राघवस्य वचः श्रुत्वा सुग्रीवो वाहिनीपतिः । व्यादिदेश महावीर्यान् वानरान् वानरर्षभः ॥
ते वानरगणाः सर्वे समुत्पत्य युयुत्सवः । गुहाभ्यः शिखरेभ्यश् च आशु पुप्लुविरे तदा ॥
ततो वानरराजेन लक्ष्मणेन च पूजितः । जगाम रामो धर्मात्मा ससैन्यो दक्षिणां दिशम् ॥
शतैः शतसहस्रैश् च कोटीभिर् अयुतैर् अपि । वारणाभिश् च हरिभिर् ययौ परिवृतस् तदा ॥
तं यान्तम् अनुयाति स्म महती हरिवाहिनी ॥
हृष्टाः प्रमुदिताः सर्वे सुग्रीवेणाभिपालिताः । आप्लवन्तः प्लवन्तश् च गर्जन्तश् च प्लवंगमाः । क्ष्वेलन्तो निनदन्तश् च जग्मुर् वै दक्षिणां दिशम् ॥
भक्षयन्तः सुगन्धीनि मधूनि च फलानि च । उद्वहन्तो महावृक्षान् मञ्जरीपुञ्जधारिणः ॥
अन्योन्यं सहसा दृष्टा निर्वहन्ति क्षिपन्ति च । पतन्तश् चोत्पतन्त्य् अन्ये पातयन्त्य् अपरे परान् ॥
रावणो नो निहन्तव्यः सर्वे च रजनीचराः । इति गर्जन्ति हरयो राघवस्य समीपतः ॥
पुरस्ताद् ऋषभो वीरो नीलः कुमुद एव च । पथानं शोधयन्ति स्म वानरैर् बहुभिः सह ॥
मध्ये तु राजा सुग्रीवो रामो लक्ष्मण एव च । बहुभिर् बलिभिर् भीमैर् वृताः शत्रुनिबर्हणः ॥
हरिः शतबलिर् वीरः कोटीभिर् दशभिर् वृतः । सर्वाम् एको ह्य् अवष्टभ्य ररक्ष हरिवाहिनीम् ॥
कोटीशतपरीवारः केसरी पनसो गजः । अर्कश् चातिबलः पार्श्वम् एकं तस्याभिरक्षति ॥
सुषेणो जाम्बवांश् चैव ऋक्षैर् बहुभिर् आवृतः । सुग्रीवं पुरतः कृत्वा जघनं संररक्षतुः ॥
तेषां सेनापतिर् वीरो नीलो वानरपुंगवः । संपतन् पततां श्रेष्ठस् तद् बलं पर्यपालयत् ॥
दरीमिखः प्रजङ्घश् च जम्भो ऽथ रभसः कपिः । सर्वतश् च ययुर् वीरास् त्वरयन्तः प्लवंगमान् ॥
एवं ते हरिशार्दूला गच्छन्तो बलदर्पिताः । अपश्यंस् ते गिरिश्रेष्ठं सह्यं द्रुमलतायुतम् ॥
सागरौघनिभं भीमं तद् वानरबलं महत् । निःससर्प महाघोषं भीमवेग इवार्णवः ॥
तस्य दाशरथेः पार्श्वे शूरास् ते कपिकुञ्जराः । तूर्णम् आपुप्लुवुः सर्वे सदश्वा इव चोदिताः ॥
कपिभ्याम् उह्यमानौ तौ शुशुभते नरर्षभौ । महद्भ्याम् इव संस्पृष्टौ ग्राहाभ्यां चन्द्रभास्करौ ॥
rāghavasya vacaḥ śrutvā sugrīvo vāhinīpatiḥ | vyādideśa mahāvīryān vānarān vānararṣabhaḥ ||
te vānaragaṇāḥ sarve samutpatya yuyutsavaḥ | guhābhyaḥ śikharebhyaś ca āśu pupluvire tadā ||
tato vānararājena lakṣmaṇena ca pūjitaḥ | jagāma rāmo dharmātmā sasainyo dakṣiṇāṃ diśam ||
śataiḥ śatasahasraiś ca koṭībhir ayutair api | vāraṇābhiś ca haribhir yayau parivṛtas tadā ||
taṃ yāntam anuyāti sma mahatī harivāhinī ||
hṛṣṭāḥ pramuditāḥ sarve sugrīveṇābhipālitāḥ | āplavantaḥ plavantaś ca garjantaś ca plavaṃgamāḥ | kṣvelanto ninadantaś ca jagmur vai dakṣiṇāṃ diśam ||
bhakṣayantaḥ sugandhīni madhūni ca phalāni ca | udvahanto mahāvṛkṣān mañjarīpuñjadhāriṇaḥ ||
anyonyaṃ sahasā dṛṣṭā nirvahanti kṣipanti ca | patantaś cotpatanty anye pātayanty apare parān ||
rāvaṇo no nihantavyaḥ sarve ca rajanīcarāḥ | iti garjanti harayo rāghavasya samīpataḥ ||
purastād ṛṣabho vīro nīlaḥ kumuda eva ca | pathānaṃ śodhayanti sma vānarair bahubhiḥ saha ||
madhye tu rājā sugrīvo rāmo lakṣmaṇa eva ca | bahubhir balibhir bhīmair vṛtāḥ śatrunibarhaṇaḥ ||
hariḥ śatabalir vīraḥ koṭībhir daśabhir vṛtaḥ | sarvām eko hy avaṣṭabhya rarakṣa harivāhinīm ||
