स तदा पीडितस् तेन कपिना पर्वतोत्तमः । ररास सह तैर् भूतैः प्राविशद् वसुधातलम् । कम्पमानैश् च शिखरैः पतद्भिर् अपि च द्रुमैः ॥
तस्योरुवेगान् मथिताः पादपाः पुष्पशालिनः । निपेतुर् भूतले रुग्णाः शक्रायुधहता इव ॥
कन्दरोदरसंस्थानां पीडितानां महौजसाम् । सिंहानां निनदो भीमो नभो भिन्दन् स शुश्रुवे ॥
स्रस्तव्याविद्धवसना व्याकुलीकृतभूषणा । विद्याधर्यः समुत्पेतुः सहसा धरणीधरात् ॥
अतिप्रमाणा बलिनो दीप्तजिह्वा महाविषाः । निपीडितशिरोग्रीवा व्यवेष्टन्त महाहयः ॥
किंनरोरगगन्धर्वयक्षविद्याधरास् तथा । पीडितं तं नगवरं त्यक्त्वा गगनम् आस्थिताः ॥
स च भूमिधरः श्रीमान् बलिना तेन पीडितः । सवृक्षशिखरोदग्राः प्रविवेश रसातलम् ॥
दशयोजनविस्तारस् त्रिंशद्योजनम् उच्छ्रितः । धरण्यां समतां यातः स बभूव धराधरः ॥
sa tadā pīḍitas tena kapinā parvatottamaḥ | rarāsa saha tair bhūtaiḥ prāviśad vasudhātalam | kampamānaiś ca śikharaiḥ patadbhir api ca drumaiḥ ||
tasyoruvegān mathitāḥ pādapāḥ puṣpaśālinaḥ | nipetur bhūtale rugṇāḥ śakrāyudhahatā iva ||
kandarodarasaṃsthānāṃ pīḍitānāṃ mahaujasām | siṃhānāṃ ninado bhīmo nabho bhindan sa śuśruve ||
srastavyāviddhavasanā vyākulīkṛtabhūṣaṇā | vidyādharyaḥ samutpetuḥ sahasā dharaṇīdharāt ||
atipramāṇā balino dīptajihvā mahāviṣāḥ | nipīḍitaśirogrīvā vyaveṣṭanta mahāhayaḥ ||
kiṃnaroragagandharvayakṣavidyādharās tathā | pīḍitaṃ taṃ nagavaraṃ tyaktvā gaganam āsthitāḥ ||
sa ca bhūmidharaḥ śrīmān balinā tena pīḍitaḥ | savṛkṣaśikharodagrāḥ praviveśa rasātalam ||
daśayojanavistāras triṃśadyojanam ucchritaḥ | dharaṇyāṃ samatāṃ yātaḥ sa babhūva dharādharaḥ ||
Тогда лучший из гор, сдавленный тем капи, застонал вместе с живущими на нём существами и вошёл в поверхность земли, с трясущимися вершинами и падающими деревьями. От мощного напора Ханумана цветущие деревья, потрясённые и сломанные, упали на землю, словно поражённые оружием Шакры. Страшный рёв могучих львов, придавленных внутри пещер, был слышен, рассекая небо. Видьядхари внезапно взлетели с горы, их одежды упали и сбились, украшения пришли в беспорядок. Огромные, сильные, ядовитые великие змеи с пылающими языками извивались со сдавленными головами и шеями. Киннары, змеи, гандхарвы, якши и видьядхары, оставив эту сдавленную лучшую гору, остановились в небе. А сияющая гора, сдавленная тем сильным Хануманом, вместе с деревьями и высокими вершинами вошла в нижний мир. Держатель земли, шириной в десять йоджан и высотой в тридцать йоджан, сравнялся с землёй.
3b45c72359dd · published Jun 22, 2026, 12:00:00 AM UTC
Available inRUPage between verses with
Сила обратного прыжка такова, что гора уходит в землю. Но этот образ не о разрушении ради разрушения: мир отступает перед неотложностью вести, которую Хануман несёт Раме.