समीपस्थं बलाध्यक्षं खरपुत्रो ऽब्रवीद् इदम् । रथम् आनीयतां शीघ्रं सैन्यं चानीयतां त्वरात् ॥
तस्य तद्वचनं श्रुत्वा बलाध्यक्षो निशाचरः । स्यन्दनं च बलं चैव समीपं प्रत्यपादयत् ॥
प्रदक्षिणं रथं कृत्वा आरुरोह निशाचरः । सूतं संचोदयाम् आस शीघ्रं मे रथम् आवह ॥
अथ तान् राक्षसान् सर्वान् मकराक्षो ऽब्रवीद् इदम् । यूयं सर्वे प्रयुध्यध्वं पुरस्तान् मम राक्षसाः ॥
अहं राक्षसराजेन रावणेन महात्मना । आज्ञप्तः समरे हन्तुं ताव् उभौ रामलक्ष्मणौ ॥
अद्य रामं वधिष्यामि लक्ष्मणं च निशाचराः । शाखामृगं च सुग्रीवं वानरांश् च शरोत्तमैः ॥
अद्य शूलनिपातैश् च वानराणां महाचमूम् । प्रदहिष्यामि संप्राप्तां शुष्केन्धनम् इवानलः ॥
samīpasthaṃ balādhyakṣaṃ kharaputro 'bravīd idam | ratham ānīyatāṃ śīghraṃ sainyaṃ cānīyatāṃ tvarāt ||
tasya tadvacanaṃ śrutvā balādhyakṣo niśācaraḥ | syandanaṃ ca balaṃ caiva samīpaṃ pratyapādayat ||
pradakṣiṇaṃ rathaṃ kṛtvā āruroha niśācaraḥ | sūtaṃ saṃcodayām āsa śīghraṃ me ratham āvaha ||
atha tān rākṣasān sarvān makarākṣo 'bravīd idam | yūyaṃ sarve prayudhyadhvaṃ purastān mama rākṣasāḥ ||
ahaṃ rākṣasarājena rāvaṇena mahātmanā | ājñaptaḥ samare hantuṃ tāv ubhau rāmalakṣmaṇau ||
adya rāmaṃ vadhiṣyāmi lakṣmaṇaṃ ca niśācarāḥ | śākhāmṛgaṃ ca sugrīvaṃ vānarāṃś ca śarottamaiḥ ||
adya śūlanipātaiś ca vānarāṇāṃ mahācamūm | pradahiṣyāmi saṃprāptāṃ śuṣkendhanam ivānalaḥ ||
Сын Кхары сказал начальнику войска, стоявшему рядом: «Пусть быстро приведут колесницу, и пусть поспешно приведут войско». Услышав его слово, начальник войска, ночной бродяга, доставил поблизости колесницу и войско. Обойдя колесницу справа, Макаракша взошёл на неё и побудил возничего: «Быстро веди мою колесницу». Затем Макаракша сказал всем ракшасам: «Все вы, ракшасы, сражайтесь передо мной. Великий Равана, царь ракшасов, приказал мне в бою убить обоих — Раму и Лакшману. Сегодня, ночные бродяги, я лучшими стрелами убью Раму, Лакшману, древесного зверя Сугриву и ванаров. Сегодня падениями копий я сожгу подошедшее великое войско ванаров, как огонь сухое топливо».
eeecf2daee1e · published Jun 22, 2026, 12:00:00 AM UTC
Available inRUPage between verses with
Макаракша принимает поручение как личное самоутверждение. Его речь полна уверенности, но в ней нет понимания, с кем он собирается сражаться: Рама для него всего лишь цель приказа.