आजघानेन्द्रजित् क्रुद्धो वज्रेणेव शतक्रतुः । अङ्गदं गदया वीरं शत्रुसैन्यविदारणम् ॥
तस्य काञ्चनचित्राङ्गं रथं साश्वं ससारथिम् । जघान समरे श्रीमान् अङ्गदो वेगवान् कपिः ॥
संपातिस् तु त्रिभिर् बाणैः प्रजङ्घेन समाहतः । निजघानाश्वकर्णेन प्रजङ्घं रणमूर्धनि ॥
जम्बूमाली रथस्थस् तु रथशक्त्या महाबलः । बिभेद समरे क्रुद्धो हनूमन्तं स्तनान्तरे ॥
तस्य तं रथम् आस्थाय हनूमान् मारुतात्मजः । प्रममाथ तलेनाशु सह तेनैव रक्षसा ॥
भिन्नगात्रः शरैस् तीक्ष्णैः क्षिप्रहस्तेन रक्षसा । प्रजघानाद्रिशृङ्गेण तपनं मुष्टिना गजः ॥
ग्रसन्तम् इव सैन्यानि प्रघसं वानराधिपः । सुग्रीवः सप्तपर्णेन निर्बिभेद जघान च ॥
प्रपीड्य शरवर्षेण राक्षसं भीमदर्शनम् । निजघान विरूपाक्षं शरेणैकेन लक्ष्मणः ॥
अग्निकेतुश् च दुर्धर्षो रश्मिकेतुश् च राक्षसः । सुप्तिघ्नो यज्ञकोपश् च रामं निर्बिभिदुः शरैः ॥
तेषां चतुर्णां रामस् तु शिरांसि समरे शरैः । क्रुद्धश् चतुर्भिश् चिच्छेद घोरैर् अग्निशिखोपमैः ॥
ājaghānendrajit kruddho vajreṇeva śatakratuḥ | aṅgadaṃ gadayā vīraṃ śatrusainyavidāraṇam ||
tasya kāñcanacitrāṅgaṃ rathaṃ sāśvaṃ sasārathim | jaghāna samare śrīmān aṅgado vegavān kapiḥ ||
saṃpātis tu tribhir bāṇaiḥ prajaṅghena samāhataḥ | nijaghānāśvakarṇena prajaṅghaṃ raṇamūrdhani ||
jambūmālī rathasthas tu rathaśaktyā mahābalaḥ | bibheda samare kruddho hanūmantaṃ stanāntare ||
tasya taṃ ratham āsthāya hanūmān mārutātmajaḥ | pramamātha talenāśu saha tenaiva rakṣasā ||
bhinnagātraḥ śarais tīkṣṇaiḥ kṣiprahastena rakṣasā | prajaghānādriśṛṅgeṇa tapanaṃ muṣṭinā gajaḥ ||
grasantam iva sainyāni praghasaṃ vānarādhipaḥ | sugrīvaḥ saptaparṇena nirbibheda jaghāna ca ||
prapīḍya śaravarṣeṇa rākṣasaṃ bhīmadarśanam | nijaghāna virūpākṣaṃ śareṇaikena lakṣmaṇaḥ ||
agniketuś ca durdharṣo raśmiketuś ca rākṣasaḥ | suptighno yajñakopaś ca rāmaṃ nirbibhiduḥ śaraiḥ ||
teṣāṃ caturṇāṃ rāmas tu śirāṃsi samare śaraiḥ | kruddhaś caturbhiś ciccheda ghorair agniśikhopamaiḥ ||
Разгневанный Индраджит ударил палицей героя Ангаду, разрывающего вражеское войско, словно Шатакрату ваджрой. Но в битве славный стремительный ванар Ангада разбил его украшенную золотом колесницу вместе с конями и возничим. Сампати, поражённый Праджангхой тремя стрелами, на вершине битвы убил Праджангху ашвакарной. Могучий Джамбу-мали, стоя на колеснице, в гневе пронзил Ханумана между грудей колесничным дротиком. Тогда Хануман, сын ветра, взошёл на его колесницу и быстро раздавил её ладонью вместе с тем самым ракшасом. Гаджа, чьё тело было разбито острыми стрелами быстрорукого ракшаса, поразил Тапану горной вершиной и кулаком. Владыка ванаров Сугрива пронзил и убил саптапарной Прагхасу, который словно пожирал войска. Лакшмана, подавив дождём стрел страшного видом ракшаса, убил Вирупакшу одной стрелой. Агникету, трудноодолимый Рашмикету, Суптигхна и Яджнякопа пронзили Раму стрелами. Но разгневанный Рама в битве четырьмя страшными стрелами, подобными языкам огня, отсёк головы этих четверых.
c0288d22e251 · published Jun 22, 2026, 12:00:00 AM UTC
Available inRUPage between verses with
Воины Рамы отвечают на удар без растерянности: каждый удар врага получает точный ответ. В центре этой сцены Рама показывает меру царской силы — краткое действие, решающее исход.