te na jihvā pāpa śīryate ||
asaṃdeśāt tu rāmasya tapasaś cānupālanāt | na tvāṃ kurmi daśagrīva bhasma bhasmārhatejasā ||
nāpahartum ahaṃ śakyā tasya rāmasya dhīmataḥ | vidhis tava vadhārthāya vihito nātra saṃśayaḥ ||
śūreṇa dhanadabhrātā balaiḥ samuditena ca | apohya rāmaṃ kasmād dhi dāracāuryaṃ tvayā kṛtam ||
«Наверняка среди твоих людей нет никого, кто стоит на пути высшего блага и удержал бы тебя от этого порицаемого поступка. Кто в трёх мирах, кроме тебя, даже мысленно пожелал бы меня, жену праведного, как Шачи — жену Шачипати? Низший из ракшасов, ты произнёс грешные слова о жене безмерно сияющего Рамы. Куда ты уйдёшь, чтобы освободиться от этого? Как гордый слон и заяц в лесу несравнимы, так Рама подобен слону, а ты, низкий, считаешься зайцем. Ты здесь оскорбляешь владыку Икшваку и не стыдишься только потому, что ещё не попал в поле его зрения. Почему эти твои жестокие, безобразные, чёрно-рыжие глаза не упали на землю, когда ты, неблагородный, посмотрел на меня? Как твой язык, грешный, не рассыпается, когда ты говоришь обо мне, жене того праведного и невестке Дашаратхи? Только потому, что нет веления Рамы, и потому, что я сохраняю аскезу, десятишеий, я не превращаю тебя в пепел силой, достойной сжечь тебя. Я не могла быть похищена у мудрого Рамы иначе как по судьбе, устроенной ради твоей гибели, в этом нет сомнения. Ты храбрый, брат Куберы, окружённый войсками; почему же ты, отведя Раму в сторону, совершил кражу жены?»
39aca74bdb49 · published Jun 22, 2026, 12:00:00 AM UTC
Available inRUPage between verses with
Сита говорит как носительница дхармы, а не как беспомощная пленница. Она видит причину похищения глубже события: судьба допустила это ради гибели самого Раваны.