koṭīśataparīvāraḥ kesarī panaso gajaḥ | arkaś cātibalaḥ pārśvam ekaṃ tasyābhirakṣati ||
suṣeṇo jāmbavāṃś caiva ṛkṣair bahubhir āvṛtaḥ | sugrīvaṃ purataḥ kṛtvā jaghanaṃ saṃrarakṣatuḥ ||
teṣāṃ senāpatir vīro nīlo vānarapuṃgavaḥ | saṃpatan patatāṃ śreṣṭhas tad balaṃ paryapālayat ||
darīmikhaḥ prajaṅghaś ca jambho 'tha rabhasaḥ kapiḥ | sarvataś ca yayur vīrās tvarayantaḥ plavaṃgamān ||
evaṃ te hariśārdūlā gacchanto baladarpitāḥ | apaśyaṃs te giriśreṣṭhaṃ sahyaṃ drumalatāyutam ||
sāgaraughanibhaṃ bhīmaṃ tad vānarabalaṃ mahat | niḥsasarpa mahāghoṣaṃ bhīmavega ivārṇavaḥ ||
tasya dāśaratheḥ pārśve śūrās te kapikuñjarāḥ | tūrṇam āpupluvuḥ sarve sadaśvā iva coditāḥ ||
kapibhyām uhyamānau tau śuśubhate nararṣabhau | mahadbhyām iva saṃspṛṣṭau grāhābhyāṃ candrabhāskarau ||
Услышав речь Рагхавы, Сугрива, владыка войска и бык среди ванаров, отдал приказ великодоблестным ванарам. Тогда все отряды ванаров, желая сражаться, быстро вскочили и поскакали из пещер и с вершин. Затем Рама, дхармичная душа, почтённый царём ванаров и Лакшманой, пошёл с войском в южную сторону. Он двигался, окружённый сотнями, сотнями тысяч, котиями и десятками тысяч слоноподобных хари. За ним, идущим, следовала великая армия хари. Все прыгуны, охраняемые Сугривой, радостные и ликующие, припрыгивая, прыгая, рыча, крича и шумя, пошли в южную сторону. Они ели благоуханный мёд и плоды, поднимали огромные деревья с гроздьями соцветий, внезапно хватали друг друга, тащили, бросали, падали, вскакивали и валили других. Возле Рагхавы хари гремели: «Равана и все ночные ходоки должны быть убиты нами!» Впереди герой Ришабха, Нила и Кумуда со многими ванарами очищали дороги. В середине, окружённые многими сильными и грозными истребителями врагов, шли царь Сугрива, Рама и Лакшмана. Герой Шатабали, окружённый десятью коти, один охранял всю армию хари. Кесари, Панаса, Гаджа и очень сильный Арка с окружением в сто коти охраняли один её фланг. Сушена и Джамбаван, окружённые многими рикшами и поставив Сугриву впереди, охраняли тыл. Их военачальник, герой Нила, лучший из ванаров и лучших из летящих, надзирал за этим войском. Даримукха, Праджангха, Джамбха и капи Рабхаса шли со всех сторон, торопя ванаров. Так тигры среди хари, гордые силой, на пути увидели лучшую из гор — Сахью, покрытую деревьями и лианами. Великое войско ванаров, страшное и подобное потоку океана, двинулось с великим шумом, как океан с грозной силой. Рядом с сыном Дашаратхи быстро скакали все эти герои, слоны среди капи, словно хорошие кони под погоней. А два быка среди людей, несомые двумя капи, сияли, как луна и солнце, сопровождаемые двумя великими морскими существами.
e44c84d274ef · published Jun 22, 2026, 12:00:00 AM UTC
Available inRUPage between verses with
Марш войска описан как стихия: шум, прыжки, деревья, горы, бесчисленные отряды. Но эта стихия не хаотична — она организована приказом Рамы и управлением Сугривы.