तां तु पार्श्वे स्थितां प्रह्वां रामः संप्रेक्ष्य मैथिलीम् । हृदयान्तर्गतक्रोधो व्याहर्तुम् उपचक्रमे ॥
एषासि निर्जिता भद्रे शत्रुं जित्वा मया रणे । पौरुषाद् यद् अनुष्ठेयं तद् एतद् उपपादितम् ॥
गतो ऽस्म्य् अन्तम् अमर्षस्य धर्षणा संप्रमार्जिता । अवमानश् च शत्रुश् च मया युगपद् उद्धृतौ ॥
अद्य मे पौरुषं दृष्टम् अद्य मे सफलः श्रमः । अद्य तीर्णप्रतिज्ञत्वात् प्रभवामीह चात्मनः ॥
या त्वं विरहिता नीता चलचित्तेन रक्षसा । दैवसंपादितो दोषो मानुषेण मया जितः ॥
संप्राप्तम् अवमानं यस् तेजसा न प्रमार्जति । कस् तस्य पुरुषार्थो ऽस्ति पुरुषस्याल्पतेजसः ॥
लङ्घनं च समुद्रस्य लङ्कायाश् चावमर्दनम् । सफलं तस्य तच् छ्लाघ्यम् अद्य कर्म हनूमतः ॥
युद्धे विक्रमतश् चैव हितं मन्त्रयतश् च मे । सुग्रीवस्य ससैन्यस्य सफलो ऽद्य परिश्रमः ॥
निर्गुणं भ्रातरं त्यक्त्वा यो मां स्वयम् उपस्थितः । विभीषणस्य भक्तस्य सफलो ऽद्य परिश्रमः ॥
tāṃ tu pārśve sthitāṃ prahvāṃ rāmaḥ saṃprekṣya maithilīm | hṛdayāntargatakrodho vyāhartum upacakrame ||
eṣāsi nirjitā bhadre śatruṃ jitvā mayā raṇe | pauruṣād yad anuṣṭheyaṃ tad etad upapāditam ||
gato 'smy antam amarṣasya dharṣaṇā saṃpramārjitā | avamānaś ca śatruś ca mayā yugapad uddhṛtau ||
adya me pauruṣaṃ dṛṣṭam adya me saphalaḥ śramaḥ | adya tīrṇapratijñatvāt prabhavāmīha cātmanaḥ ||
yā tvaṃ virahitā nītā calacittena rakṣasā | daivasaṃpādito doṣo mānuṣeṇa mayā jitaḥ ||
saṃprāptam avamānaṃ yas tejasā na pramārjati | kas tasya puruṣārtho 'sti puruṣasyālpatejasaḥ ||
laṅghanaṃ ca samudrasya laṅkāyāś cāvamardanam | saphalaṃ tasya tac chlāghyam adya karma hanūmataḥ ||
yuddhe vikramataś caiva hitaṃ mantrayataś ca me | sugrīvasya sasainyasya saphalo 'dya pariśramaḥ ||
nirguṇaṃ bhrātaraṃ tyaktvā yo māṃ svayam upasthitaḥ | vibhīṣaṇasya bhaktasya saphalo 'dya pariśramaḥ ||
Увидев Майтхили, стоявшую рядом и склонившуюся, Рама, с гневом внутри сердца, начал говорить: «Благородная, вот ты завоёвана мною после победы над врагом в бою. Всё, что следовало исполнить мужеством, теперь осуществлено. Я достиг конца своего негодования; оскорбление полностью стёрто. Унижение и враг одновременно вырваны мною. Сегодня явлена моя мужественность, сегодня мой труд принёс плод; сегодня, исполнив обет, я владею собой. Ты была уведена в разлуке непостоянным умом ракшасом, но ущерб, доставленный судьбой, побеждён мною, человеком. Какая цель мужества есть у человека малой силы, если он не стирает своей мощью нанесённое ему унижение? Сегодня стало плодотворным достославное деяние Ханумана: пересечение океана и сокрушение Ланки. Сегодня стал плодотворным труд Сугривы с войском, который доблестно сражался в битве и советовал мне благо. Сегодня стал плодотворным труд преданного Вибхишаны, который оставил лишённого добродетели брата и сам пришёл ко мне».
a82eaa370a47 · published Jun 22, 2026, 12:00:00 AM UTC
Available inRUPage between verses with
Речь Рамы начинается не с утешения, а с публичного подведения итогов войны: обет, честь, союзники, подвиги. Текст намеренно создаёт напряжение между личной встречей и царским долгом перед миром свидетелей.