राजा दशरथो नाम रथकुञ्जरवाजिनाम् । पुण्यशीलो महाकीर्तिर् ऋजुर् आसीन् महायशाः । चक्रवर्तिकुले जातः पुरंदरसमो बले ॥
अहिंसारतिर् अक्षुद्रो घृणी सत्यपराक्रमः । मुख्यश् चेक्ष्वाकुवंशस्य लक्ष्मीवांल् लक्ष्मिवर्धनः ॥
पार्थिवव्यञ्जनैर् युक्तः पृथुश्रीः पार्थिवर्षभः । पृथिव्यां चतुरन्तयां विश्रुतः सुखदः सुखी ॥
तस्य पुत्रः प्रियो ज्येष्ठस् ताराधिपनिभाननः । रामो नाम विशेषज्ञः श्रेष्ठः सर्वधनुष्मताम् ॥
रक्षिता स्वस्य वृत्तस्य स्वजनस्यापि रक्षिता । रक्षिता जीवलोकस्य धर्मस्य च परंतपः ॥
तस्य सत्याभिसंधस्य वृद्धस्य वचनात् पितुः । सभार्यः सह च भ्रात्रा वीरः प्रव्रजितो वनम् ॥
तेन तत्र महारण्ये मृगयां परिधावता । जनस्थानवधं श्रुत्वा हतौ च खरदूषणौ । ततस् त्व् अमर्षापहृता जानकी रावणेन तु ॥
यथारूपां यथावर्णां यथालक्ष्मीं विनिश्चिताम् । अश्रौषं राघवस्याहं सेयम् आसादिता मया ॥
rājā daśaratho nāma rathakuñjaravājinām | puṇyaśīlo mahākīrtir ṛjur āsīn mahāyaśāḥ | cakravartikule jātaḥ puraṃdarasamo bale ||
ahiṃsāratir akṣudro ghṛṇī satyaparākramaḥ | mukhyaś cekṣvākuvaṃśasya lakṣmīvāṃl lakṣmivardhanaḥ ||
pārthivavyañjanair yuktaḥ pṛthuśrīḥ pārthivarṣabhaḥ | pṛthivyāṃ caturantayāṃ viśrutaḥ sukhadaḥ sukhī ||
tasya putraḥ priyo jyeṣṭhas tārādhipanibhānanaḥ | rāmo nāma viśeṣajñaḥ śreṣṭhaḥ sarvadhanuṣmatām ||
rakṣitā svasya vṛttasya svajanasyāpi rakṣitā | rakṣitā jīvalokasya dharmasya ca paraṃtapaḥ ||
tasya satyābhisaṃdhasya vṛddhasya vacanāt pituḥ | sabhāryaḥ saha ca bhrātrā vīraḥ pravrajito vanam ||
tena tatra mahāraṇye mṛgayāṃ paridhāvatā | janasthānavadhaṃ śrutvā hatau ca kharadūṣaṇau | tatas tv amarṣāpahṛtā jānakī rāvaṇena tu ||
yathārūpāṃ yathāvarṇāṃ yathālakṣmīṃ viniścitām | aśrauṣaṃ rāghavasyāhaṃ seyam āsāditā mayā ||
«Был царь по имени Дашаратха, владыка колесниц, слонов и коней: благого нрава, великой славы, прямой, великославный, рождённый в роду чакравартинов и равный силой Пурандаре. Он радовался ненасилию, не был мелочным, был сострадателен, обладал истинной доблестью, был главным в роду Икшваку, наделённым счастьем и умножающим счастье. Он обладал царскими признаками, широкой славой, был быком среди царей, известным на всей четырёхкрайней земле, дающим счастье и счастливым. Его любимый старший сын, с лицом, подобным владыке звёзд, зовётся Рама; он знаток различий и лучший из всех лучников. Он защитник своего поведения, защитник своих людей, защитник мира живых и защитник дхармы, о Парантапа. По слову своего старого отца, преданного истине, этот герой удалился в лес вместе с женой и братом. Когда он в великом лесу был занят охотой, Равана, услышав об уничтожении Джанастханы и о гибели Кхары и Душаны, похитил дочь Джанаки, увлечённый негодованием. Какой её облик, какой цвет и какая красота — так я слышал от Рагхавы. И вот она, именно такая, найдена мной».
089e462c024d · published Jun 22, 2026, 12:00:00 AM UTC
Available inRUPage between verses with
Хануман начинает с того, что для Ситы является самым надёжным знаком: с правдивого прославления Рамы и его рода. Его речь не навязывает доверие, а даёт Сите возможность узнать в словах живую связь с Рамой.