राक्षसा वानराश् चापि न शेकुः स्पन्दितुं भयात् । हनूमंस् तु विवृत्योरस् तस्थौ प्रमुखतो बली ॥
परिघोपमबाहुस् तु परिघं भास्करप्रभम् । बली बलवतस् तस्य पातयाम् आस वक्षसि ॥
स्थिरे तस्योरसि व्यूढे परिघः शतधा कृतः । विशीर्यमाणः सहसा उल्का शतम् इवाम्बरे ॥
स तु तेन प्रहारेण चचाल च महाकपिः । परिघेण समाधूतो यथा भूमिचले ऽचलः ॥
स तथाभिहतस् तेन हनूमान् प्लवगोत्तमः । मुष्टिं संवर्तयाम् आस बलेनातिमहाबलः ॥
तम् उद्यम्य महातेजा निकुम्भोरसि वीर्यवान् । अभिचिक्षेप वेगेन वेगवान् वायुविक्रमः ॥
ततः पुस्फोट चर्मास्य प्रसुस्राव च शोणितम् । मुष्टिना तेन संजज्ञे ज्वाला विद्युद् इवोत्थिता ॥
स तु तेन प्रहारेण निकुम्भो विचचाल ह । स्वस्थश् चापि निजग्राह हनूमन्तं महाबलम् ॥
विचुक्रुशुस् तदा संख्ये भीमं लङ्कानिवासिनः । निकुम्भेनोद्धृतं दृष्ट्वा हनूमन्तं महाबलम् ॥
स तथा ह्रियमाणो ऽपि कुम्भकर्णात्मजेन हि । आजघानानिलसुतो वज्रवेगेन मुष्टिना ॥
आत्मानं मोचयित्वाथ क्षिताव् अभ्यवपद्यत । हनूमान् उन्ममथाशु निकुम्भं मारुतात्मजः ॥
निक्षिप्य परमायत्तो निकुम्भं निष्पिपेष च । उत्पत्य चास्य वेगेन पपातोरसि वीर्यवान् ॥
परिगृह्य च बाहुभ्यां परिवृत्य शिरोधराम् । उत्पाटयाम् आस शिरो भैरवं नदतो महत् ॥
अथ विनदति सादिते निकुम्भे; पवनसुतेन रणे बभूव युद्धम् । दशरथसुतराक्षसेन्द्रचम्वोर्; भृशतरम् आगतरोषयोः सुभीमम् ॥
rākṣasā vānarāś cāpi na śekuḥ spandituṃ bhayāt | hanūmaṃs tu vivṛtyoras tasthau pramukhato balī ||
parighopamabāhus tu parighaṃ bhāskaraprabham | balī balavatas tasya pātayām āsa vakṣasi ||
sthire tasyorasi vyūḍhe parighaḥ śatadhā kṛtaḥ | viśīryamāṇaḥ sahasā ulkā śatam ivāmbare ||
sa tu tena prahāreṇa cacāla ca mahākapiḥ | parigheṇa samādhūto yathā bhūmicale 'calaḥ ||
sa tathābhihatas tena hanūmān plavagottamaḥ | muṣṭiṃ saṃvartayām āsa balenātimahābalaḥ ||
tam udyamya mahātejā nikumbhorasi vīryavān | abhicikṣepa vegena vegavān vāyuvikramaḥ ||
tataḥ pusphoṭa carmāsya prasusrāva ca śoṇitam | muṣṭinā tena saṃjajñe jvālā vidyud ivotthitā ||
sa tu tena prahāreṇa nikumbho vicacāla ha | svasthaś cāpi nijagrāha hanūmantaṃ mahābalam ||
vicukruśus tadā saṃkhye bhīmaṃ laṅkānivāsinaḥ | nikumbhenoddhṛtaṃ dṛṣṭvā hanūmantaṃ mahābalam ||
sa tathā hriyamāṇo 'pi kumbhakarṇātmajena hi | ājaghānānilasuto vajravegena muṣṭinā ||
ātmānaṃ mocayitvātha kṣitāv abhyavapadyata | hanūmān unmamathāśu nikumbhaṃ mārutātmajaḥ ||
nikṣipya paramāyatto nikumbhaṃ niṣpipeṣa ca | utpatya cāsya vegena papātorasi vīryavān ||
parigṛhya ca bāhubhyāṃ parivṛtya śirodharām | utpāṭayām āsa śiro bhairavaṃ nadato mahat ||
atha vinadati sādite nikumbhe; pavanasutena raṇe babhūva yuddham | daśarathasutarākṣasendracamvor; bhṛśataram āgataroṣayoḥ subhīmam ||
Ракшасы и ванары от страха не могли пошевелиться, но могучий Хануман раскрыл грудь и встал впереди. Руками, подобными дубинам, он принял на грудь солнечносияющую дубину этого сильного воина. На его крепкой широкой груди дубина разлетелась на сто частей, внезапно рассыпавшись как сотня метеоров в небе. От этого удара великий обезьяна всё же пошатнулся, потрясённый дубиной, как гора при землетрясении. Так поражённый, Хануман, лучший прыгун и чрезвычайно могучий, сжал кулак. Великосияющий, доблестный и стремительный, равный ветру в подвиге, он поднял его и с силой бросил в грудь Никумбхи. Кожа Никумбхи лопнула, потекла кровь, и от этого кулака вспыхнула вспышка, словно поднявшаяся молния. Никумбха зашатался от удара, но, всё ещё держась, схватил могучего Ханумана. Увидев, что Никумбха поднял Ханумана, жители Ланки страшно закричали в битве. Но даже уносимый сыном Кумбхакарны, сын ветра ударил его кулаком со скоростью ваджры. Освободившись, Хануман сошёл на землю и быстро сокрушил Никумбху. Очень сосредоточенный, он бросил Никумбху, раздавил его, затем с силой вскочил и упал ему на грудь. Схватив его двумя руками и обхватив шею, он вырвал у ревущего врага большую страшную голову. Когда Никумбха был сражён сыном ветра в бою, битва между войсками сына Дашаратхи и царя ракшасов стала ещё более страшной, потому что обе стороны были охвачены ещё большим гневом.
6abb2e534a29 · published Jun 22, 2026, 12:00:00 AM UTC
Available inRUPage between verses with
Хануман не пугается оружия, перед которым замирают обе армии. Его грудь становится мерой силы Никумбхи: дубина рассыпается, а служение Раме остаётся неподвижным.