Лакшмана
एह्य् एहीत्य् अब्रवीद् रामो लक्ष्मणं परवीरहा । सस्वजे स्नेहगाढं च बाष्पपर्याकुलेक्षणः ॥
अब्रवीच् च परिष्वज्य सौमित्रिं राघवस् तदा । दिष्ट्या त्वां वीर पश्यामि मरणात् पुनर् आगतम् ॥
न हि मे जीवितेनार्थः सीतया च जयेन वा । को हि मे जीवितेनार्थस् त्वयि पञ्चत्वम् आगते ॥
इत्य् एवं वदतस् तस्य राघवस्य महात्मनः । खिन्नः शिथिलया वाचा लक्ष्मणो वाक्यम् अब्रवीत् ॥
तां प्रतिज्ञां प्रतिज्ञाय पुरा सत्यपराक्रम । लघुः कश् चिद् इवासत्त्वो नैवं वक्तुम् इहार्हसि ॥
न प्रतिज्ञां हि कुर्वन्ति वितथां साधवो ऽनघ । लक्ष्मणं हि महत् त्व् अस्य प्रतिज्ञापरिपालनम् ॥
नैराश्यम् उपगन्तुं ते तद् अलं मत्कृते ऽनघ । वधेन रावणस्याद्य प्रतिज्ञाम् अनुपालय ॥
न जीवन् यास्यते शत्रुस् तव बाणपथं गतः । नर्दतस् तीक्ष्णदंष्ट्रस्य सिंहस्येव महागजः ॥
अहं तु वधम् इच्छामि शीघ्रम् अस्य दुरात्मनः । यावद् अस्तं न यात्य् एष कृतकर्मा दिवाकरः ॥
ehy ehīty abravīd rāmo lakṣmaṇaṃ paravīrahā | sasvaje snehagāḍhaṃ ca bāṣpaparyākulekṣaṇaḥ ||
abravīc ca pariṣvajya saumitriṃ rāghavas tadā | diṣṭyā tvāṃ vīra paśyāmi maraṇāt punar āgatam ||
na hi me jīvitenārthaḥ sītayā ca jayena vā | ko hi me jīvitenārthas tvayi pañcatvam āgate ||
ity evaṃ vadatas tasya rāghavasya mahātmanaḥ | khinnaḥ śithilayā vācā lakṣmaṇo vākyam abravīt ||
tāṃ pratijñāṃ pratijñāya purā satyaparākrama | laghuḥ kaś cid ivāsattvo naivaṃ vaktum ihārhasi ||
na pratijñāṃ hi kurvanti vitathāṃ sādhavo 'nagha | lakṣmaṇaṃ hi mahat tv asya pratijñāparipālanam ||
nairāśyam upagantuṃ te tad alaṃ matkṛte 'nagha | vadhena rāvaṇasyādya pratijñām anupālaya ||
na jīvan yāsyate śatrus tava bāṇapathaṃ gataḥ | nardatas tīkṣṇadaṃṣṭrasya siṃhasyeva mahāgajaḥ ||
ahaṃ tu vadham icchāmi śīghram asya durātmanaḥ | yāvad astaṃ na yāty eṣa kṛtakarmā divākaraḥ ||
Рама сказал Лакшмане: «Подойди, подойди», и, со слезами смятёнными глазами, крепко обнял его с любовью. Обняв Саумитри, Рагхава сказал: «По счастью, герой, я вижу тебя вернувшимся от смерти. Нет мне пользы ни от жизни, ни от Ситы, ни от победы. Какая мне польза от жизни, если ты умрёшь?» На эти слова великодушного Рагхавы утомлённый Лакшмана слабым голосом ответил: «Истиннодоблестный, дав прежде тот обет, ты не должен говорить здесь так, словно какой-то ничтожный бессильный человек. Праведные, безгрешный, не делают обет ложным; великий признак такого человека — соблюдение обещания. Довольно тебе впадать в отчаяние из-за меня. Сегодня исполни свой обет убийством Раваны. Враг, попавший на путь твоих стрел, не уйдёт живым, как великий слон не уйдёт от рычащего остроклыкого льва. Я же желаю скорой гибели этого злодушного, пока это солнце, совершив своё дело, не ушло к закату».
a924b26babb7 · published Jun 22, 2026, 12:00:00 AM UTC
Available inRUPage between verses with
Едва вернувшись к жизни, Лакшмана возвращает Раму к обету. Любовь между ними не ослабляет дхарму: она очищает её от отчаяния и направляет к завершению обещанного дела.